ଦର୍ଶକ ଗ୍ୟାଲେରୀରେ ‘ବଳିଦାନ’ ପ୍ଲାକାର୍ଡ: ଧୋନିଙ୍କୁ ସମର୍ଥନ ଜଣାଇ ‘ବଳିଦାନ’ ଚିହ୍ନକୁ ପଡ଼ିଆ ଭିତରକୁ ନେଇ ଆସିଲେ ପ୍ରଶଂସକ
କନକ ବ୍ୟୁରୋ: ବିଶ୍ୱକପ କ୍ରିକେଟ ସମୟରେ ବେଶ ଚର୍ଚ୍ଚାରେ ରହିଛି ଧୋନିଙ୍କ ଗ୍ଲୋଭସରେ ଥିବା ବଳିଦାନ ପ୍ରତୀକ । ଗତକାଲି ଧୋନିଙ୍କୁ ତାଙ୍କ ଗ୍ଲୋଭସରେ ବଳିଦାନ ପ୍ରତୀକ ପିନ୍ଧିବାକୁ ଆଇସିସି ଅନୁମତି ଦେଇନଥିଲା । ଓଭାଲ ଗ୍ୟାଲେରୀରେ ଗତକାଲି କିନ୍ତୁ ବଳିଦାନ ପ୍ଲାକାର୍ଡ ଓ ତତ ସମ୍ପର୍କିତ ସ୍ଲୋଗାନ ବହୁ ଦର୍ଶକଙ୍କ ହାତରେ ଦେଖିବାକୁ ମିଳିଥିଲା । ଧୋନିଙ୍କୁ ସମର୍ଥନ ଜଣାଇବାକୁ ଯାଇ ସେମାନେ ‘ବଳିଦାନ’ ଚିହ୍ନକୁ ପଡ଼ିଆ ଭିତରକୁ ନେଇ ଆସିଥିଲେ। ଏହାକୁ ମଧ୍ୟ ଗର୍ବର ସହ ଦେଖାଇଥିଲେ।
Kanak News is now on WhatsApp
Join and get latest news updates delivered to you via WhatsApp
ଧୋନିଙ୍କୁ ସମର୍ଥନ ଜଣାଇବାକୁ ଯାଇ ସେମାନେ ବଳିଦାନ ଚିହ୍ନକୁ ପଡିଆ ଭିତରକୁ ନେଇ ଆସିଥିଲେ । ଧୋନି ଦକ୍ଷିଣ ଆଫ୍ରିକା ବିପକ୍ଷ ପ୍ରଥମ ମ୍ୟାଚରେ ବଳିଦାନ ପ୍ରତୀକ ଥିବା ଗ୍ଲୋଭସ ପିନ୍ଧିଥିଲେ । ଏହାକୁ ନେଇ ବିବାଦ ସୃଷ୍ଟି ହୋଇଥିଲା । ବିସିସିଆଇର ଅନୁରୋଧକୁ ଅଗ୍ରାହ୍ୟ କରି ଆଇସିସି ଧୋନିଙ୍କୁ ଏହି ଗ୍ଲୋଭସରେ ମ୍ୟାଚ ଖେଳିବାର ଅନୁମତି ଦେଇନଥିଲେ । ଫଳରେ ଧୋନି ଗତକାଲି ନିଜ ଗ୍ଲୋଭସରୁ ବଳିଦାନ ପ୍ରତୀକକୁ କାଢିନେଇଥିବା ଦେଖାଯାଇଥିଲା । ସେପଟେ ୱେଷ୍ଟଇଣ୍ଡିଜ୍ ପ୍ରାରମ୍ଭିକ ବ୍ୟାଟ୍ସମ୍ୟାନ୍ କ୍ରିସ୍ ଗେଲ୍ ନିଜ ‘ୟୁନିଭର୍ସାଲ ବସ୍’ ଲୋଗୋ ପିନ୍ଧି ମ୍ୟାଚ୍ ଖେଳିବାକୁ ଆଇସିସିଠାରୁ ଅନୁମତି ଲୋଡ଼ିଥିଲେ। ହେଲେ ଆଇସିସି ତାଙ୍କ ଅନୁରୋଧକୁ ଅଗ୍ରାହ୍ୟ କରି ଦେଇଥିଲା।