ବିଳମ୍ବିତ ରାତିରେ ବାହାରେ କାମ କରିବା ମନା । କଲେଜ ସରୁ ସରୁ ବାହା ହେବା ପାଇଁ ବାପା ମାଆଙ୍କ ଚାପ । କର୍ମ ଅପେକ୍ଷା ପୋଷାକରୁ ଚରିତ୍ର ଚିହ୍ନଟ କରିବା । ବଳାତ୍କାର, ଅସଦାଚରଣର ଭୟ । ସମାଜର ବଡପଣ୍ଡାଙ୍କ ଲକ୍ଷ୍ମଣରେଖାକୁ ଅତିକ୍ରମ ନକରିବାକୁ ନାଲିଆଖି । ଏମିତି ଅନେକ ଡର ଗୋଟିଏ ଝିଅ ତା ଜୀବନରେ ପ୍ରତି ମୁହୁ ର୍ରେ ସାମ୍ନା କରିଥାଏ । ବାହାଘର ଆଗରୁ ଆଉ ପରେ କଟକଣା, ଦୁହିତା ହେଉ ହେଉ ସାୟାହ୍ନରେ ପହଂଚୁଥିବା ଝିଅ ଆଜିର ଦିନରେ ଅଭିମାନୀ ନୁହେଁ ସ୍ୱାଭିମାନୀ ହେବା ଦରକାର । କିଛି ତଥ୍ୟ ଉପରେ ନଜର ପକାନ୍ତୁ, ଆଉ ଅନୁଭବ କରନ୍ତୁ ୧୦୬ ବର୍ଷ ପରେ କାହିଁକି ଅନ୍ତର୍ଜାତୀୟ ମହିଳା ଦିବସର ଆବଶ୍ୟକତା ରହିଛି ।
Kanak News is now on WhatsApp
Join and get latest news updates delivered to you via WhatsApp
ପାଠୁଆ ଝିଅ
ସମୟ ଥିଲା, ଯେତେବେଳେ ଝିଅଟିଏ ପାଠ ପଢିବାକୁ ଚାହିିଁଲେ ତା’ପାଇଁ ଅନେକ କଟକଣା ରହୁଥିଲା, ଏହାରି ଭିତରେ ଆମେ ବହୁତ ଆଗକୁ ଆସିଯାଇଛେ । ହେଲେ ଇ ରନ୍ୟାସନାଲ ମନିଟାରୀ ଫଣ୍ଡ୍ର ତଥ୍ୟ କହୁଛି, ଉଚ୍ଚଶିକ୍ଷାରେ ମହିଳାଙ୍କ ଭାଗିଦାରୀ ବଢିଛି ମାତ୍ର ଶ୍ରମଶକ୍ତି କମିଛି । ୧୯୯୯ରେ ଏହା ୩୪% ଥିବା ବେଳେ ୨୦୧୪ରେ ଖସି ଆସିଛି ୨୭%କୁ ।
ଝିଅ ମୁଣ୍ଡର ଦାମ୍
ଭଲ ପାଇବା ସାମ୍ନାରେ ଯଦିଓ ଯୈାତୁକ ଆଜି ଆଉ ବଡ କଥା ହୋଇନାହିଁ, ତେବେ ଜାତୀୟ କ୍ରାଇମ ରେକର୍ଡ ବ୍ୟୁରୋ ତଥ୍ୟ କହୁଛି, ୨୦୧୫ରେ ୭, ୬୪୬ ମହିଳା ଯୈାତୁକ ଯାତନାର ଶିକାର ହୋଇ ଜୀବନ ହାରିଛନ୍ତି । ଆଜିର ଦିନରେ ଏମିତି ଅନେକ ଲୋକ ମିଳିବେ ଯିଏ ଝିଅ ମୁଣ୍ଡର ଦାମ ନିର୍ଦ୍ଧାରଣ କରିବାକୁ ପଛଘୁଂଚା ଦେବେ । ୧୯୬୧ ପରଠାରୁ ଦେଶରେ ଯୈାତୁକ ଦାବି କରିବା ବେଆଇନ । ହେଲେ ତଥ୍ୟ ଦେଖିଲେ ଲାଗୁଛି, ବହୁତ ଆଗକୁ ଯିବାର ବାକିଅଛି ।
କାମ ଅଧିକ, ଦରମା କମ୍
ସମାନ କାମକୁ ସମାନ ଦାମ୍, ପ୍ରତି ମୁହୁ ର୍ରେ ଏହି ନାରା ଆମେ ଶୁଣୁଥାଉ । ହେଲେ ବାସ୍ତବତା ହେଉଛି, ଆଜିର ଦିନରେ ବି ଲିଙ୍ଗଗତ ଭେଦଭାବ ଅର୍ଥାତ ପୁଅ ଝିଅଙ୍କ କ୍ଷେତ୍ରରେ ଦରମା ତାରତମ୍ୟ ରହିଛି । ମୋନଷ୍ଟର ସାଲାରି ଇଣ୍ଡେକ୍ସର ତଥ୍ୟ ଅନୁସାରେ, ମହିଳା ପୁରୁଷଙ୍କ ଠାରୁ ୨୫% କମ ଦରମା ପାଉଛନ୍ତି । କର୍ମକ୍ଷେତ୍ରରେ ପୁରୁଷଙ୍କୁ ପ୍ରଧାନ୍ୟ ମିଳିବା, ସୁପରଭାଇଜରୀ ପୋଜିସନ ପାଇଁ ପୁରୁଷଙ୍କୁ ଚୟନ କରିବା ଭଳି ଅନେକ କାରଣ ଏଥିପାଇଁ ଦାୟୀ ।
ସହମତି ବିନା ସଂପର୍କ
ବିନା ସହମତିରେ ଜବରଦସ୍ତ ଯଦି ସ୍ୱାମୀ ସ୍ତ୍ରୀ ସହ ସଂପର୍କ ରଖେ, ତେବେ ଏହା ମ୍ୟାରିଟାଲ ରେପ୍ ପରିଧି ଭିତରକୁ ଆସିଯାଏ । ଯେତେବେଳେ ଏହାକୁ ଅନେକ ଦେଶ ଅପରାଧ ପରିସରଭୁକ୍ତ କରିସାରିଲେଣି ଦୁର୍ଭାଗ୍ୟବଶତଃ ଭାରତରେ ଏନେଇ ବିତର୍କ ଚାଲିଛି । ପରମ୍ପରା ଆଉ ବିବାହର ପବିତ୍ରତାକୁ ଦ୍ୱାହି ଦିଆଯାଉଛି ।
୧୦୬ ବର୍ଷ ଧରି ଚାଲି ଆସିଥିବା ଅନ୍ତର୍ଜାତୀୟ ମହିଳା ଦିବସର ଆଜିର ଦିନରେ ମଧ୍ୟ ଗୁରୁତ୍ୱ ରହୁଛି । ଗୋଟିଏ ଅନୁଷ୍ଠାନ କିମ୍ବା ଜଣେ ବ୍ୟକ୍ତିଙ୍କ ପାଇଁ ଏହି ସୀମିତ ନୁହେଁ, ସମାଜରେ ବ୍ୟାପକ ପରିବ ର୍ନ ଆଉ ମହିଳା ସଶକ୍ତୀକରଣ ଦିଗରେ ଏହା ମୁହିମରେ ପରିଣତ ହୋଇଯାଇଛି । ଭେଦଭାବ ଆଉ ପରମ୍ପରାଗତ ଅବହେଳାକୁ ଦେଖିଲେ ଲାଗୁଛି, ଆହୁରି ଅନେକ ବାଟ ଯିବାକୁ ବାକି ଅଛି ।