କନକ ବ୍ୟୁରୋ : ଏୟାରପୋର୍ଟରେ ମହିଳାଙ୍କୁ ମାଡ଼ ଘଟଣା ନେଇଛି ଏକ ଭିନ୍ନ ମୋଡ । ଏହି ଘଟଣାକୁ କମିଶନରେଟ ପୁଲିସ ଗୁରୁତର ସହ ନେବା ସହ ଏୟାରଫିଲ୍ଡ ଥାନାରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ମାଡ଼ ଖାଇଥିବା ମହିଳାଙ୍କ ୧୬୧ ଧାରାରେ ବୟାନ ରେକର୍ଡ କରିବା ସହ ତଥ୍ୟ ପ୍ରମାଣ ଯୋଗାଡରେ ଲାଗି ପଡିଛି ପୁଲିସ ।
Kanak News is now on WhatsApp
Join and get latest news updates delivered to you via WhatsApp
ତେବେ ମହିଳାଙ୍କୁ ମାଡ଼ ପଛରେ ଜଣେ ରାଜନେତାଙ୍କ ସଂପୃକ୍ତି ଥିବା ନେଇ ମହିଳା ପୁଲିସ ଆଗରେ ବୟାନ ଦେଇଛନ୍ତି । କହିଛନ୍ତି ରାଜନେତା ଯୋଗୁ ମହିଳା ଜଣକ ମାଡ଼ ମାରିବାକୁ ସାହସ ଯୁଟାଇ ପାରିଲେ । କିଛି ଦିନ ତଳେ ଭୁବନେଶ୍ୱର ଏୟାରପୋର୍ଟରେ ସ୍ୱାମୀଙ୍କ ପ୍ରେମିକାକୁ ନିର୍ଧୁମ ଛେଚିଥିବା ସ୍ତ୍ରୀର ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଥିଲା । ସ୍ୱାମୀର ପ୍ରେମିକାକୁ ନିର୍ଧୁମ ଛେଚିଥିଲେ ସ୍ତ୍ରୀ ।
ବାରମ୍ବାର ତାଗିଦ କଲା ପରେ ବି ମହିଳା ଜଣକ ତାଙ୍କ ସ୍ୱାମୀଙ୍କ ସହ ସମ୍ପର୍କ ରଖିବାରୁ ପ୍ରେମିକାଙ୍କୁ ମାଡ ମାରିଲେ ସ୍ତ୍ରୀ । ୪ବର୍ଷ ହେଲା ସେ ଏନେଇ ସମ୍ପୃକ୍ତ ମହିଳା ଜଣଙ୍କୁ ବାରମ୍ବାର ତାଗିଦ କରିଥିଲେ ସୁଦ୍ଧା ସେ ଶୁଣୁନଥିବା କହିଛନ୍ତି । ଶେଷରେ ପ୍ରେମିକାଙ୍କୁ ସ୍ତ୍ରୀଙ୍କ ଠାରୁ ମାଡ ଖାଇବାକୁ ପଡିଛି । ଆଉ ଏ ଘଟଣା ଏବେ ଦିନକୁ ଦିନ ଭିନ୍ନ ମୋଡ ନୋବକୁ ବସିଛି ।