କନକ ବ୍ୟୁରୋ : ନିରାଶ କଲେ ଦୂତି ଚାନ୍ଦ । ଓଡିଆ ଧାବିକା ଦୂତି ଚାନ୍ଦ ଆଜି ରିଓ ଟ୍ରାକରେ ଦୌଡିଥିବାବେଳେ ଅତ୍ୟନ୍ତ ନିରାଶା ଜନକ ପ୍ରଦର୍ଶନ କରିଛନ୍ତି ଦୂତୀ । ୧୦୦ ମିଟର ହିଟ୍ସରେ ସପ୍ତମ ସ୍ଥାନରେ ରହିଛନ୍ତି ଦୂତି । ସବୁଠାରୁ ଆଶ୍ଚର୍ଯ୍ୟର କଥା ହେଲା ରିଓରେ ୧୦୦ ମିଟରକୁ ୧୧ ଦଶମିକ ୬୯ ସେକେଣ୍ଡରେ ଅତିକ୍ରମ କରିଛନ୍ତି ଦୂତି ଚାନ୍ଦ । ତେବେ ତାଙ୍କ ହିଟ୍ସରେ ଟପ କରିଥିବା ଧାବିକା ୧୧ ଦଶମିକ ୨୪ ସେକେଣ୍ଡରେ ୧୦୦ ମିଟର ଅତିକ୍ରମ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ତେଣୁ ଚର୍ଚ୍ଚା ହେଉଛି ନିଜ କ୍ୟାରିଅରର ଶ୍ରେଷ୍ଠ ପ୍ରଦର୍ଶନ ୧୧.୨୪ ସେକେଣ୍ଡରେ ୧୦୦ ମିଟର ଭଳି ପ୍ରଦର୍ଶନ କରିଥିଲେ ମଧ୍ୟ ଦୂତି ପ୍ରତିଯୋଗିତାରେ ରହିବା ସମ୍ଭାବନା ସୃଷ୍ଟି ହୋଇଥାନ୍ତା । ଏପରିକି ରିଓ ଅଲିମ୍ପିକ୍ସ ପାଇଁ ୧୧.୩୦ ସେକେଣ୍ଡରେ ୧୦୦ ମିଟର ଦୌଡି ଯୋଗ୍ୟତା ଅର୍ଜନ କରିଥିଲେ ଦୂତି ଚାନ୍ଦ । ଏହି ପ୍ରଦର୍ଶନ ସହିତ ଦୂତି ଚାନ୍ଦଙ୍କ ରିଓ ଅଭିଯାନ ଶେଷ ହୋଇଛି ।
ଏବେ ୨୦୦ ମିଟରରେ ଓଡିଆ ଧାବିକା ଶ୍ରାବଣୀ ନନ୍ଦଙ୍କ ଉପରେ ନଜର ରହିଛି । ଆସନ୍ତା ୧୫ ତାରିଖରେ ରିଓ ଟ୍ରାକରେ ଦୌଡିବେ ଶ୍ରାବଣୀ ନନ୍ଦ ।