ଆମ୍ମାଙ୍କ ଆସନରେ ଦିନାକରନ । ତାମିଲନାଡୁ ରାଜନୀତିରେ ଭିନ୍ନ ମୋଡ । ଆରକେନଗର ଉପନିର୍ବାଚନରେ ଶାସକ ଓ ମୁଖ୍ୟ ବିରୋଧୀଙ୍କୁ ଚକମା
କନକ ବ୍ୟୁରୋ : ତାମିଲନାଡୁ ରାଜନୀତିରେ ଭିନ୍ନ ମୋଡ । ପୂର୍ବତନ ମୁଖ୍ୟମନ୍ତ୍ରୀ ଜୟଲଳିତାଙ୍କ ଆସନ ଆର.କେ.ନଗରରେ ଜିତିଛନ୍ତି ସ୍ୱାଧୀନ ପ୍ରାର୍ଥୀ ଟିଟିଭି ଦିନାକରନ । ଶାସକ ଏଆଇଏଡିଏମକେ ଓ ପ୍ରମୁଖ ବିରୋଧୀ ଡିଏମକେକୁ ଚକମା ଦେଇଛନ୍ତି ଶଶିକଳା ଗୋଷ୍ଠୀର ନେତା ଦିନାକରନ । ଏହା ସହ ରାଜନୀତିରେ ଭିନ୍ନ ସମୀକରଣ ସୃଷ୍ଟି ହୋଇଛି । ଏହି ବିଜୟ ପରେ ଆମ୍ମାଙ୍କ ସମାଧୀ ସ୍ଥଳକୁ ଯାଇ ସମ୍ମାନ ଜଣାଇଛନ୍ତି ଦିନାକରନ । ଏହା ସହ ସେ ହିଁ ଆମ୍ମାଙ୍କ ପ୍ରକୃତ ଉତ୍ତରାଧିକାରୀ ଏବଂ ତାଙ୍କୁ ସେଥିପାଇଁ ଲୋକେ ନିର୍ବାଚିତ କରିଛନ୍ତି ବୋଲି କହିଛନ୍ତି ଦିନାକରନ ।
Kanak News is now on WhatsApp
Join and get latest news updates delivered to you via WhatsApp
ଆର,କେ.ନଗରରେ ଏଆଇଏଡିମକେରୁ ଇ. ମଧୁସୂଦନ, ଜୟାଙ୍କ ସହଯୋଗୀ ଶଶୀକଳା ଗୋଷ୍ଠୀ ପକ୍ଷରୁ ସ୍ୱାଧୀନ ଭାବେ ଦିନାକରନ, ଡିଏମକେରୁ ମାରୁଡ ଗଣେଶ ଓ ବିଜେପିରୁ କରୁନାଗାର୍ଜୁନ ପ୍ରାର୍ଥୀ ହୋଇଥିଲେ । । ଆର.କେ.ନଗର ବିଧାନସଭା ଉପନିର୍ବାଚନର ଭୋଟଗଣତି ଆଜି ସକାଳ ୮ଟାରୁ ଆରମ୍ଭ ହୋଇଥିଲା । କୁହାଯାଉଛି, ଆର.କେ.ନଗର ଆସନ ଯିଏ ଜିତିବ ତାମିଲନାଡୁ ରାଜନୀତିରେ ଏହାର ଗଭୀର ପ୍ରଭାବ ପଡିବ । ଆର.କେ ନଗର ଆସନ ଜୟଲଳିତାଙ୍କ ପାରମ୍ପରିକ ଆସନ ଥିଲା । ଏଠାରୁ ସେ ୨ ଥର ଜିତିଥିଲେ ।
ଜୟାଙ୍କ ପରଲୋକ ପରେ ଏହି ଆସନ ଖାଲିପଡିଛି । ଜୟାଙ୍କ ପରଲୋକ ପରେ ତାମିଲନାଡୁରେ ଏଆଇଏଡିଏମକେ ଦୁଇଭାଗ ହୋଇଛି । ଗୋଟିଏ ଗୋଷ୍ଠୀର ନେତୃତ୍ୱ ପନିରସେଲଭମ ଓ ପଲାନିସ୍ୱାମୀ ନେଉଥିବାବେଳେ ଅନ୍ୟ ଏକ ଗୋଷ୍ଠୀର ନେତୃତ୍ୱ ଜୟାଙ୍କ ସହଯୋଗୀ ଶଶିକଳା ନେଉଛନ୍ତି ।