ଢେଙ୍କାନାଳ ସେଲଟର ହୋମରେ ଝୁଲିଲା ତାଲା । ଅନ୍ତେବାସୀଙ୍କୁ ଜିଲ୍ଲା ପ୍ରଶାସନର ସ୍ଥାନାନ୍ତର
ଅସଦାଚରଣ ଓ ନିର୍ଯାତନା ପରେ କାର୍ଯ୍ୟାନୁଷ୍ଠାନ
କନକ ବ୍ୟୁରୋ: ବନ୍ଦ ହେଲା ଢେଙ୍କାନାଳ ସ୍ଥିତ ଗୁଡନ୍ୟୁଜ ଡ୍ରିମ ହାଉସର ସେଲଟର ହୋମ । ବେଲଟିକିରିର ଏହି ସେଲଟର ହୋମରକୁ ରାଜ୍ୟ ସରକାରଙ୍କ ପକ୍ଷରୁ ତାଲା ପକାଯାଇଛି । ଏହାର ଅନ୍ତେବାସୀ ଓ କର୍ମଚାରୀଙ୍କୁ ସ୍ଥାନାନ୍ତର କରାଯାଇଛି । ଏହି ସମୟରେ ଜିଲ୍ଲା ଶିଶୁ ସୁରକ୍ଷା ଅଧିକାରୀ ଓ ପୁଲିସ ଉପସ୍ଥିତ ରହିଥିଲେ । ସେମାନଙ୍କୁ ସରକାରୀ ସ୍ୱୀକୃତି ପ୍ରାପ୍ତ ସେଲଟର ହୋମକୁ ସ୍ଥାନାନ୍ତର କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସେଲଟର ହୋମରେ ଅନ୍ତେବାସୀଙ୍କୁ ଅସଦାଚରଣ କରାଯାଉଥିବା ନେଇ କନକ ନ୍ୟୁଜରେ ଖବର ପ୍ରସାରଣ ପରେ ରାଜ୍ୟର ସମସ୍ତ ବେଆଇନ ସେଲଟର ହୋମକୁ ବନ୍ଦ କରାଯିବ ବୋଲି କହିଥିଲେ ମହିଳା ଓ ଶିଶୁ ବିକାଶ ମନ୍ତ୍ରୀ ପ୍ରଫୁଲ୍ଲ ସାମଲ । ଏହା ସହ ସରକାରଙ୍କ ନିର୍ଦ୍ଦେଶରେ ବେଲଟିକିରି ସ୍ଥିତ ସେଲଟର ହୋମକୁ ତାଲା ପକାଇ ଦିଆଯାଇଛି ।
ସେପଟେ ଗତକାଲି ରାତିରେ ପୁରୀ ପେଂଠକଟାରେ ଥିବା ଗୁଡ୍ ନ୍ୟୁଜ୍ ଇଣ୍ଡିଆ ସେଲଟର ହୋମରେ ଚଢାଉ ହୋଇଛି । ଡିସିପିଓ ଓ ସିଡବ୍ଳୁସିଙ୍କ ସହ ୪ ଜଣିଆ ଟିମ୍ ସେଲଟର ହୋମରେ ପଶି ସ୍ଥିତି ଅନୁଧ୍ୟାନ କରିଛନ୍ତି । ସେଲଟର ହୋମର ଅନ୍ତେବାସୀ କିଭଳି ସ୍ଥିତିରେ ଅଛନ୍ତି, ସେମାନଙ୍କ କେମିତି ଧ୍ୟାନ ରଖୁଛନ୍ତି ସେଲଟର ହୋମ ମୁଖ୍ୟ ସେନେଇ ଛାନଭିନ୍ କରିଛନ୍ତି ଏହି ୪ ଜଣିଆ ଟିମ୍ ।