ଓଡ଼ିଶା ପାଇଁ ଗୌରବ ଆଣିଲେ ଓଡ଼ିଆ ପୁଅ ଜ୍ୟୋତି ! ୨୦୧୮ ଗେଟ୍ ପରୀକ୍ଷାରେ ପୂରା ଦେଶରେ ହେଲେ ଟପ୍ପର
ପ୍ରକାଶ ପାଇଛି ଗେଟ୍ (Graduate Aptitude Test in Engineering) ଫଳାଫଳ । ସର୍ବଭାରତୀୟସ୍ତରରେ ଅନୁଷ୍ଠିତ ଗେଟ୍ ୨୦୧୮ରେ ସାରା ଭାରତରେ ଟପ୍ପର ହୋଇ ସୁନାମ ଆଣିଛନ୍ତି ଓଡିଆ ଛାତ୍ର ଜ୍ୟୋତିରଞ୍ଜନ ବାରିକ୍ । ସେ ଓଡିଶା କୃଷି ଓ ବୈଷୟିକ ବିଦ୍ୟାଳୟ(OUAT)ର କୃଷି ଯାନ୍ତ୍ରୀକ ବିଭାଗର ଚତୁର୍ଥ ବର୍ଷର ଛାତ୍ର । ଏଗ୍ରିକଲଚର୍ ଇଞ୍ଜିନିୟରିଂ ପେପରରେ ୯୫୯ ନମ୍ବର ରଖି ସେ ଟପ୍ପର ହୋଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
Delighted to learn that Odia student from Odisha University of Agriculture and Technology (OUAT) Jyotiranjan Barik has topped the all India Graduate Aptitude Test in Engineering #GATEExam2018. Many congratulations to him and wishing him all success in his career
— Naveen Patnaik (@Naveen_Odisha) March 18, 2018
ଜ୍ୟୋତିଙ୍କର ଏହି ସଫଳତାରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ କରି ଶୁଭେଚ୍ଛା ଜଣାଇବା ସହ ତାଙ୍କର ଉଜ୍ଜଳ ଭବିଷ୍ୟତ କାମନା କରିଛନ୍ତି । ସେହିଭଳି କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ ଟ୍ୱିଟ୍ କରି ତାଙ୍କୁ ଅଭିନନ୍ଦନ ଜଣାଇବା ସହ ଜ୍ୟୋତିରଞ୍ଜନ ଓଡ଼ିଶା ପାଇଁ ପ୍ରେରଣା ବୋଲି କହିଛନ୍ତି । ଏହି ପରିପ୍ରେକ୍ଷୀରେ ଓୟୁଏଟି ବିଶ୍ୱବିଦ୍ୟାଳୟର କୁଳପତି ପ୍ରଫେସର ସୁରେନ୍ଦ୍ରନାଥ ପଶୁପାଳକ ମଧ୍ୟ ତାଙ୍କୁ ଅଭିନନ୍ଦନ ଜଣାଇଛନ୍ତି ।
ଓଡିଶା କୃଷି ଓ ବୈଷୟିକ ବିଶ୍ଵବିଦ୍ୟାଳୟର ଛାତ୍ର ଜ୍ୟୋତିରଞ୍ଜନ ବାରିକ ଗେଟ୍ ପରୀକ୍ଷାରେ ସାରା ଭାରତରେ ଟପ୍ପର ହୋଇଥିବାରୁ ତାଙ୍କୁ ଅଭିନନ୍ଦନ । ଏହା ଓଡିଆଙ୍କ ପାଇଁ ଗର୍ବ ଓ ଗୌରବ। ଜ୍ୟୋତିରଞ୍ଜନ ଓଡ଼ିଶାର ଯୁବପୀଢ଼ିଙ୍କ ପାଇଁ ପ୍ରେରଣା ହେବେ। https://t.co/8peNlqpBhu
— Dharmendra Pradhan (@dpradhanbjp) March 18, 2018
ଜ୍ୟୋତିରଞ୍ଜନଙ୍କ ଘର କଟକ ଜିଲ୍ଲା ଫୁଲନଖରା ଅଞ୍ଚଳରେ । ତାଙ୍କର ଏହି ସଫଳତାର ଶ୍ରେୟ ସେ ତାଙ୍କ ବାପା,ଭାଇ ଏ ଶିକ୍ଷକ ମାନଙ୍କୁ ଦେଇଛନ୍ତି । ଭବିଷ୍ୟତରେ ଆଇଆଇଟି ଖଡଗପୁରରେ ଅଧ୍ୟୟନ କରିବା ପରେ ପିଏଚଡି କରିବା ସହ ବୈଜ୍ଞାନିକ ହେବାର ଆଶା ରଖିଥିବା ଜ୍ୟୋତିରଞ୍ଜନ କହିଛନ୍ତି ।