ପ୍ରେମ ବିବାହର କରୁଣ ପରିଣତି ! ନୀଚ ଜାତିରେ ବାହା ହୋଇଥିବାରୁ ମହିଳାଙ୍କୁ ଜୀଅନ୍ତା ଜାଳିଦେଲେ ପରିବାର ଲୋକେ
କନକ ବ୍ୟୁରୋ: କର୍ଣ୍ଣାଟକର ବିଜିପୁର ଜିଲ୍ଲାରେ ଅନର କିଲିଂର ଶିକାର ହୋଇଛନ୍ତି ଗର୍ଭବତୀ ମହିଳା । ନୀଚ ଜାତିରେ ବିବାହ କରିଥିବାରୁ ମହିଳାଙ୍କୁ ଜୀବନ୍ତ ଜାଳି ଦେଇଛନ୍ତି ପରିବାର ଲୋକେ ।
Kanak News is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ ୨୧ବର୍ଷୀୟ ବାନୁ ବେଗମ ସେହି ଗାଁର ୨୪ବର୍ଷୀୟ ଯୁବକ ସାୟାବନ୍ନା ଶରନପ୍ପାଙ୍କୁ ପ୍ରେମ ବିବାହ କରିଥିଲେ । ତେବେ ଶରନପ୍ପା ନୀଚ ଜାତିର ହୋଇଥିବାରୁ ବାନୁ ବେଗମଙ୍କ ପରିବାର ଲୋକେ ଏହି ସଂପର୍କକୁ ବିରୋଧ କରୁଥିଲେ । ଏପରିକି ବାନୁକୁ ନେଇ ସାୟାବନ୍ନା ନାଁରେ ପୁଲିସରେ ଅଭିଯୋଗ ମଧ୍ୟ କରିଥିଲେ ପରିବାର ଲୋକେ ।
ତେବେ ବିରୋଧ ସତ୍ୱେ ଦୁଇଜଣ ଘରୁ ବାହାରି ଯାଇ ଲୁଚି ବିବାହ କରିଥିଲେ । ଏହାପରେ ଉଭୟ ବାନୁ ଓ ଶରନପ୍ପା ଜୁନ୍ ୩ ତାରିଖରେ ଗାଁକୁ ଫେରିଥିଲେ । କିନ୍ତୁ ଗର୍ଭବତୀ ଥିବା ବାନୁଙ୍କୁ ତାଙ୍କ ପରିବାର ଲୋକେ ଗ୍ରହଣ କରି ନଥିଲେ ଏବଂ ସେ ଘରେ ଏକାକୀ ଥିବାବେଳେ ତାଙ୍କ ଦେହରେ କିରୋସିନି ଢାଳି ଜିଆନ୍ତା ଜାଳି ଦେଇଥିଲେ ବୋଲି ମିଳିଥିବା ସୂଚନାରୁ ଜଣା ପଡିଛି ।