ରାଷ୍ଟ୍ରପତି ରେସରେ ଓଡିଆ ! ଦ୍ରୌପଦୀ ମୁର୍ମୁଙ୍କୁ ନେଇ ମୋଦି ଖେଳିପାରନ୍ତି ଆଦିବାସୀ କାର୍ଡ
କନକ ବ୍ୟୁରୋ : ଜାତୀୟ ଗଣମାଧ୍ୟମରେ ଚର୍ଚ୍ଚାକୁ ନେଇ ଓଡ଼ିଶାରେ ଉତ୍କଣ୍ଠା । ଆଉ ଏହି ଚର୍ଚ୍ଚା ଦ୍ରୌପଦୀ ମୁର୍ମୁଙ୍କୁ ନେଇ । ବିଜେପିର ଏହି ବରିଷ୍ଠ ନେତ୍ରୀ ବର୍ତମାନ ଝାଡଖଣ୍ଡର ରାଜ୍ୟପାଳ ଅଛନ୍ତି । ଜାତୀୟ ଗଣମାଧ୍ୟମରେ ହେଉଥିବା ଚର୍ଚ୍ଚା ଅନୁସାରେ ଏଥର ରାଷ୍ଟ୍ରପତି ରେସରେ ଅଛନ୍ତି ଏହି ଓଡ଼ିଆ ନେତ୍ରୀ । ଓଡ଼ିଆଙ୍କୁ ପୂର୍ବରୁ ସର୍ବୋଚ୍ଚ ପଦବୀରେ ଏଭଳି ସୁଯୋଗ କେବେ ମିଳିନଥିବା ବେଳେ ଦ୍ରୌପଦୀଙ୍କୁ ନେଇ ଏହି ଚର୍ଚ୍ଚା ଓଡ଼ିଶାକୁ ଆଶାବାଦୀ କରିଦେଇଛି ।
Kanak News is now on WhatsApp
Join and get latest news updates delivered to you via WhatsApp
ରାଷ୍ଟ୍ରପତି ପ୍ରଣବ ମୁଖାର୍ଜୀଙ୍କ କାର୍ଯ୍ୟକାଳ ଜୁଲାଇରେ ଶେଷ ହେଉଥିବା ବେଳେ କିଏ ହେବ ନୂଆ ରାଷ୍ଟ୍ରପତି ତାକୁ ନେଇ ଅଙ୍କକଷା ଅ।।ରମ୍ଭ ହୋଇଯାଇଛି । ଆଉ ଏହି ଦୌଡ଼ର ଶୀର୍ଷରେ ୫ ଜଣଙ୍କ ନାଁ ଶୁଣିବାକୁ ମିଳୁଛି । ବରିଷ୍ଠ ବିଜେପି ନେତା ଲାଲକୃଷ୍ଣ ଆଡଭାନୀ, ମୁରଲି ମନୋହର ଯୋଶୀ, ବୈଦେଶୀକ ବ୍ୟାପାରମନ୍ତ୍ରୀ ସୁଷମା ସ୍ୱରାଜ, ବାଚସ୍ପତି ସୁମିତ୍ରା ମହାଜନ ଏବଂ ଝାଡଖଣ୍ଡ ରାଜ୍ୟପାଳ ତଥା ଓଡ଼ିଶା ମୟୁରଭଂଜ ଜିଲ୍ଲା ମୁଳବାସିନ୍ଦା ଦ୍ରୌପଦୀ ମୁର୍ମୁ । ଏହି ୫ଜଣଙ୍କ ନାଁରେ ବେଶ୍ ଚର୍ଚ୍ଚାରେ ଅଛନ୍ତି ଦୌପଦୀ ।
କାହିଁକି ନା ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫୋକସରେ ଏବେ ଓଡ଼ିଶା ରାଜ୍ୟ । ଦ୍ୱୀତିୟରେ ଦ୍ରୌପଦୀ ମୁର୍ମୁ ଜଣେ ଆଦିବାସୀ ମହିଳା । ଜଣେ ଆଦିବାସୀ ମହିଳା ଏହି ଦୌଡ଼ରେ ରହିଲେ ହୁଏତ ବିରୋଧୀଙ୍କ ସମର୍ଥନ ମଧ୍ୟ ହାସଲ ହୋଇପାରିବ ।