ମୟୁରଭଂଜ ବନ୍ଦ ବେଳେ ଜିଲ୍ଲାପାଳଙ୍କୁ ଅଟକାଇଲେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା କର୍ମୀ : ଅଫିସ ନଖୋଲିବାକୁ ଦାବି କରି ଜିଲ୍ଳାପାଳଙ୍କ ସହ ଯୁକ୍ତିତର୍କ
କନକ ବ୍ୟୁରୋ : ମୟୁରଭଂଜ ବନ୍ଦ ପାଳନ ବେଳେ ଜିଲ୍ଲାପାଳଙ୍କୁ ଅଟକାଇଲେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା କର୍ମୀ । ହାଇକୋର୍ଟ ସ୍ଥାୟୀ ବେଂଚ୍ ପ୍ରତିଷ୍ଠା ଦାବିରେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ପକ୍ଷରୁ ୧୨ ଘଂଟିଆ ବନ୍ଦ ପାଳନ ହେଉଥିବା ବେଳେ ଜିଲ୍ଳାପାଳଙ୍କ ଅଫିସ ସମ୍ମୁଖରେ ପହଞ୍ଚି ଜିଲ୍ଳାପାଳଙ୍କ ସହ ଯୁକ୍ତିତର୍କ କରିଥିଲେ ଆନ୍ଦୋଳନକାରୀ । ଏକ ଭିଡିଓ କନଫରେନ୍ସିଂ ପାଇଁ ଯିବାର ଅଛି ବୋଲି ଜିଲ୍ଲାପାଳ କହୁଥିବା ବେଳେ ତାଙ୍କୁ ଛାଡିନଥିଲେ ଆନ୍ଦୋଳନକାରୀ । ମୟୁରଭଂଜ ବନ୍ଦ ପାଳନରେ ସହଯୋଗ କରିବା ସହ ଅଫିସ ନଖୋଲିବାକୁ ଆନ୍ଦୋଳନକାରୀ ଦାବି କରିଥିଲେ । ଫଳରେ କିଛି ସମୟ ପାଇଁ ସେଠାରେ ଉତ୍ତେଜନା ମୂଳକ ପରିସ୍ଥିତି ସୃଷ୍ଟି ହୋଇଥିଲା । ଜିଲ୍ଲାପାଳଙ୍କ ବିରାଧରେ ନାରାବାଜି ଦେବା ସହ ଜିଲ୍ଳାପାଳଙ୍କୁ ବହିଷ୍କାର ଦାବି କରିଥିଲେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା କର୍ମୀ ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ହାଇକୋର୍ଟ ସ୍ଥାୟୀ ବେଂଚ୍ ପ୍ରତିଷ୍ଠା ଦାବିରେ ଝାଡ଼ଖଣ୍ଡ ମୁକ୍ତି ମୋର୍ଚ୍ଚା ପକ୍ଷରୁ ୧୨ ଘଂଟିଆ ମୟୁରଭଂଜ ବନ୍ଦ ପାଳନ କରାଯାଉଛି । ସଂଧ୍ୟା ୬ଟା ଯାଏଁ ବନ୍ଦ ପାଳନ କରିବ ଜେଏମଏମ । ଜିଲ୍ଲାପାଳଙ୍କ ଅଫିସ ଭିତରକୁ ଆନ୍ଦୋଳନକାରୁ ଧସେଇ ପଶିଛନ୍ତି । ବାରିପଦାରେ ହାଇକୋର୍ଟ ସ୍ଥାୟୀ ବେଂଚ୍ ପ୍ରତିଷ୍ଠା ସହ ୩ ଦଫା ଦାବି ନେଇ ଏହି ବନ୍ଦ ପାଳନ କରାଯାଉଛି । ଏନେଇ ସକାଳୁ ସକାଳୁ ରାଇରଙ୍ଗପୁର, ଉଦଳା ଏବଂ ଭିଭିନ୍ନ ସ୍ଥାନରେ ଜେଏମଏମ୍ କର୍ମୀ ପିକେଟିଂ କରିବା ଆରମ୍ଭ କରିଥିଲେ । ବନ୍ଦ ଡାକରାର ପ୍ରଭାବ ବାରିପଦା ସହରରେ ପଡିଥିବା ଦେଖିବାକୁ ମିଳିଛି । ଦୋକାନ ବଜାର, ଶିକ୍ଷାନୁଷ୍ଠାନ ସହ ଗାଡ଼ି ଚଳାଚଳ ମଧ୍ୟ ବନ୍ଦ ରହିଛି ।