ପରାଜୟ ପରେ ବିଜେପିର ରଣହୁଙ୍କାର ! ୨୦୧୯ ପାଇଁ ରଣନୀତି, ତିଆରି ହେବ ହ୍ୱାଟସଆପ୍ ଗ୍ରୁପ୍
କନକ ବ୍ୟୁରୋ : ୫ ରାଜ୍ୟର ନିର୍ବାଚନୀ ଫଳାଫଳରୁ ସ୍ପଷ୍ଟ ଜଣାପଡ଼ୁଛି କିପରି ହେବ ୨୦୧୯ ଲୋକସଭା ନିର୍ବାଚନ । ଗେରୁଆ ଗଡ଼ ଗୁଡ଼ିକରେ ପଦ୍ମ ମଉଳି ହାତ ଉଠିବା ପରେ ବିଜେପି ଶିବିରରେ ସୃଷ୍ଟି ହୋଇଛି କମ୍ପନ । କେଉଁ ରଣନୀତି ଆପଣାଇ ଆଗାମୀ ନିର୍ବାଚନରେ କଂଗ୍ରେସକୁ ମାତ୍ ଦିଆଯିବ ସେନେଇ ବୈଠକ ପରେ ବୈଠକ କରୁଛି ଦଳ । ବିଜେପିର ରାଷ୍ଟ୍ରିୟ ଅଧ୍ୟକ୍ଷ ଅମିତ ଶାହ ଗୁରୁବାର ଦିନ ପାଂଚ ରାଜ୍ୟର ନିର୍ବାଚନରେ ମିଳିଥିବା ପରାଜୟ ପରେ ଦଳର ବଡ଼ ବଡ଼ ନେତାଙ୍କ ସହ ମାରାଥନ୍ ବୈଠକ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସୂତ୍ର ଅନୁସାରେ ଅମିତ୍ ଶାହ ବୈଠକରେ କହିଛନ୍ତି ବିଧାନସଭା ନିର୍ବାଚନରେ ଫଳାଫଳରୁ ଆଗକୁ ବଢ଼ି ଏବେ ସମ୍ପୂର୍ଣ୍ଣ ରୂପେ ୨୦୧୯ ନିର୍ବାଚେନ ଉପରେ ଧ୍ୟାନ ଦେବା ଜରୁରୀ । ଏବେ ଠାରୁ ପ୍ରସ୍ତୁତି ଉପରେ ଜୋର ଦେଇଛନ୍ତି ଶାହ । ଶାହ କହିଛନ୍ତି, ଲୋସଭାରେ ପ୍ରଧାନମନ୍ତ୍ରୀଙ୍କ ନରେନ୍ଦ୍ର ମୋଦିଙ୍କ ଚେହେରା ଆମ ପାଇଁ ସବୁଠାରୁ ବଡ଼ ଅସ୍ତ୍ର । କାରଣ ପ୍ରଧାନମନ୍ତ୍ରୀ ପ୍ରାର୍ଥୀ ପାଇଁ ଏବେବି ଲୋକଙ୍କ ପ୍ରଥମ ପସନ୍ଦ ନରେନ୍ଦ୍ର ମୋଦି । ନିର୍ବାଚନ ହାରିଥିଲେ ହେଁ ମୋଦିଙ୍କ ଉପରେ ଏବେ ବି ଲୋକଙ୍କର ଆସ୍ଥା ରହିଛି । ନରେନ୍ଦ୍ର ମୋଦିଙ୍କ ନେତୃତ୍ୱରେ ଦଳ ଆଗାମୀ ଲୋକସଭା ନିର୍ବାଚନରେ କିପିର ବିଜୟ ହାସଲ କରିବ ସେନେଇ ଏବେଠାରୁ କାମ କରିବା ପାଇଁ ପଡ଼ିବ ।
ଆଉ ଏଥିପାଇଁ ନିର୍ବାଚନ ପୂର୍ବରୁ କେନ୍ଦ୍ର ସରକାରଙ୍କ ସମସ୍ତ ଗରିବ କଲ୍ୟାଣ ଯୋଜନା ଗୁଡ଼ିକ ଲୋକଙ୍କ ପାଖରେ ପହଞ୍ଚାଇବା ପାଇଁ ପଡ଼ିବ । ଯେଉଁ ରାଜ୍ୟରେ ବିଜେପି ସରକାର ଶାସନରେ ଅଛନ୍ତି ଓ ଯେଉଁ ଗୁଡ଼ିକରେ ନାହାନ୍ତି ସବୁଗୁଡ଼ିକ ପାଇଁ ପ୍ରସ୍ତୁତ ହେବ ଭିନ୍ନ ରଣନୀତି । ଲୋକ କଲ୍ୟାଣକାରୀ ଯୋଜନା ଗୁଡ଼ିକର ପ୍ରଚାର ପ୍ରସାର ପାଇଁ ଭିନ୍ନ ଭିନ୍ନ ହ୍ୱାଟସଆପ୍ ଗ୍ରୁପ୍ ତିଆରି କରାଯିବ । ଆଉ ସେଠାରେ ଲୋକଙ୍କୁ ଏକତ୍ରୀତ କରି କେନ୍ଦ୍ରୀୟ ଯୋଜନା ଓ କାର୍ଯ୍ୟକାରୀତା ବିଷୟରେ ବୁଝାଇବା ପାଇଁ ପଡ଼ିବ ।
ବୈଠକରେ ବିଗତ ଲୋକସଭା ନିର୍ବାଚନରେ ଯେଉଁ ସିଟ୍ ଗୁଡ଼ିକରେ ବିଜେପି ଦ୍ୱିତୀୟ ସ୍ଥାନରେ ଥିଲା, ଉକ୍ତ ସ୍ଥାନ ଗୁଡ଼ିକ ପାଇଁ ଦମଦାର ରଣନୀତି ପ୍ରସ୍ତୁତ କରୁଛନ୍ତି । ଏପରି ଭାବେ ପ୍ରାୟ ୧୨୦ ସିଟ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବିଶେଷ ଧ୍ୟାନ ଦେବେ । ଏଥିମଧ୍ୟରେ ବିଜେପି ୧୪ ଡିସେମ୍ବର ରୁ ୨୨ଫେବୃୟାରୀ ପର୍ଯ୍ୟଜ ନିଜର ସଂଗଠାତ୍ମକ କାର୍ଯ୍ୟକ୍ରମର ଘୋଷଣା କରିଛନ୍ତି । ୧୧-୧୨ ଦିଲ୍ଲୀରେ ବିଜେପିର ରାଷ୍ଟ୍ରୀୟ ପରିଷଦର ଅଧିବେଶନ ହେବ । ଆଉ ଏହି ସମୟରେ ଦଳର ସମସ୍ତ ମୋର୍ଚ୍ଚା ଜାତୀୟ ଅଧବଶନରେ ମୋଦିଙ୍କ ସମେତ ବଡ଼ ବଡ଼ ନେତାମାନେ ଭାଗ ନେବେ । ଆଉ ସେଠାରେ ଆଗାମୀ ନିର୍ବାଚନ ପାଇଁ ସମସ୍ତ ଆଲୋଚନା ହେବ ।