ଆତ୍ମହତ୍ୟା କଲେ ‘ଇସ୍କବାଜ’ପ୍ରଯୋଜକ ସଂଜୟ ବୈରାଗୀ , ପୁଲିସକୁ ମିଳିଲା ସୁସାଇଡ ନୋଟ
କିଛିଦିନ ହେବ ଗ୍ଲାମରସ ଜଗତରେ ଶୋକର ଛାୟା ଖେଳିବାରେ ଲାଗିଛି । ଗତକିଛି ଦିନ ତଳେ ଶ୍ରୀଦେବୀଙ୍କ ମୃତ୍ୟୁ ଖବର ସାରା ଦୁନିଆକୁ ଏକ ଝଟକା ଦେଇଥିଲା ।
Kanak News is now on WhatsApp
Join and get latest news updates delivered to you via WhatsApp
ବର୍ତ୍ତମାନ ଷ୍ଟାରପ୍ଲସରେ ଆଧାରିତ ଡେଲି ଧାରାବାହିକ ‘ଇସ୍କବାଜ’ର ପ୍ରଯୋଜକ ସଂଜୟ ବୈରାଗୀ ମୁମ୍ବାଇର ମଲାଡ ଇଲାକାରେ ଅବସ୍ଥିତ କୋଠାରୁ ୧୬ ମହଲା ଛାତରୁ ଡେଇଁ ଆତ୍ମହତ୍ୟା କରିଛନ୍ତି । ପୂର୍ବରୁ ଖବର ଆସିଥିଲା ସଂଜୟଙ୍କ ମାନସିକ ଭାରସାମ୍ୟ ବିଗିଡି ଯାଇଥିଲା ତେଣୁ ସେ ବିଲ୍ଡିଂରୁ ପଡି ଯାଇଥିଲେ । ମାତ୍ର ପୁଲିସଙ୍କୁ ତାଙ୍କ ପାଖରୁ ଏକ ସୁସାଇଡ ନୋଟ ମିଳିବାରୁ ,ଏହି କଥାର ସତ୍ୟାସତ୍ୟ ମିଳିଛି ଯେ ସେ ଆତ୍ମହତ୍ୟା କରିଛନ୍ତି ।
ରିପୋର୍ଟ ମୁତାବକ, ସଂଜୟ ହୋଲି ଖେଳି ସଂନ୍ଧ୍ୟା ୪.୩୦ରେ ଘରକୁ ଫେରିଥିଲେ । ସେ ହୋଲି ସେଲିବ୍ରେସନର ଫଟୋ ମଧ୍ୟ ସୋସିଆଲ ମିଡିଆରେ ସେୟାର କରିଥିଲେ । ମାତ୍ର ୨ଘଂଟା ପରେ ସେ ଆତ୍ମହତ୍ୟା କରିଥିଲେ । ସେ ତାଙ୍କ ସୁସାଇଡ ନୋଟରେ ଲେଖିଛନ୍ତି ଯେ, ସେ ଆର୍ଥିକ ସମସ୍ୟା ଦେଇ ଗତି କରୁଛନ୍ତି । ତେଣୁ ଏହା ତାଙ୍କ ଭୂଲ । ତାଙ୍କ ପରିବାର ଖରାପ ପରିସ୍ଥିତି ଦେଇ ଗତି କରୁଥିବା ମଧ୍ୟ ଏହି ନୋଟରେ ଲେଖିଛନ୍ତି । ତାଙ୍କ ମୃତ୍ୟୁ ପାଇଁ ସେ ନିଜେ ଦାୟୀ ବୋଲି ମଧ୍ୟ ନୋଟରେ ଲେଖିଛନ୍ତି ।