ଗରମରୁ ବଂଚିବାକୁ ଚାହାଁନ୍ତି ! ଭୋଜନରେ ସାମିଲ୍ କରନ୍ତୁ ଏହି ଖାଦ୍ୟ
ଧୀରେ ଧୀରେ ତାତି ବଢିବାରେ ଲାଗିିଛି । ଗରମ ମଧ୍ୟ ଅସମ୍ଭାଳ । ଆଉ ଲାଇନ୍ କଟିଗଲେ ଅବସ୍ଥା ପଚାରେ କିଏ । ତେବେ ଖରାର ତାତି କମାଇବା ସିନା ଆମ ହାତରେ ନାହିଁ କିନ୍ତୁ କେମିତି ଆମକୁ କମ୍ ଗରମ ଅନୁଭୂତ ହେବ ତାହା ଆମ ହାତରେ ଅଛି । ନିଜର ପ୍ରତିଦିନ ଭୋଜନରେ ଶରୀରକୁ ଥଣ୍ଡା ରଖିବା ପରି ଖାଦ୍ୟ ସାମିଲ୍ କରନ୍ତୁ । ଗରମରୁ ମିଳିବ ମୁକ୍ତି । ଏବେ ନଜର ପକାନ୍ତୁ କଣ ଖାଇବେ କଣ ଖାଇବେନି ।
Kanak News is now on WhatsApp
Join and get latest news updates delivered to you via WhatsApp
କଣ ଖାଇବେନି :
• ଖରାଦିନେ ପ୍ରାୟ ପେଟ ରୋଗ ବାହାରିଥାଏ । ତେଣୁ ମସଲାଯୁକ୍ତ ଖାଦ୍ୟଠାରୁ ଦୂରେଇ ରୁହନ୍ତୁ । ଏହିସବୁ ଖାଦ୍ୟ ଖାଇଲେ ସ୍ୱାସ୍ଥ୍ୟ ଖରାପ ହେବା ସହ ଅତ୍ୟଧିକ ଗରମ ଅନୁଭୂତ ହୋଇଥାଏ । ମସଲାଯୁକ୍ତ ଖାଦ୍ୟ ହଜମ ହେବାରେ ମଧ୍ୟ ସମସ୍ୟା ସୃଷ୍ଟି ହୋଇଥାଏ ।
• ସେହିପରି ଯଦି ଆପଣ ମାଂସାହାରୀ ତେବେ ସାବଧାନ ରୁହନ୍ତୁ । ମାଂସ, ଅଣ୍ଡା ଏବଂ ଚିଙ୍ଗୁଡି ଶରୀରକୁ ଗରମ କରିଥାଏ । ଏହାସହ ପାଚନ ପ୍ରକ୍ରିୟାରେ ମଧ୍ୟ ଅସୁବିଧା ହୋଇଥାଏ ।
• ଅନେକ ଲୋକ ଅଧିକ ଦିନ ଯାଏଁ ଫ୍ରିଜରେ ଖାଦ୍ୟ ରଖି ଖାଇଥାନ୍ତି । ତେବେ ସ୍ୱାସ୍ଥ୍ୟ ପାଇଁ ଏହା ଖୁବ୍ କ୍ଷତିକାରକ ହୋଇଥାଏ । ବିଶେଷ କରି ଖରାଦିନେ ଏହା ଖୁବ୍ ଖରାପ ହୋଇଥାଏ ।
• ଯଦି ଆପଣ ବାହାରେ ଖାଉଛନ୍ତି ତେବେ ଜଙ୍କ୍ ଫୁଡ ଠାରୁ ଦୂରେଇ ରୁହନ୍ତୁ । ପିଜା, ବର୍ଗର, ଚିପ୍ସ୍ ଫ୍ରେଂଚ୍ ଫ୍ରାଏଜ୍ ଆଦିଠାରୁ ଦୁରେଇ ରୁହନ୍ତୁ । ଏସବୁ ଖାଦ୍ୟ ହଜମରେ ସମସ୍ୟାରେ ସୃଷ୍ଟି କରିବା ସହ ଶରୀରକୁ ଗରମ କରାଇଥାଏ ।
• ସେହିପରି ଚା’ ଏବଂ କଫି ଠାରୁ ଯଥା ସମ୍ଭବ ଦୂରେଇ ରୁହନ୍ତୁ ।
• ଆମ୍ବକୁ ଫଳର ରାଜା କୁହାଯାଏ । ପ୍ରାୟ ସମସ୍ତଙ୍କ ପସନ୍ଦ ହେଉଛି ଆମ୍ବ । ତେବେ ଅଧିକ ଆମ୍ବ ଖାଇବା ସ୍ୱାସ୍ଥ୍ୟ ପାଇଁ ଠିକ୍ ନୁହେଁ ।
କଣ ଖାଇବେ :
• ଖରାଦିନେ ଅଧିକରୁ ଅଧିକ ପାଣି ପିଅନ୍ତୁ । ଅଳ୍ପ ପାଣି ପିଇଲେ ୟୁଟିଆଇ (ୟୁରିନ୍ ଟ୍ରାକ୍ ଇନଫେକ୍ସନ୍) ପରି ରୋଗ ହୋଇଥାଏ । ତେବେ ଫ୍ରିଜ୍ ପାଣି ନପିଇ ମାଠିଆ ପାଣି ପିଅନ୍ତୁ ।
• ଗରମରେ ଲେମ୍ବୁ ପାଣି ପିଇବା ଖୁବ୍ ଲାଭଦାୟକ ।
• ସେହିପରି ଗରମରେ ପଇଡ ପାଣି ପିଇବା ଅମୃତ ସହ ସମାନ । ଏହା ଶରୀରକୁ ଥଣ୍ଡା ରଖିବା ସହ ଏସିଡିଟି କରାଏ ନାହିଁ ।
• ବେଲ ପଣା ମଧ୍ୟ ମଧ୍ୟ ଏସିଡିଟି ଏବଂ କୋଷ୍ଠ କାଠିନ୍ୟ ପରି ରୋଗରୁ ଦୂରେଇ ରଖେ ।
ଏହା ସହ ଦେଖନ୍ତୁ : ମହିଳାଙ୍କ ପାଂଚଟି ରହସ୍ୟ ! ଯାହା ପୁରୁଷଙ୍କଠାରୁ ରଖିଥାନ୍ତି ଗୋପନୀୟ