ମଝି ଆକାଶରେ ବିମାନରୁ ବାହାରିଲା ଧୂଆଁ । ଅଳ୍ପକେ ବର୍ତିଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପତ୍ନୀ ମେଲାନିଆ ଟ୍ରମ୍ପ
କନକ ବ୍ୟୁରୋ : ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପତ୍ନୀ ମେଲାନିଆ ଟ୍ରମ୍ପ ଏକ ବିମାନ ଦୁର୍ଘଟଣାର ସମ୍ମୁଖୀନ ହେବା ପୂର୍ବରୁ ଅଳ୍ପକରେ ରକ୍ଷା ପାଇ ଯାଇଥିବା ଜାଣିବାକୁ ମିଳିଛି। ମିଳିଥିବା ସୂଚନା ଅନୁସାରେ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ପତ୍ନୀ ମେଲାନିଆ ଟ୍ରମ୍ପ ଆମେରିକୀୟ ବାୟୁସେନାର ଏକ ବିମାନ ଯୋଗେ ଓ୍ଵାଶିଂଟନରୁ ଫିଲାଡେଲଫିଆ ଯାଉଥିଲେ। ତେବେ, ମଝି ଆକାଶରେ ସେ ଯାତ୍ରା କରୁଥିବା ବିମାନର କ୍ୟାବିନରୁ ଧୂଆଁ ବାହାରୁ ଥିବା ବିମାନର ପାଇଲଟ ଦେଖିବାକୁ ପାଇଥିଲେ।
Kanak News is now on WhatsApp
Join and get latest news updates delivered to you via WhatsApp
ଏହା ଦେଖିବା ପରେ ପାଇଲଟ୍ ବିମାନଟିକୁ ଫିଲାଡେଲଫିଆ ଅଭିମୁଖେ ନେବା ପରିବର୍ତ୍ତେ ଜଏଣ୍ଟ ବେସ୍ ଏଣ୍ଡ୍ର୍ୟୁଜ୍କୁ ଫେରାଇ ଆଣିବା ସହ ବିମାନଟିର ଜରୁରିକାଳୀନ ଅବତରଣ କରାଇ ଦେଇଥିଲେ ବୋଲି ହ୍ଵାଇଟ ହାଉସ୍ ପକ୍ଷରୁ ସୂଚନା ଦିଆ ଯାଇଛି। ବିମାନଟି ଜରୁରିକାଳୀନ ଅବତରଣ କରିବା ପରେ ରାଷ୍ଟ୍ରପତିଙ୍କ ପତ୍ନୀ ମେଲାନିଆଙ୍କ ସ୍ୱାସ୍ଥ୍ୟ ପରୀକ୍ଷା ପାଇଁ ସଙ୍ଗେ ସଙ୍ଗେ ତାଙ୍କୁ ହସ୍ପିଟାଲକୁ ନିଆ ଯାଇଥିଲା। ତେବେ କେଉଁ ପରିସ୍ଥିତିରେ ଏପରି ଘଟଣା ଘଟିଲା ତାହାର ତଦନ୍ତ ପାଇଁ ନିର୍ଦ୍ଦେଶ ଦିଆଯିବ ସହ ଯଥାଶୀଘ୍ର ଏନେଇ ଏକ ରିପୋର୍ଟ ରାଷ୍ଟ୍ରପତିଙ୍କ ଅଫିସକୁ ପଠାଯିବ ବୋଲି ସୂଚନା ମିଳିଛି ।