ପୁଣି ହନିଟ୍ରାପରେ ଫଶିଲେ ଭାରତୀୟ ଯବାନ: ପାକିସ୍ତାନ ମହିଳା ଏଜେଂଟଙ୍କ ପ୍ରରୋଚନାରେ ଦେଲେ ସେନା ବ୍ୟବହାର କରୁଥିବା ଅସ୍ତ୍ରଶସ୍ତ୍ରର ଫଟୋ

ଗୁଇନ୍ଦା ବିଭାଗର ସୂଚନା ଆଧାରରେ ଗିରଫ କଲା ପୁଲିସ୍

262

କନକ ବ୍ୟୁରୋ: ପୁଣି ହନିଟ୍ରାପରେ ଫଶିଲେ ଭାରତୀୟ ଯବାନ । ସୋସିଆଲ୍ ମିଡ଼ିଆରେ ହେଲୋ ହାଇରୁ ଆରମ୍ଭ ହୋଇଥିବା ଯୁବତୀଙ୍କ ସହ ମିଛ ସମ୍ପର୍କ ପାଇଁ ଦେଶକୁ ଭୁଲିଲେ ଯବାନ । କେବଳ ସେତିକି ନୁହେଁ ଯବାନ୍ ଜଣକ ଯୁବତୀଙ୍କ ପ୍ରରୋଚନାରେ ଭାରତୀୟ ସେନା ବ୍ୟବହାର କରୁଥିବା ଅସ୍ତ୍ରଶସ୍ତ୍ରର ଫଟୋ ପାକିସ୍ତାନକୁ ମଧ୍ୟ ପଠାଇଛନ୍ତି ।

ଗୁଇନ୍ଦା ସୂଚନା ଅନୁଯାୟୀ ଜଣେ ମହିଳା ପାକିସ୍ତାନୀ ଏଜେଂଟ ନିଜକୁ ଜାମ୍ମୁ କାଶ୍ମୀରର ଛାତ୍ରୀ କହି ଯବାନ ସୋମବୀରଙ୍କ ସହ ଘନିଷ୍ଠତା ବଢ଼ାଇଥିଲେ । ଏହାପରେ ଯବାନଙ୍କ ନିକଟରୁ ଭାରତୀୟ ସେନା ବ୍ୟବହାର କରୁଥିବା ଟ୍ୟାଙ୍କ ସଂଖ୍ୟା, ଗୁଳିଗୋଳା, ସାମରିକ ଉପକରଣ, ସେନା ମୁଖ୍ୟାଳୟ ସମ୍ପର୍କରେ ବିସ୍ତୃତ ବିବରଣୀ ହାସଲ୍ କରିବାରେ ସଫଳ ହୋଇଥିଲେ ସଂପୃକ୍ତ ମହିଳା ଏଜେଂଟ୍ ।

ଅଫିସିଆଲ୍ ସିକ୍ରେସି ଆକ୍ଟ ଆଧାରରେ ସୋମବୀରଙ୍କୁ ଗିରଫ କରାଯାଇଥିବା ବେଳେ ଜାନୁଆରୀ ୧୮ ତାରିଖ ପର୍ଯ୍ୟନ୍ତ ହାଜତକୁ ପଠାଇଛନ୍ତି କୋର୍ଟ । ଅନିକା ଚୋପ୍ରା ନାଁରେ ବ୍ୟବହୃତ ଫେକ୍ ଆଇଡ଼ି କରାଚୀରୁ ପରିଚାଳିତ ହେଉଥିବା ଜଣାପଡ଼ିଛି । ଗିରଫ ସୋମବୀର ହରିଆଣାର ବୋଲି ଜଣାପଡ଼ିଛି ।

Comments are closed.