ରାକ୍ଷୀଙ୍କ ରାମାୟଣ ଉପାଖ୍ୟାନଙ୍କୁ ନେଇ ମହାଭାରତ ! କୋର୍ଟ ଆସିଲେନି, ଯିବେ ଜେଲ୍
ସବୁବେଳେ ବିବାଦୀୟ ମନ୍ତବ୍ୟ ଦେଇ ଚର୍ଚ୍ଚାରେ ରହିଆସୁଥିବା ରାକ୍ଷୀ ସାୱନ୍ତ ପୁଣି ଥରେ ଚର୍ଚ୍ଚାରେ । ଘଟଣାଟି ହେଲା, ରାକ୍ଷୀଙ୍କ ବିରୋଧରେ ଗିରଫ ୱାରେଂଟ ଜାରି କରାଯାଇଛି ଏବଂ ଖୁବ୍ ଶୀଘ୍ର ସେ ଗିରଫ ହେବାକୁ ଯାଉଛନ୍ତି । ରାକ୍ଷୀଙ୍କୁ ଗିରଫ କରିବା ପାଇଁ ପଞ୍ଜାବ ପୋଲିସର ଏକ ଟିମ୍ ମୁମ୍ବାଇ ଗସ୍ତ କରିଛି । ତେବେ ସ୍ଥାନୀୟ ଅଦାଲତର ନିର୍ଦ୍ଦେଶକ୍ରମେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ପୋଲିସ ସୂଚନା ଅନୁସାରେ, ରାକ୍ଷୀ ଏକ ଟିଭି ଶୋରେ ରାମାୟଣର ରଚୟିତା ସନ୍ଥ ବାଲ୍ମିକୀଙ୍କ ବିରୋଧରେ ଅପମାନଜନକ ଟିପ୍ପଣୀ ଦେବା ସହ ତାଙ୍କୁ ଅନୁସରଣ କରୁଥିବା ବ୍ୟକ୍ତି ବିଶେଷଙ୍କୁ ମଧ୍ୟ ଅପମାନ କରିଥିବା ଭଳି ମନ୍ତବ୍ୟ ଦେଇଥିବା ଅଭିଯୋଗ ହୋଇଥିଲା । । ଏହି ମାମଲାରେ ରାକ୍ଷୀଙ୍କ ବିରୋଧରେ ଥାନାରେ ଏକ ମାମଲା ମଧ୍ୟ ରୁଜ୍ଜୁ କରାଯାଇଥିଲା ଯେଉଁଥି ପାଇଁ ତାଙ୍କୁ ମାର୍ଚ୍ଚମାସରେ କୋର୍ଟରେ ହାଜର ହେବାକୁ ନିର୍ଦ୍ଦେଶ ଦିଆଯାଇଥିଲା । ମାତ୍ର ରାକ୍ଷୀ ଏହାକୁ ଅବମାନନା କରିଥିଲେ ଏବଂ କୋର୍ଟରେ ହାଜର ହୋଇ ନଥିଲେ । ଏହାପରେ କୋର୍ଟ ତାଙ୍କ ବିରୋଧରେ ଗିରଫ ୱାରେଂଟ ଜାରି କରିଛନ୍ତି ।
ତେବେ କୋର୍ଟ ପକ୍ଷରୁ ବାରମ୍ବାର ସମନ ଜାରି ହେବାପରେ ମଧ୍ୟ ରାକ୍ଷୀ କୋର୍ଟରେ ହାଜର ହୋଇ ନାହାଁନ୍ତି । ତେବେ ଏହି ମାମଲାର ପରବର୍ତ୍ତୀ ଶୁଣାଣି ଏପ୍ରିଲ ୧୦ ତାରିଖରେ ହେବ ।