ମାଲକାନଗିରି ପଂଚାୟତରେ କାହିଁକି ହାରିଲା ବିଜେଡି : ମୁଖ୍ୟମନ୍ତ୍ରୀଙ୍କୁ ଚିଠି ଲେଖି ସଫେଇ ଦେଲେ ବିଧାୟକ ମାନସ ମାଡକାମୀ
କନକ ବ୍ୟୁରୋ : ଗତ ପଂଚାୟତ ନିର୍ବାଚନରେ ବିଜେଡି ହାତରୁ ମାଲକାନଗିରି ଛଡାଇ ନେଇଥିଲା ଭାରତୀୟ ଜନତା ପାର୍ଟି । ମୋଟ୍ ୧୩ଟି ଜିଲ୍ଲା ପରିଷଦ ଜୋନରୁ ୧୦ଟିରେ ଜିତି ପଂଚାୟତ ଗଢିଥିଲା ବିଜେପି । କଂଗ୍ରେସ- ୨ ଓ ବିଜେଡିକୁ ମାତ୍ର ଗୋଟିଏ ଆସନରେ ସନ୍ତୁଷ୍ଟ ହେବାକୁ ପଡିଥିଲା । ଏହି ବିରାଟ ବିପର୍ଯ୍ୟୟ ପାଇଁ ଜିଲ୍ଲାର ଅଣଓଡିଆ ଜିଲ୍ଲାପାଳଙ୍କୁ ଦାୟୀ କରିଛନ୍ତି ବିଧାୟକ ମାନସ ମାଡକାମୀ । ନିଜ ଉପରୁ ଦୋଷ ଛଡାଇ ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନକୁ ଦାୟୀ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ତଥା ବିଜେଡି ସୁପ୍ରିମୋ ନବୀନ ପଟ୍ଟନାୟକଙ୍କୁ ମାଲକାନଗିରି ବିଧାୟକ ମାନସ ମାଡକାମୀ ଦେଇଥିବା ଚିଠିରେ ପଂଚାୟତ ପରାଜୟର କାରଣ ଦର୍ଶାଇଛନ୍ତି ବିଧାୟକ ।
ପଂଚାୟତ ପରାଜୟର କାରଣ
୧- ସରକାରଙ୍କ ଜନମଙ୍ଗଳ ଯୋଜନା ଲୋକଙ୍କ ପାଖରେ ପହଂଚିବାରେ ବାଧା ସୃଷ୍ଟି କରୁଛନ୍ତି ଜିଲ୍ଲାପାଳ କେ. ସୁଦର୍ଶନ ଚକ୍ରବର୍ତ୍ତୀ
୨- ସରକାରଙ୍କ ଗ୍ରାମକାନ୍ଥ ପରାମ୍ବକ ପଟ୍ଟା ବଂଟନରେ ଜିଲ୍ଲାପାଳ ଅବହେଳା କରୁଛନ୍ତି
୩- ପଂଚାୟତ ନିର୍ବାଚନ ପୂର୍ବରୁ ୪୫୦ଜଣ ଶିକ୍ଷକଙ୍କ ବଦଳି କରିଦେଇଥିଲେ ଜିଲ୍ଲାପାଳ
୪- ଜିଲ୍ଲାପାଳଙ୍କ ଏଭଳି ଏକଚାଟିଆ ନିଷ୍ପତ୍ତି ଯୋଗୁଁ ଶିକ୍ଷକମାନେ ବିଜେଡି ବିରୋଧୀ ହୋଇଗଲେ
୫- ମାଲକାନଗିରି ଜିଲ୍ଲା ପ୍ରଶାସନ ଓ ପୋଲିସ ପ୍ରଶାସନ ଦୁର୍ନୀତିର ଗନ୍ତାଘର ପାଲଟିଛି
୬- ଅଣଓଡିଆ ଜିଲ୍ଲାପାଳ ଦୁର୍ନୀତିଗ୍ରସ୍ତ ଅଧିକାରୀମାନଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନେଉନାହାଁନ୍ତି
ଆଗକୁ ଆସୁଛି ପୌର ନିର୍ବାଚନ । ଯାହାର ଫଳାଫଳ ୨୦୧୯ ସାଧାରଣ ନିର୍ବାଚନ ପାଇଁ ନିର୍ଣ୍ଣାୟକ ହେବ । ଆଉ ସେଥିପାଇଁ ସୁପ୍ରିମୋଙ୍କୁ ସତର୍କ କରାଇଛନ୍ତି ନା ପୁଣିଥରେ ପୌର ନିର୍ବାଚନ ହାରିବା ଭୟରେ ଏଭଳି ଚିଠି ଲେଖିଛନ୍ତି ମାନସ ମାଡକାମୀ ତାହା ଆଗାମୀ ଦିନରେ ଜଣାପଡିବ ।