ସାବଧାନ ପାକିସ୍ତାନ ! ମହଙ୍ଗା ପଡିବ ଭାରତର ନୂଆ ଅସ୍ତ୍ର, ଇସ୍ରାଏଲ ସ୍ପାଇକ ମିସାଇଲ କିଣିବ ଭାରତ ।
ଭାରତ ଏବଂ ପାକିସ୍ଥାନ ମଧ୍ୟରେ ଥିବା ସଂପର୍କ କେତେ ଭଲ ତାହା ସମସ୍ତଙ୍କୁ ଭଲ ଭାବରେ ଜଣା । ପ୍ରତି ଥର ପାକିସ୍ଥାନ ଅସ୍ତ୍ରବିରତି ନିୟମ ଉଲ୍ଲଙ୍ଘନ କରି ଭାରତୀୟ ସେନା ଉପରକୁ ଆକ୍ରମଣ କରୁଥିବା ବେଳେ ଏତି ପାଇଁ ଅନେକ ଭାରତୀୟ ଯବାନ ପ୍ରାଣ ହରାଇଛନ୍ତି । ତେବେ ଭାରତ ପ୍ରତିକୂଳ ପରିସ୍ଥିତିରେ ପାକିସ୍ଥାନ ସହ ଲଢ଼ିବା ପାଇଁ ନିଜର ଟ୍ୟାଙ୍କ କ୍ଷମତା ବଢ଼ାଇବ ବୋଲି ଜଣା ପଡ଼ିଛି । ଏଥି ପାଇଁ ସେ ଇସ୍ରାଏଲ ସ୍ପାଇକ୍ ମିସାଇଲ କିଣିବା ପାଇଁ ପୁନଃ ଯୋଜନା ପ୍ରସ୍ତୁତ କରିବା ଆରମ୍ଭ କରି ସାରିଥିବା ସୂଚନା ମିଳିଛି । ଡ଼ିଫେନ୍ସ ରିସର୍ଚ୍ଚ ଆଣ୍ଡ ଡ଼େଭଲପମେଣ୍ଟ ଅର୍ଗାନାଇଜେସନ୍ ଆଗାମୀ ୩ବର୍ଷ ମଧ୍ୟରେ ସ୍ୱଦେଶୀ ଆଣ୍ଟି ଟ୍ୟାଙ୍କ୍ ମିସାଇଲ ଆଣିବା ପୂର୍ବରୁ ଭାରତୀୟ ସେନା ବର୍ତ୍ତମାନର ପରିସ୍ଥିତି ପାଇଁ ସ୍ପାଇକ୍ ମିସାଇଲ୍ କିଣିବା ପାଇଁ ଚାହୁଁଥିବା ଜଣା ପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ସ୍ପାଇକ୍ ମିସାଇଲ କିଣିବାର ପ୍ରସ୍ତାବ ଏବେ ଭାରତ ସରକାରଙ୍କ ମଞ୍ଜୁରି ଅପେକ୍ଷାରେ ଥିବା ବେଳେ ଏହା ସହ ଜଡ଼ିତ କିଛି ସୂଚନା ଏବେ ପର୍ୟ୍ୟନ୍ତ ସାର୍ବଜନିକ କରାଯାଇ ନାହିଁ । ଭାରତୀୟ ସେନାରେ ଏହି ମିସାଇଲର ଆବଶ୍ୟକତା ଅଧିକ ଥିବାରୁ ଇସ୍ରାଏଲ ଦ୍ୱାରା ନିର୍ମାଣ କରାଯାଇଥିବା ସ୍ପାଇକ୍ ମିସାଇଲ ଏ ବର୍ଷ ଭାରତୀୟ ସେନାରେ ସାମିଲ ହେବାର ସମ୍ଭାବନା ରହିଛି ବୋଲି ବିଶ୍ୱସ୍ତ ସୁତ୍ରରୁ ଜଣା ପଡ଼ିଛି । ଜାନୁଆରୀ ୨୦୧୮ରେ ଏହି ସ୍ପାଇକ୍ ମିସାଇଲର ଦାମ୍ ୫୦୦ମିଲିୟନ ଥିବାରୁ ଭାରତ ଏହାକୁ କିଣିବାର ପ୍ରସ୍ତାବକୁ ବନ୍ଦ କରି ଦେଇଥିଲା । କିନ୍ତୁ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତନ୍ୟାହୁ ଭାରତ ଆସି ନରେନ୍ଦ୍ର ମୋଦିଙ୍କ ସହ ଏ ବିଷୟରେ କଥା ହେବା ପରେ ସ୍ପାଇକ୍ ମିସାଇଲ କିଣିବାର ପ୍ରସ୍ତାବଟି ପୁଣି ଆରମ୍ଭ ହୋଇଥିଲା ।