ଲୋୟର ପିଏମଜିରେ ଶିକ୍ଷକ ସଂଘଙ୍କୁ ଭେଟି ଆଲୋଚନା କଲେ ଧର୍ମେନ୍ଦ୍ର !
କନକ ବ୍ୟୁରୋ : ଶିକ୍ଷକ ସଂଘଙ୍କୁ ଭେଟିଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ । ଆଜି ଲୋୟର ପିଏମଜିରେ ଓଡିଶା ସ୍କୁଲ କଲେଜ ଶିକ୍ଷକ ମିଳିତ ମଂଚଙ୍କୁ ଭେଟି ଆଲୋଚନା କରିଛନ୍ତି ଧର୍ମେନ୍ଦ୍ର । ରାଜ୍ୟ ସରକାର ଆନ୍ଦୋଳନ ଉପରେ ଶୀଘ୍ର ନିର୍ଣ୍ଣୟ ନେବାକୁ ନିବେଦନ କରିଛନ୍ତି । ଓଡିଶାର ଛାତ୍ରଛାତ୍ରୀଙ୍କ ଭବିଷ୍ୟତ ଓ ବର୍ତମାନ ସହିତ ଖେଳାନଯାଉ ଏବଂ ଏ ସମସ୍ୟାର ସମାଧାନ ହେଲେ ଓଡିଶାବାସୀଙ୍କ ହିତରେ ଯିବ ବୋଲି ଧର୍ମେନ୍ଦ୍ର କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ମୁଖ୍ୟମନ୍ତ୍ରୀ ଏନେଇ ଅବଗତ ଅଛନ୍ତି ଖୁବଶୀଘ୍ର ଏହାର ସମାଧାନ କରାଯିବ ବୋଲି ପ୍ରତିକ୍ରିୟା ରଖିଛନ୍ତି ଶାସକ ଦଳ ମୁଖ୍ୟ ସଚେତକ ଅମର ଶତପଥୀ । ଏହା ଭିତରେ ଶନିବାର ମିଳିତ ମଂଚର ରାଜ୍ୟ ସରକାରଙ୍କ ସହ ଆଲୋଚନା ବିଫଳ ହୋଇଥିଲା ବେଳେ ଆସନ୍ତା ୨୨ ତାରିଖରେ ପୁଣି ଥରେ ବିଶାଳ ସମାବେଶ ଆୟୋଜନ କରିବାକୁ ଯାଉଛି ମିଳିତ ମଂଚ । ଆଜକୁ ୫ ଦିନ ହେଲା ବ୍ଲକ ଗ୍ରାଣ୍ଡ ଉଚ୍ଛେଦ ଦାବି ନେଇ ସ୍କୁଲ ଓ କଲେଜ ଶିକ୍ଷକ ମିଳିତ ମଂଚ ଆନ୍ଦୋଳନ ଜାରି ରହିଛି ।