୪ବର୍ଷ ପରେ ଏହି ଅଭିନେତାଙ୍କଠାରୁ ପ୍ରତିଶୋଧ ନେଇଥିଲେ ମନ୍ଦାକିନୀ ! ନିଜ ସିନେମାରୁ କରିଦେଇଥିଲେ ବାହାର
୧୯୮୧ରେ ଆସିଥିବା ସୁପରହିଟ୍ ସିନେମା ‘ଲଭ୍ ଷ୍ଟୋରୀ’ ଜରିଆରେ ବଲିଉଡରେ ପାଦ ରଖିଥିଲେ କୁମାର ଗୌରବ । କୁମାର ଗୌରବଙ୍କ ପ୍ରକୃତ ନାଁ ମନୋଜ ତୁଲୀ ଏବଂ ସେ ସ୍ୱର୍ଗତଃ ଅଭିନେତା ରାଜେନ୍ଦ୍ର କୁମାରଙ୍କ ପୁଅ । ‘ଲଭ୍ ଷ୍ଟୋରୀ’ରୁ ରାତାରାତି ଷ୍ଟାର୍ ପାଲଟିଥିବା କୁମାର ଗୌରବ କ୍ୟାରିୟର୍ ଗାଡି କିନ୍ତୁ ଆଗକୁ ଚାଲିପାରିନଥିଲା । ତେବେ କୁମାର ଗୌରବ ଏବଂ ଅଭିନେତ୍ରୀ ମନ୍ଦାକିନୀଙ୍କ ମଧ୍ୟରେ ହୋଇଥିବା ଏକ ବିବାଦ ହୋଇଥିଲା । ଯାହା ଖୁବ୍ କମ୍ ଲୋକଙ୍କୁ ଜଣା ।
Kanak News is now on WhatsApp
Join and get latest news updates delivered to you via WhatsApp
‘ଲଭ୍ ଷ୍ଟୋରୀ’ ଅପୂର୍ବ ସଫଳତା ପରେ କୌଣସି ନବାଗତା ନାୟିକାଙ୍କ ସହ କାମ ନକରିବାକୁ ନିଷ୍ପତି ନେଇଥିଲେ କୁମାର ଗୌରବ । ଏହା ଭିତରେ ପ୍ରଯୋଜକ ଦିନେଶ ବଂଶଲ୍ ସିନେମା ‘ଶିରୀ ଫରହାଦ୍’ ପାଇଁ କୁମାର ଗୌରବଙ୍କ ବିପକ୍ଷରେ ମନ୍ଦାକୀନୀଙ୍କୁ ନେବାକୁ ଚାହୁଁଥିଲେ । କିନ୍ତୁ କୁମାର ଗୌରବ ନବାଗତା ହୋଇଥିବାରୁ ମନ୍ଦାକିନୀଙ୍କ କାମ କରିବାକୁ ସଫା ସଫା ମନା କରିଦେଇଥିଲେ । ସିନେମାଟି ଅବଶ୍ୟ ଫ୍ଲପ୍ ସାବ୍ୟସ୍ତ ହୋଇଥିଲା ।
ତେବେ ଏହି ଘଟଣା ପରେ ମନ୍ଦାକିନୀ ଭାଙ୍ଗି ପଡିଥିଲେ । ଆଉ ନିଜ ସ୍ୱପ୍ନକୁ ଅଧାରେ ଛାଡି ଘରକୁ ଫେରିଯାଇଥିଲେ । କିଛି ଦିନ ପରେ ରାଜ କପୁରଙ୍କ ସିନେମା ‘ରାମ ତେରୀ ଗଙ୍ଗା ମୈଲୀ’ ପାଇଁ ଅଡିସନ୍ ଦେଇ ସିଲେକ୍ଟ ହୋଇଥିଲେ । ସିନେମାଟି ସୁପର୍ ହିଟ୍ ମଧ୍ୟ ହୋଇଥିଲା । ଏହା ପରେ ମନ୍ଦାକିନୀଙ୍କୁ ଗୋଟିଏ ପରେ ଗୋଟିଏ ସିନେମା ଅଫର୍ ଆସିଥିଲା ।
ତା ମଧ୍ୟରୁ ଗୋଟିଏ ସିନେମା ଥିଲା ଯେଉଁଥିରେ ତାଙ୍କୁ କୁମାର ଗୌରବଙ୍କ ବିପକ୍ଷରେ ନାୟିକା ରୋଲ୍ ମିଳିଥିଲା । ତେବେ ଏହା ମଧ୍ୟରେ ୪ ବର୍ଷ ବିତି ଯାଇଥିଲା । କୁମାର ଗୌରବ ଭାବିଥିଲେ ମନ୍ଦାକିନୀ ପଛ କଥା ଭୁଲି ଯାଇଥିବେ । କିନ୍ତୁ ମନ୍ଦାକିନୀ ସେହି ଅପମାନକୁ ଭୁଲି ନଥିଲେ । ଯେତେବେଳେ ପ୍ରଯୋଜକ କୁମାର ଗୌରବଙ୍କ ନାଁ ମନ୍ଦାକିନୀ ସାମ୍ନାରେ ନେଇଥିଲେ ସେତେବେଳେ ସେ ସାଙ୍ଗେ ସାଙ୍ଗେ ତାଙ୍କ ସହ କାମ କରିବାକୁ ମନା କରିଦେଇଥିଲେ । କେବଳ ସେତିକି ନୁହେଁ ମନ୍ଦାକିନୀ କହିଥିଲେ ଅନ୍ୟ ଯେ କୌଣସି ନବାଗତଙ୍କ ସହ କାମ କରିବେ କିନ୍ତୁ କୁମାର ଗୌରବଙ୍କ ସହ ନୁହେଁ । ଏହିପରି ଭାବେ ମନ୍ଦାକିନୀ ୪ବର୍ଷ ତଳର ଅପମାନର ପ୍ରତିଶୋଧ ନେଇଥିଲେ ।