କନକ ବ୍ୟୁରୋ: ଗ୍ରାମବାସୀଙ୍କୁ ଏବେ ଭୟବୀତ କରିଛି ହାତୀ ଆତଙ୍କ । ରାତି ଉଜାଗର ରହି ଜଗୁଛନ୍ତୀ ହାତୀକୁ । ଘର ଭାଙ୍ଗିବା ସହ ଧାନ ଚାଉଳ ଯାହା ଅଛି ଖାଇ ଉତ୍ପାତ କରୁଛି ଜଙ୍ଗଲୀ ହାତୀ । ହାତୀକୁ ଘଉଡାଇବା ପାଇଁ ପାଖରେ ନାହିଁ ବାଣ କି ଲାଇଟ । ବନ ବିଭାଗକୁ କହିଲେ ମଧ୍ୟ କିଛି ସୁଫଳ ମିଳୁନାହିଁ । ଏମିତି ଘଟଣା ଘଟିଛି ହାଟଡିହି ବ୍ଲକ ନୁଆରଗୁଡି ଗାଁରେ ।
Kanak News is now on WhatsApp
Join and get latest news updates delivered to you via WhatsApp
ସୁଚନା ମୁତାବକ କେନ୍ଦୁଝର ଜିଲା ହାଟଡିହି ବ୍ଲକର ଆଦିବାସୀ ବହୁଳ ଗହଳଡାହିି ସାହିରେ ଏବେ ହାତୀ ଆଙ୍କରେ ଭୟବୀତ ଗ୍ରାମବାସୀ । ୯୦ ଭାଗ ଲୋକ ଆଦିବାସୀ ଓ ଗରୀବ ଶ୍ରେଣୀର । ଜଙ୍ଗଲ ନିକଟରେ ରହୁଥିବାରୁ ସବୁ ବେଳେ ହାତୀ ଭୟ ସାଙ୍ଗକୁ ଭାଲୁ ଭୟରେ ରହୁଛନ୍ତି ଗାଁ ଲୋକ । ଅଧିକାଂଶ ସମୟରେ ୨ଟି ହାତୀ ଆସି ଲୋକମାନଙ୍କର ଘର ଭାଙ୍ଗିବା ସହ ଧାନଚାଉଳ ଖାଇ ନଷ୍ଟ କରୁଥିବା ଅଭିଯୋଗ ହୋଇଛି । ଗତକାଲି ବିଳମ୍ବିତ ରାତିରେ ଗୋଟେ ଦନ୍ତା ହାତୀ ଆସି ଗ୍ରାମର ପାର୍ବତୀ ମହାନ୍ତଙ୍କ ଘର ଭାଙ୍ଗିବା ସହ ତାଙ୍କର ୩ଟି ଛେଳି ମାରିଦେଇଥିବା ଅଭିଯୋଗ ହୋଇଛି ।
ସେହିଭଳି ହାତୀ ଆତଙ୍କ ଗ୍ରାମବାସୀ ମାନଙ୍କର ନିତିଦିନିଆ ହୋଇଥିବା ବେଳେ ବନ ବିଭାଗକୁ ଜଣାଇଲେ ମଧ୍ୟ କିଛି ପଦକ୍ଷେପ ନେଉ ନାହାନ୍ତି ବୋଲି ଅଭିଯୋଗ କରିଛନ୍ତି ଗ୍ରାମବାସୀ । ସେପଟେ ହାତୀ ଅଭୟାରଣ୍ୟ ହଦଗଡ ନିକଟରେ ଗ୍ରାମବାସୀ ମାନେ ରହୁଥିବାରୁ ହାତୀ ତାର ଚଲାବୁଲା କରୁଥିବା ବେଳେ ଗ୍ରାମ ମୁହାଁ ହୋଇଯାଉଛି ବୋଲି ସଫେଇ ଦେଇଛନ୍ତୀ ଆନନ୍ଦପୁର ଡିଏଫଓ । ଏବଂ କ୍ଷତିଗ୍ରସ୍ତ ଲୋକମାନଙ୍କୁ କ୍ଷତିପୂରଣ ଦେବା ସହ ହାତୀ ଲାଇଟ ଓହାତୀ ମାନଙ୍କୁ ଘଉଡାଇବା ପାଇଁ ପଦକ୍ଷେପ ନେବେ ବୋଲି କହିଛନ୍ତି ।