ଭାରତୀୟ ବାୟୁସେନା ତରଫରୁ ଆତଙ୍କବାଦୀ ଠିକଣା ଉପରେ ବୋମା ଆକ୍ରମଣ ! ସୋସିଆଲ୍ ମିଡିଆରେ ଲୋକ କହିଲେ , ହାଓ ଇଜ୍ ଦ ଜେସ୍ ?
ଭାରତୀୟ ବାୟୁସେନା ମଙ୍ଗଳବାର ସକାଳ ଏଲଓସି ପାର୍ କରି ପିଓକେରେ ଥିବା ଆତଙ୍କବାଦୀ ସଂଗଠନ ଜୈସ୍-ଏ-ମହମ୍ମଦର ଠିକଣାକୁ ଧ୍ୱସଂ କରି ପୁଲୱାମା ଆକ୍ରମଣର ପ୍ରତିଶୋଧ ନେଇଛି । ଭାରତୀୟ ବାୟୁସେନା ସକାଳ ୩.୩୦ ସମୟରେ ଏଲଓସି ପାର୍ ସ୍ଥିତ ଆତଙ୍କବାଦୀ ସଂଗଠନ ଜୈସ୍-ଏ-ମହମ୍ମଦର ଠିକଣାକୁ ଧ୍ୱସଂ କରିଥିଲେ । ଭାରତର ୧୨ ମିରାଜ୍ -୨୦୦୦ ବିମାନ ପାକିସ୍ତାନରେ ପଶି ଆତଙ୍କବାଦୀ ସଂଗଠନ ଜୈସର ଠିକଣାରେ ଏୟାର ଷ୍ଟ୍ରାଇକ୍ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ରିପୋର୍ଟ ମୁତାବକ, ଏହି ଅପରେସନରେ ପାକର ବାଲାକୋଟ,ଚକୋତୀ ଏବଂ ମୁଜଫରାବାଦ୍ ରେ ଥିବା ଆତଙ୍କୀ ଲଞ୍ଚ ପ୍ୟାଡ୍ କୁ ଧ୍ୱସଂ କରିଥିଲେ । ଏହି ତିନୋଟି ସ୍ଥାନ ଜୈସ୍-ଏ-ମହମ୍ମଦର ଅଲ୍ଫା – ୩ ଠିକଣା ଯାହାକୁ ବାୟୁସେନା ତରଫରୁ ଧ୍ୱସଂ କରାଯାଇଛି । ତେବେ ଏହି ଖବର ଯେତେବେଳେ ସୋସିଆଲ୍ ମିଡିଆରେ ଭାଇରାଲ୍ ହେଲା ଲୋକମାନେ #Surgicalstrike2, #howsjaish #josh, #JAISH, #IndiaStrikesBack, #Balakot ପୋଷ୍ଟ କରି ଟ୍ୟାଗ୍ ଦେବା ଆରମ୍ଭ କରିଦେଲେ । ସକାଳୁ ସକାଳୁ ଏଭଳି ଖବର ପାଇ ଦେଶବାସୀଙ୍କ ମଧ୍ୟରେ ଖୁସିର ଲହରୀ ଖେଳି ଯାଇଛି । ପୁଲୱାମା ଆତଙ୍କବାଦୀ ଆକ୍ରମଣରେ ୪୦ ରୁ ଅଧିକ ଯବାନଙ୍କୁ ସହିଦ ହେବା ପରେ ସମ୍ପୁର୍ଣ୍ଣ ଦେଶରେ ଶୋକ ଛାଇ ହୋଇଥିଲା ଏବଂ ଦେଶ ଉଚିତ୍ ଯବାବ୍ ପାଇଁ ଚାତକ ପରି ଚାହିଁ ରହିଥିଲା । ଜଣେ ୟୁଜର ଲେଖିଥିଲେ ଯେ ଭାରତୀୟ ସେନା ବାହାଦୁରୀ ସହିତ ଲଢେଇ କରିଛନ୍ତି । ନା ପାକିସ୍ତାନ ଭଳି ପଛପଟୁ ଆସି ଆତ୍ମଘାତୀ ଆକ୍ରମଣ କରିଛନ୍ତି ।
ଜଣେ ୟୁଜର ଲେଖିଥିଲେ ଯେ #surgicalstrike2… how’s the Khauff Pakistan? ଏଥିରେ କୌଣସି ସନ୍ଦେହ ନାହିଁ ଯେ ଭାରତୀୟଙ୍କ ଜୋସ୍ ଏବେ ବହୁତ ହାଇ ରହିଛି । ଆଉ କିଛି ୟୁଜର ଲେଖୁଛନ୍ତି ଏ ତ ଆରମ୍ଭ ମାତ୍ର ଆଗକୁ ଦେଖ କ’ଣ କ’ଣ ହେଉଛି । କିଛି ୟୁଜର ପାକିସ୍ତାନ ଉପରେ କିଛି ମଜାଳିଆ ମେମ୍ସ ବି ପ୍ରସ୍ତୁତ କରିଛନ୍ତି ।