ମୁସଲମାନ ବିବାହ ପୂର୍ବରୁ ହୁଏ ହିନ୍ଦୁ ଦେବତା ପ୍ରଭୁ ଗଣେଶଙ୍କ ପୂଜା ! ଜାଣନ୍ତୁ, କେଉଁଠି ପ୍ରଚଳିତ ଅଛି ଏହି ନିଆରା ପରମ୍ପରା ?
କନକ ବ୍ୟୁରେ : ଗୁଜୁରାଟର ବେରାବଲ ଅଞ୍ଚଳରେ ରହୁଥିବା ମୁସଲମାନ ମାନେ ସେମାନଙ୍କ ବିବାହ ପୂର୍ବରୁ ହିନ୍ଦୁ ଦେବତା ପ୍ରଭୁ ଗଣେଶଙ୍କୁ ପୂଜା କରୁଥିବା ଦେଖାଯାଇଛି । ପ୍ରଥମେ ଗଣେଶଙ୍କୁ ପୂଜା କରିବା ସେମାନେ ହିନ୍ଦୁ ମାନଙ୍କଠାରୁ ଶିଖିଥିବା କହିଛନ୍ତି । ବାହାଘରରେ ଉପସ୍ଥିତ ଥିବା ହିନ୍ଦୁମାନେ କହିଛନ୍ତି କେବଳ ପୂଜା ନୁହେଁ ବରଂ ହିନ୍ଦୁ ବନ୍ଦନା ଗାନ କରୁଥିବା ଦେଖାଯାଇଛି । ତେବେ ଗୁଜୁରାଟରେ ଏହା ପ୍ରଥମ ଘଟଣା ନୁହେଁ । ସେଠାରେ ଏକ ସ୍ଥାନ ଅଛି ଯେଉଁଠାରେ ମୁସଲମାନେ ମାନେ କେତେକ ହିନ୍ଦୁ ଧର୍ମର ପାଳନ ନିଜ ବାହାଘର ସମୟରେ କରନ୍ତି । ସେମାନେ ଗଣେଶ ଓ ଅନ୍ୟ ଦେବତାଙ୍କ ପୂଜା କରିଥାଆନ୍ତି । ପରେ ଏଠାରେ ବାହାଘର ପରେ ଉଭୟ ବର ଓ କନ୍ୟାଙ୍କୁ ଗାଁ ସାରା ବୁଲାଇବାର ବିଧି ମଧ୍ୟ ରହିଛି ।
Kanak News is now on WhatsApp
Join and get latest news updates delivered to you via WhatsApp
ବିଶେଷ କରି ଗୁଜୁରାଟର କଚ୍ଛ ଅଞ୍ଚଳରେ ବସବାସ କରୁଥିବା ମୁସଲମାନମାନେ ହିନ୍ଦୁ ଧର୍ମକୁ ବିଶେଷ ଭାବରେ ପାଳନା କରାଯାଇଥିବାର ଦେଖାଯାଏ । ଯେତେବେଳେ ଭାରତ ଓ ପାକିସ୍ଥାନ ଅଲଗା ହୋଇଥିଲେ ସେହି ସମୟରେ ଏହି ପଶୁପାଳନ କରୁଥିବା ମୁସଲମାନ ସିନ୍ଧୁ ଅଞ୍ଚଳରୁ ଆସି ଏଠାରେ ରହିଛନ୍ତି । ଏକ ଜାତୀୟ ଗଣମାଧ୍ୟମର ରିପୋର୍ଟ ଅନୁସାରେ ଏଠାରେ ଏକ ସର୍ଭେ କରାଯାଇ ଦେଖାଯାଇଛି ଯେ, ସେମାନେ ନିଜ ଧର୍ମ ଅପେକ୍ଷା ହିନ୍ଦୁ ଧର୍ମକୁ ବେଶି ମାନିଥାଆନ୍ତି ।
ଏହାସହ ଏଠାରେ ପାଳନହେଉଥିବା ପର୍ବରେ ମଧ୍ୟ ଉଭୟ ହିନ୍ଦୁ ଓ ମୁସଲମାନ ମାନେ ମିଶିକି ପାଳନ କରିଥାଆନ୍ତି । ସେମାନେ ବାହାଘରରେ ଗଣେଶ ପୂଜା ସହ ହଳଦୀ ରୀତିନୀତି ମଧ୍ୟ ପାଳନ କରିଥାଆନ୍ତି ।ସେମାନଙ୍କ କହିବା ଅନୁସାରେ ଆମେ ମଣିଷ ତେଣୁ ସମସ୍ତଙ୍କ ଧର୍ମକୁ ଆମେ ମାମେ ଗୁରୁତ୍ୱ ଦେବାର ଆବଶ୍ୟକତା ରହିଛି । ତେଣୁ ଆମ ପୂର୍ବଜମାନେ ଯେପରି ଭାବରେ ମିଶିକି ସମସ୍ତ କାମ ଏକାଠ କରୁଥିଲେ ଆମେ ମାନେ ମଧ୍ୟ ଠିକ୍ ସେପରି କରିବୁ ବୋଲି କହିଛନ୍ତି ସ୍ଥାନୀୟ ମୁସଲମାନନେ । ଏଠାରେ କେହି କେହି ହିନ୍ଦୁ ଘରେ ମଧ୍ୟ ବିବାହ କରିଥିବା ଦେଖାଯାଇଛି । ଯେଉଁମାନେ ହିନ୍ଦୁ ଘରେ ବିବାହ କରୁଛନ୍ତି ସେମାନେ କୋରାନ ପଢିବା ସହ ହିନ୍ଦୁ ଧର୍ମକୁ ମଧ୍ୟ ସମ୍ମାନ ଦେଉଛନ୍ତି ।
ମଧ୍ୟପ୍ରଦେଶର ଏକ ହିନ୍ଦୁ ପରିବାରର ବାହାଘର କାର୍ଡ ତାର ଜଣେ ମୁସଲମାନ ସାଙ୍ଗକୁ ଦେଇଥିଲା । ତେବେ ସେହି କାର୍ଡରେ ଗଣେଶଙ୍କ ଫଟୋ ଲାଗିଥିବାରୁ ଗଣ୍ଡାଗୋଳ ଭଲି ପରିସ୍ଥିତି ଉପୁଯିଥିଲା । ତେବେ ପରିସ୍ଥିତି ପରେ ଶାନ୍ତ ପଡିଥିଲା । କିନ୍ତୁ ଗୁଜୁରାଟର ସେଠାକାର ସ୍ଥାନୀୟ ବାସିନ୍ଦାଙ୍କ କହିବା ଅନୁସାରେ ଏଠାରେ ସମସ୍ତଙ୍କ ସହ ଉତ୍ତମ ବୁଝାମଣା ଥିବାରୁ କେବେ କାହା ସାଙ୍ଗରେ ଝଡଗା ହୁଏ ନାହିଁ ଏବଂ ଅଲଗା ଧର୍ମରେ ବାହାଘର ହୋଇଥିଲେ ବି ସେମାନଙ୍କୁ ସମସ୍ତ ଅଧିକାର ଦିଆଯାଉଥିବା ଜଣାପଡିଛି ।