‘ସେନସର ବୋର୍ଡ’ ଉପରେ କବୀର ବେଦୀ ଖପ୍ପା ! କହିଲେ, ଭାରତର ଛବିକୁ ବୋର୍ଡ କରୁଛି ଖରାପ
ଆର୍ନ୍ତଜାତୀୟ ସ୍ତରରେ ଖ୍ୟାତି ଅର୍ଜନ କରିଥିବା ଅଭିନେତା କବୀର ବେଦୀ ସେନସର ବୋର୍ଡ ଉପରେ ରାଗ ଦେଖେଇଛନ୍ତି । ଗୁରୁବାର ସେ ଟୁଇଟ୍ କରି କହିଛନ୍ତି, ‘ସେନସର ବୋର୍ଡ ଭାରତର ଛବିକୁ ଖରାପ କରୁଛି’ । ଏନେଇ ସେ ବୋର୍ଡର ଅଧ୍ୟକ୍ଷ ପହଲାଜ ନିହଲାନିଙ୍କୁ ମଧ୍ୟ ସମାଲୋଚନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଟୁଇଟ୍ ଜରିଆରେ କବୀର ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟକୁ ମଧ୍ୟ ଟ୍ୟାଗ କରି ଲେଖିଛନ୍ତି କି, ‘ସେନସର ବୋର୍ଡ ବୁଝିପାରୁନି ଯେ ନିଜର ମୂଖତା ପୂର୍ଣ୍ଣ ଦାବି ଗୁଡ଼ିକ ଦ୍ୱାରା ଭାରତର ଛବିକୁ କ୍ଷତି ପହଂଚୁଛି’ । ସୂଚନା ଅନୁଯାୟୀ ନୋବେଲ ପୁରସ୍କାରରେ ସମ୍ମାନୀତ ଅମର୍ତ୍ତ୍ୟ ସେନଙ୍କ ଉପରେ ନିର୍ମିତ ଡକ୍ୟୁମେଂଟାରି ସିନେମାରେ ଗାଈ, ଗୁଜୁରାଟ, ହିନ୍ଦୁ ଭାରତ ଏବଂ ହିନ୍ଦୁତ୍ୱ ଭଳି ଶବ୍ଦକୁ ଆପତ୍ତିଜନକ ଦର୍ଶାଇ ସେନସର ବୋର୍ଡ ଅନୁମତି ଦେବାକୁ ମନା କରିଥିଲେ । ଯାହାକୁ ନେଇ ଦେଖାଦେଇଛି ବିବାଦ ।