ଶିଶୁର ନାମକରଣ ପାଇଁ ହେଲା ନିର୍ବାଚନ ! ଲୋଡାହେଲା ବହୁମତ, ବାଲାଟ ପେପରରେ ପଡିଲା ଭୋଟ ।
ନିର୍ବାଚନକୁ ଗଣତନ୍ତ୍ରର ଏକ ବଡ ପର୍ବ ବୋଲି କୁହାଯାଇଥାଏ । କାହିଁକି ନା ନିର୍ବାଚିତ ହୋଇଥିବା ସରକାରଙ୍କ ଦ୍ୱାରା ହିଁ ଜନତାଙ୍କର ବିକାଶ କାର୍ଯ୍ୟ କରାଯାଇଥାଏ । ଗଣତନ୍ତ୍ରରେ ନିର୍ବାଚନ ଜରିଆରେ ସରକାର ଚୟନ କରାଯାଇଥାଏ । କିନ୍ତୁ ଗୋଟିଏ ପରିବାରରେ ନବଜାତ ଶିଶୁର ନାମକରଣ ପାଇଁ ନିର୍ବାଚନ ହୋଇଥିବା କଥା ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି । ତେବେ ହୁଏତ ଆପଣ ଏହା ଶୁଣିନଥିବେ ତେବେ ମହାରାଷ୍ଟ୍ରର ଗୋନ୍ଦିଆ ଜିଲ୍ଲାରେ ଏଭଳି ଘଟଣା ଘଟିଛି ।
Kanak News is now on WhatsApp
Join and get latest news updates delivered to you via WhatsApp
ଏଠାରେ ଜଣେ ଜଣେ ଦମ୍ପତ୍ତି ନିଜ ନବଜାତ ଶିଶୁଙ୍କର ନାମ ରଖିବା ପାଇଁ ନିଜ ପରିବାରବର୍ଗ, ସାଙ୍ଗସାଥୀ ଏବଂ ସମ୍ପର୍କୀୟ ମାନଙ୍କ ମଧ୍ୟରେ ମତଦାନ କରାଇଥିଲେ । ମିଥୁନ ଏବଂ ମାନସୀ ଏପ୍ରିଲ ୫ ତାରିଖ ଦିନ ନବଜାତ ଶିଶୁର ନାମକରଣ ପାଇଁ ଏକ ନିଆରା ପଦକ୍ଷେପ ଆପଣାଇଥିଲେ । ସେମାନେ ମତଦାତା ରୂପରେ ନିଜ ପରିବାରବର୍ଗଙ୍କ ସମେତ, ସାଙ୍ଗସାଥୀ ଏବଂ ସମ୍ପର୍କୀୟ ମାନଙ୍କୁ ସାମିଲ କରାଇଥିଲେ ଏବଂ ଜୁନ ୧୫ ତାରିଖ ଦିନ ଭୋଟିଂ ମଧ୍ୟ କରାଯାଇଥିଲା । ଶିଶୁଟି ପାଇଁ ତିନୋଟି ନାମର ସଜେଷ୍ଟ ଆସିଥିଲା । କିନ୍ତୁ ବାପା ମା ଶିଶୁର ନାମକରଣ ପାଇଁ ବାଲାଟ ପେପର ବ୍ୟବହାର କରିଥିଲେ । ଏପରିକି ଏହି କାର୍ଯ୍ୟକ୍ରମରେ ପୂର୍ବତନ ସାସଂଦ ନାନା ପଟୋଲେ ମଧ୍ୟ ସାମିଲ ହୋଇଥିଲେ । ତେବେ ଏହି ଭୋଟିଂ ପ୍ରକ୍ରିୟାରେ ମୋଟ ୧୯୨ଟି ଭୋଟ ପଡିଥିଲା । ଏବଂ ଏଥିମଧ୍ୟରୁ ଅଧିକାଂଶ ଭୋଟ ଅନୁଯାୟୀ ଶିଶୁଟିର ନାମକରଣ କରାଯାଇଥିଲା ।