ଠାକୁରଙ୍କ ଆଗରେ ଜୁଆ ଆଡ୍ଡା ! ସୋସିଆଲ ମିଡିଆରେ ବଦନାମ୍ ହେଲା ମନ୍ଦିର ମାଳିନୀ ସହର ଭୁବନେଶ୍ୱର
କନକ ବ୍ୟୁରୋ : ମନ୍ଦିର ଭିତରେ ଜୁଆ ଆଡା । କଥାଟା ଆଶ୍ଚର୍ଯ୍ୟ ଲାଗୁଥିଲେ ବି ସତ । ସୋସିଆଲ ମିଡିଆରେ ଏନେଇ ଭିଡିଓ ଭାଇରାଲ ହେବା ପରେ ସତ ପଦାକୁ ଆସିଛି । ମନ୍ଦିରମାଳିନୀ ସହରରେ ଚାଲିଛି ଏହି ବେଆଇନ୍ କାରବାର । ରାଜଧାନୀର ଲକ୍ଷ୍ମଣେଶ୍ୱର ମନ୍ଦିର ବେଢାରେ ଆଡା ଜମାଇଛନ୍ତି ଜୁଆଡି । ଖବରର ସତ ପରଖିବା ପାଇଁ ମନ୍ଦିର ପରିସରରେ ପହଁଚିଥିଲା କନକ ନ୍ୟୁଜ୍ ଟିମ୍ । ଏବଂ କିଛି ଯୁବକ ଜୁଆ ଖେଳୁ ନଥିଲେ ମଧ୍ୟ ଆଡା ଜମାଇଥିବାର ଦୃଶ୍ୟ କ୍ୟାମେରାରେ କଏଦ ହୋଇଥିଲା । ତେବେ ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି ପର୍ଯ୍ୟଟକ । ଏଥିପ୍ରତି ପୁଲିସ ନଜର ଦେବା ଆବଶ୍ୟକ ବୋଲି କହିଛନ୍ତି
Kanak News is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆରେ ବଦନାମ୍ ହେଲା ମନ୍ଦିର ମାଳିନୀ ସହର ଭୁବନେଶ୍ୱର । ପର୍ଯ୍ୟଟକଙ୍କ ଅଭିଯୋଗ- ରାଜଧାନୀର ଲକ୍ଷ୍ମଣେଶ୍ୱର ମନ୍ଦିର ପ୍ରାଙ୍ଗଣରେ ଚାଲିଛି ଜୁଆ ଆଡ୍ଡା । ଯୁବକ ଜଣକ କହିବାକଥା ହେଉଛି ପ୍ରାଚୀନ ଐତିହ୍ୟ ସଂପନ୍ନ ମନ୍ଦିରର ପରିବେଶକୁ ନଷ୍ଟ କରି ଦେଉଛନ୍ତି ଅସାମାଜିକ । ମନ୍ଦିର ପରିବେଶଗୁଡିକ ପାଲଟିଯାଇଛି ଜୁଆଡିଙ୍କ ଆଡ୍ଡାସ୍ଥଳି । ଏଥିପ୍ରତି ପୁଲିସ ନଜର ଦେବା ଆବଶ୍ୟକ ବୋଲି ପର୍ଯ୍ୟଟକ କହିଛନ୍ତି ।
ଖବରର ସତ୍ୟାସତ୍ୟ ଜାଣିବା ପାଇଁ ଭୁବନେଶ୍ୱର ଲକ୍ଷମଣେଶ୍ୱର ମନ୍ଦିରରେ ପହଂଚିଥିଲା କନକ ନ୍ୟୁଜ୍ । କିଛି ଯୁବକ ଆଡ୍ଡା ଜମାଇଥିବା ଦେଖିବାକୁ ମଳିଥିଲା । ଅବଶ୍ୟ କନକ ନ୍ୟୁଜର ଟିମ୍ ପହଁଚିଥିବା ବେଳେ କେହି ଜୁଆ ଖେଳୁଥିବା ନଜରକୁ ଆସି ନଥିଲେ । ଭାଇରାଲ ହୋଇଥିବା ଭିଡିଓରେ ଥିବା ବ୍ୟକ୍ତିଙ୍କୁ ଭେଟି ତାଙ୍କ ସହ ଆଲୋଚନା ବି କରିଥିଲୁ । ଏହି ଘଟଣା ପଦାକୁ ଆସିବା ପରେ, ଭୁବନେଶ୍ୱର ଡିସିପିଙ୍କୁ ତଦନ୍ତ ପାଇଁ ଟ୍ୱିଟ୍ ଯୋଗେ ଜଣାଇଛନ୍ତି ପୁଲିସ ଡିଜି । ଘଟଣାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ନିଆଯିବ ବୋଲି କହିଛନ୍ତି ଡିସିପି । ପୁରାତନ ମନ୍ଦିର ଓ ଏହାର ଐତିହ୍ୟ ପର୍ଯ୍ୟଟକଙ୍କୁ ଆକୃଷ୍ଟ କରୁଥିବା ବେଳେ ଏହିସବୁ ଅଂଚଳର ସୁରକ୍ଷା ଏବେ ପ୍ରଶ୍ନବାଚୀ ସୃଷ୍ଟି କରିଛି ।