ମତେ ମୃତ୍ୟୁ ଦିଅ ! ପ୍ରଧାନମନ୍ତ୍ରୀଙ୍କୁ କୃଷକଙ୍କ କୋହଭରା ଚିଠି ।
ଚାଷୀ ମୃତ୍ୟୁ ସରକାରଙ୍କ ନିଦ ହଜାଇ ଦେଇଛି । ଋଣ ସମସ୍ୟା ଓ ଫସଲ ହାନିକୁ ନେଇ ଚାଷୀଙ୍କ ପାଇଁ ବଦନାମ ହେଉଛନ୍ତି ସରକାର । ଆଉ କେତେବଳେ ଅଚଳ ହେଉଛି ଗୃହ । କମ୍ପୁଛି ଦେଶର ରାଜରାସ୍ତା । ଚାଷୀଙ୍କ ବିଭିନ୍ନ ପ୍ରସଙ୍ଗକୁ ନେଇ ଆନ୍ଦୋଳନ କରୁଛନ୍ତି ବିଭିନ୍ନ ରାଜନୈତିକ ଦଳ ଓ ସଂଗଠନ । କିନ୍ତୁ ଚାଷୀଙ୍କ ସମସ୍ୟା କମିବା ତ ଦୂରର କଥା, ଦିନକୁ ଦିନ ବଢିଚାଲିଛି ।
Kanak News is now on WhatsApp
Join and get latest news updates delivered to you via WhatsApp
ଅନେକ ସମୟରେ ଚାଷୀ ହତାଶ ହୋଇ ବିଷ ପିଇ ଆତ୍ମହତ୍ୟା କରି ସାରିବା ପରେ ଖବର ଗଣମାଧ୍ୟମକୁ ଆସିଥାଏ । ଏବେ କିନ୍ତୁ ଜଣେ ଚାଷୀଙ୍କ ମୃତ୍ୟୁ ପାଇଁ ପ୍ରଧାନମନ୍ତ୍ରୀଙ୍କ ଅନୁମତି ମାଗିଛନ୍ତି । ପୁଣି ଚାଷୀ ଏକା ନୁହେଁ, ତାଙ୍କ ପୂରା ପରିବାରର ମରଣ ପାଇଁ ଅନୁମତି ଦେବାକୁ ଚାଷୀ ଜଣକ ଚିଠି ଲେଖିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନିକଟକୁ । ଏହାକୁ ନେଇ ଉତ୍ତରପ୍ରଦେଶରେ ଏବେ ଚର୍ଚା ।
ଜମି ବିବାଦ ପାଇଁ ବାଗପାଟର ନୱଡା ଗାଁର ଜଣେ ଚାଷୀ ନିଜର ଇଚ୍ଛା ମୃତ୍ୟୁ ସହ ତା ପରିବାର ସଦସ୍ୟଙ୍କ ମୃତ୍ୟୁ ପାଇଁ ପ୍ରଧାନମନ୍ତ୍ରୀଙ୍କ ଠାରୁ ଅନୁମତି ଲୋଡିଛନ୍ତି । ହରିଆଣାର ଚାଷୀଙ୍କ ସହ ଜମି ବିବାଦ ସମାଧାନ ନହେବାରୁ ସ୍ଥିତି ଭୟାବହ ହୋଇଛି । ଇକ୍ଷଲାକ, ଇସାର , ସବୀର ଅଲ୍ଲୀ, ମେଗନ ସିଂହ ଓ ବେଗରାଜ ଆଦି ବ୍ୟକ୍ତିଙ୍କ ପାଖରେ କୌଣସି ଅନ୍ୟ ଉପାୟ ନଥିବାରୁ ବାଧ୍ୟ ହୋଇ ଏପରି କରିଥିବା କହିଛନ୍ତି ।
ଖୁଂଟ ପୋତି ସୀମା ଚିହ୍ନଟ କରିବା ପରେ ବି ସମସ୍ୟାର ସମାଧାନ ହେଉନାହିଁ । ବାରମ୍ବାର ଏପରି ବିବାଦ ଉପୁଜୁଥିବାରୁ ସେମାନେ ବାଧ୍ୟ ହୋଇ ମାନବାଧିକାର କମିଶନ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଚିଠି ଲେଖି ନିଜର ଓ ତାଙ୍କ ପରିବାର ସଦସ୍ୟଙ୍କର ଇଚ୍ଛା ମୃତ୍ୟୁ ମାଗିଛନ୍ତି ।
ବାଗପାଟର ଯମୁନା ନଦୀ କୂଳରେ ଏହି ଚାଷୀଙ୍କର ପାଂଚହଜାର ବିଘା ଚାଷ ଜମି ରହିଛି । ଯାହା ହରିଆଣା ଓ ଉତ୍ତରପ୍ରଦେଶର ସୀମା ଭାବେ ଚିହ୍ନଟ କରାଯାଇଛି କିନ୍ତୁ ଯମୁନା ନଦୀର ଗତି ବାରମ୍ବାର ପରିବର୍ତନ ହେଉଥିବାରୁ ଜମିର ମାଲିକାନା ନେଇ ହରିଆଣାର ସୋନେପାଟ ଓ ୟୁପିର ବାଗପାଟମଧ୍ୟରେ ବିବାଦ ଉପୁଜୁଛି ।
ଅନେକ ଦିନ ଧରି ସେମାନଙ୍କ ଜମି ବିବାଦରେ ରହିଛି ।
ବାରମ୍ବାର ପ୍ରଶାସନକୁ ଅନୁରୋଧ କରିବା ପରେ ଏହାର ସମାଧନ କରାଯାଇପାରୁନାହିଁ । ବାରମ୍ବାର ସେମାନେ ଯେତେବେଳେ ଜମି ଫେରାଇବା ପାଇଁ ହରିଆଣାର କୃଷକଙ୍କୁ କହୁଛନ୍ତି ସେମାନେ ୟୁପିର କୃଷକଙ୍କୁ ମାରୁଛନ୍ତି । ସେପଟେ ବାଗପାଟର ଏସପି ଜୟପ୍ରକାଶ କହିଛି ଏହା ବିବାଦ ରାଜସ୍ୱ ବିଭାଗ ଅନ୍ତର୍ଭୁକ୍ତ । ଏଥିରେ ପୋଲିସର କିଛି ଭୂମିକା ନାହିଁ । ଜିଲ୍ଲା ମାଜିଷ୍ଟ୍ରେଟ ବିବାଦର ସମାଧାନ ପାଇଁ ରାଜସ୍ୱ ବିଭାଗକୁ କହିଥିବା ସେ କହିଛନ୍ତି ।