ସୁରତର ଦୁଷ୍କର୍ମ ପୀଡିତା ଓଡିଶାର ହୋଇଥିବା ନେଇ ସନ୍ଦେହ : ଗୁଜୁରାଟ ଗୃହମନ୍ତ୍ରୀ ପିଏସ ଜାଡେଜା ଦେଲେ ସୂଚନା
କନକ ବ୍ୟୁରୋ : ଗୁଜରାଟ ସୁରତରେ ଦୁଷ୍କର୍ମର ଶିକାର ହୋଇଥିବା ୧୧ ବର୍ଷୀୟା ନାବାଳିକା ଓଡିଶାର ହୋଇଥାଇପାରନ୍ତି । ଏ ନେଇ ସନ୍ଦେହ ପ୍ରକଟ କରିଛନ୍ତି ଗୁଜରାଟର ଗୃହମନ୍ତ୍ରୀ ପ୍ରଦୀପ ସିଂ ଜାଡେଜା । ଏ ନେଇ ଓଡିଶା ଡିଜିପିଙ୍କୁ ଗୁଜରାଟ ପୋଲିସ ପକ୍ଷରୁ ଯୋଗାଯୋଗ କରାଯାଇଛି । ପରିବାର ସମ୍ପର୍କରେ ତଥ୍ୟ ସଂଗ୍ରହ କରାଯାଉଛି । ତଦନ୍ତ ଠିକ ବାଟରେ ଚାଲିଛି ବୋଲି ଗୁଜରାଟର ଗୃହମନ୍ତ୍ରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଗତ ସପ୍ତାହରେ ସୁରତରେ ଜଣେ ୧୧ ବର୍ଷୀୟା ନାବାଳିକାଙ୍କୁ ସହ ଅତି ଅମାନବୀୟ ଭାବେ ଦୁଷ୍କର୍ମ ପରେ ହତ୍ୟା କରାଯାଇଥିଲା । ଏପ୍ରିଲ ୬ ତାରିଖରେ ସୁରତର ପୋଣ୍ଡେସରା ସ୍ଥିତ ଏକ ଆପାର୍ଟମେଂଟ୍ ପଛରେ ଥିବା ଏକ ଖେଳପଡ଼ିଆରୁ ନାବାଳିକାର କ୍ଷତବିକ୍ଷତ ମୃତଦେହକୁ ପୁଲିସ୍ ଉଦ୍ଧାର କରିଥିଲା । ନାବାଳିକାର ଗୁପ୍ତାଙ୍ଗ ସମେତ ଅନ୍ୟାନ୍ୟ ୮୬ଟି ସ୍ଥାନରେ ଗଭୀର କ୍ଷତ ଥିବା ପୁଲିସ କହିଛି । ତେବେ ପୁଲିସ ବର୍ତ୍ତମାନ ପର୍ଯ୍ୟନ୍ତ ନାବାଳିକାର ପରିଚୟ ପାଇ ନଥିବା ଜଣାପଡ଼ିଛି । ନାବାଳିକାର ପରିବାରର ଚିହ୍ନଟ ପାଇଁ ପୁଲିସ ୨୦ ହଜାର ଟଙ୍କାର ପୁରସ୍କାର ଘୋଷଣା କରିଛି । ବର୍ତ୍ତମାନ ଏହି ମାମଲାର ଛାନଭିନ୍ ଜାରିରହିଥିବା ବେଳେ ପୁଲିସ ଅଭିଯୁକ୍ତକୁ ଠାବ କରିପାରିନାହିଁ ।