କନକ ବ୍ୟୁରୋ : ଅଚଳ ଟଙ୍କାକୁ ନେଇ ପ୍ରତିଦିନ କିଛି ନା କିଛି ରୋଚକ କଥା ସାମ୍ନାକୁ ଆସୁଛି । କେତେବେଳେ ଟଙ୍କା ନଦୀରେ ଭସାଗଲାଣି ତ କେବେ ନାଳରେ । କେଉଁଠି କୋଟି କୋଟି ଟଙ୍କା ଟିକ୍ ଟିକ୍ କରି କାଟି ପୋଡି ଦିଆଯାଉଛି ତ ଆଉ କେଉଁଠି ଜରି ପୁଡିଆରେ ଅଳିଆ ଗଦାରେ ଫିଙ୍ଗାଯାଉଛି । ବିପୁଳ ପରିମାଣର ଟଙ୍କା ମହଜୁଦ ରଖିଥିବା ଲୋକେ ସେସବୁ ଧଳା ଓ ସଚଳ କରିବା ପାଇଁ ନାନା ଉପାୟ ବାହାର କରୁଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କଟକର ଜଣେ ବ୍ୟବସାୟୀ କେନ୍ଦ୍ରାପଡାରେ ଲକ୍ଷ ଲକ୍ଷ ଟଙ୍କା ରଖିବା ପାଇଁ ବ୍ୟାଙ୍କକୁ ଯାଇଥିବା ପୁଲିସ ହାବୁଡରେ ପଡିଛନ୍ତି । କଟକର ସୁନା ବ୍ୟବସାୟୀ ପରେଶ ଶାହା ୨୫ଲକ୍ଷ ୫୦ହଜାର ଟଙ୍କା ଧରି କେନ୍ଦ୍ରାପଡା ତିନିମୁହାଣିଠାରେ ଥିବା ଏକ ଘରୋଇ ବ୍ୟାଙ୍କରେ ଡିପୋଜିଟ କରିବା ପାଇଁ ଯାଇଥିଲେ । କଟକର ବ୍ୟବସାୟୀ କେନ୍ଦ୍ରାପଡା ବ୍ୟାଙ୍କରେ ଟଙ୍କା ରଖିବାକୁ ଆସିଥିବା ଖବର ପାଇ ସନ୍ଦେହ କରିଥିଲା ପୁଲିସ ।
ପୁଲିସ ଏହି ଟଙ୍କାକୁ ଜବତ କରିଛି, ହେଲେ ବ୍ୟବସାୟୀ ସଫେଇ ଦେଇଛନ୍ତି ସେ କଟକରେ ସୁନା ବ୍ୟବସାୟ କରନ୍ତି ସତ କିନ୍ତୁ କେନ୍ଦ୍ରାପଡାର ଏହି ବ୍ୟାଙ୍କରେ ଆକାଉଂଟ ଥିବାରୁ ଡିପୋଜିଟ କରିବାକୁ ଆସିଥିଲେ ।