ଦିଲ୍ଲୀରେ ଭୂକମ୍ପର ଝଟକା! ଦୋହଲିଲା ଫ୍ୟାନ, ଭୟରେ ଘରୁ ପଦାକୁ ଆସିଲେ ଲୋକେ । ରିକ୍ଟର ସ୍କେଲରେ ତୀବ୍ରତା ୩.୯
ଥରିଲା ଦେଶର ରାଜଧାନୀ । ଦିଲ୍ଲୀ-ଏନସିଆର ଅଞ୍ଚଳରେ ଭୂମିକମ୍ପର ଝଟକା । ରିକ୍ଟର ସ୍କେଲରେ ୩.୯ ତ୍ରୀବତାର ଭୂକମ୍ପ ଦିଲ୍ଲୀ-ଏନସିଆର ଅଞ୍ଚଳରେ ଅନୁଭୂତ ହୋଇଛି । ସୂଚନା ଅନୁସାରେ ରବିବାର ଅପରାହ୍ନ ୩.୪୭ ମିନିଟ୍ ସମୟରେ ଭୁମିକମ୍ପ ଅନୁଭୂତ ହୋଇଥିଲା । ଭୂକମ୍ପର କେନ୍ଦ୍ରସ୍ଥଳ ହରିୟାଣାର ସୋନିପତ ବୋଲି ସୂଚନା ମିଳିଛି । ଦିଲ୍ଲୀ- ଏନସିଆର ଅଞ୍ଚଳରେ ଉଚ୍ଚ ବିଲ୍ଡିଂରେ ରହୁଥିବା ଲୋକମାନେ ଭୂମିକମ୍ପର ଅନୁଭବ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଭୂମିକମ୍ପ ହେବା ଜାଣିବା ପରେ ଉଚ୍ଚ ବିଲ୍ଡିଂରେ ରହୁଥିବା ଲୋକମାନେ ଭୟଭୀତ ଅବସ୍ଥାରେ ଘରୁ ବାହାରକୁ ଚାଲି ଆସିଛନ୍ତି । ରିକ୍ଟର ସ୍କେଲରେ ଭୂମିକମ୍ପର ତୀବ୍ରତା କମ ଥିବାରୁ ବିଶେଷ କ୍ଷୟକ୍ଷତି ହୋଇନାହିଁ । ଭୂକମ୍ପ ପାଇଁ ଦିଲ୍ଲୀକୁ ଅଧିକ ସମ୍ବେଦନଶୀଳ ଅଞ୍ଚଳ ବୋଲି ଧରା ଯାଇଥାଏ । ଦିଲ୍ଲୀ, ନୋଏଡ଼ା, ଗୁଡ଼ଗାଓଁ, ଫରିଦାବାଦର ଉଚ୍ଚ ବିଲ୍ଡିଂରେ ରହୁଥିବା ଲୋକମାନେ ଭୂକମ୍ପର ଝଟକା ଅନୁଭବ କରିଥିଲେ । ହଠାତ ଘର ଭିତର ପଙ୍ଖା ହଲିବା ଆରମ୍ଭ କରିବାକୁ ଲୋକମାନେ ଭୂକମ୍ପ ହେଉଥିବା ଜାଣିବାକୁ ପାଇଥିଲେ । ଫଳରେ ଲୋକମାନେ ଘରୁ ବାହାରି ସୁରକ୍ଷିତ ସ୍ଥାନକୁ ଚାଲି ଆସିଥିଲେ ।