ରାଜଧାନୀରେ ସ୍ଥାନୀୟ ଜନତାଙ୍କ ସହ ମୋଦିଙ୍କ ମନ କି ବାତ ଶୁଣିଲେ ଧର୍ମେନ୍ଦ୍ର । କୁନ୍ଦୁଲି ଘଟଣାରେ ରାଜ୍ୟ ସରକାରଙ୍କୁ କଲେ ଟାର୍ଗେଟ
କନକ ବ୍ୟୁରୋ : ରାଜଧାନୀରେ ସ୍ଥାନୀୟ ଜନତାଙ୍କ ସହ ମୋଦିଙ୍କ ମନ କି ବାତ ଶୁଣିଛନ୍ତି ଧର୍ମେନ୍ଦ୍ର । କାର୍ଯ୍ୟକ୍ରମ ପରେ ରାଜ୍ୟ ସରକାରଙ୍କୁ ଟାର୍ଗେଟ କରିଛନ୍ତି କେନ୍ଦ୍ରମନ୍ତ୍ରୀ । କହିଛନ୍ତି କୁନ୍ଦୁଲି ଘଟଣାରେ ସତ୍ୟ ଲୁଚାଉଛନ୍ତି ସରକାର । ସତ ସାହସ ଥିଲେ ସିବିଆଇକୁ ତଦନ୍ତ ଦାୟିତ୍ୱ ହସ୍ତାନ୍ତର କରିବାକୁ ସେ ସରକାରଙ୍କୁ ଚ୍ୟାଲେଞ୍ଜ କରିଛନ୍ତି । ପ୍ରଜାତନ୍ତ୍ରରେ ରକ୍ଷକ ଭକ୍ଷକ ସାଜିଛି, ଲୋକେ ଏହାର ଜାବବ ଦେବେ ।
Kanak News is now on WhatsApp
Join and get latest news updates delivered to you via WhatsApp
ଓଡିଶାରେ ଗରିବ ଆଦିବାସୀ ଝିଅର ଇଜ୍ଜତ ରକ୍ଷାକରିବାରେ ଶାସକ ଦଳ ବିଫଳ ହୋଇଥିବା ବେଳେ ବିଜେଡିର ପ୍ରବକ୍ତା ଝିଅର ପ୍ରେମ ବ୍ୟାପାର କଥା ଉଠାଇଥିବା ଧର୍ମେନ୍ଦ୍ର କହିଥିଲେ । ଡିଜିଙ୍କ ନାଁରେ ପରିବାର ଲୋକ ଅଭିଯୋଗ ଆଣୁଥିବା ବେଳେ ରାଜ୍ୟର ଗୃହମନ୍ତ୍ରୀ ଦାୟିତ୍ୱରେ ଥିବା ମୁଖ୍ୟମନ୍ତ୍ରୀ ନିଜର ଡିଣ୍ଡିମ ପିଟୁଥିବା ସେ କହିଥିଲେ । ସ୍ଥାନୀୟ ସଭାରେ ସେ ନବୀନ ସରକାରର କଟୁ ସମାଲୋଚନା କରିଥିଲେ ।
ଖୋଦ ଓଡିଶା ପୋଲିସ ଡିଜି, ଡିଆଇଜି ମାନବାଧିକାର ସୁରକ୍ଷା, କୋରାପୁଟ ଏସପି ଓ ସର୍ବୋପରି ଗୃହମନ୍ତ୍ରୀ ଭାବରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଆତ୍ମହତ୍ୟା ମାମଲାରେ ଦୋଷୀ ଅଟନ୍ତି । ପ୍ରଜାତନ୍ତ୍ରରେ ରକ୍ଷକ ଭକ୍ଷକ ହେବା ଅତି ବିଡ଼ମ୍ବନାର ବିଷୟ ବୋଲି ଧର୍ମେନ୍ଦ୍ର କହିବା ସହ ଦୁଃଖପ୍ରକାଶ କରିଛନ୍ତି ।