ପଦୋନ୍ନତି ପରେ ଓଡିଶା ଆସିଲେ ଧର୍ମେନ୍ଦ୍ର ପ୍ରଧାନ ! କହିଲେ, ରାଜ୍ୟବାସୀଙ୍କ ଉପରେ ବିଶ୍ୱାସ ପ୍ରକଟ କରିଛନ୍ତି ପ୍ରଧାନମନ୍ତ୍ରୀ
କନକ ବ୍ୟୁରୋ : ପଦୋନ୍ନତି ପରେ ଓଡିଶାରେ ପହଂଚିଛନ୍ତି ରାଜ୍ୟ ବିଜେପିର ପୋଷ୍ଟର ବୟ ଧର୍ମେନ୍ଦ୍ର ପ୍ରଧାନ । ରାଷ୍ଟ୍ରମନ୍ତ୍ରୀରୁ କ୍ୟାବିନେଟ ପାହ୍ୟାକୁ ପଦୋନ୍ନତି ପାଇଥିବା ଏହି କେନ୍ଦ୍ରମନ୍ତ୍ରୀଙ୍କୁ ଭବ୍ୟ ସ୍ୱାଗତ କରାଯାଇଛି । ବିମାନ ବନ୍ଦରରେ ତାଙ୍କୁ ସ୍ୱାଗତ କରିବାକୁ ପହଂଚିଥିଲେ ରାଜ୍ୟ ବିଜେପିର ଛାମୁଆ ନେତା ଓ ହଜାର ହଜାର କର୍ମୀ । କେନ୍ଦ୍ର ମନ୍ତ୍ରିମଣ୍ଡଳରେ ଓଡିଆ ନେତାଙ୍କ ପଦୋନ୍ନତି ପେର ବେଶ ଉତ୍ସାହିତ ରାଜ୍ୟ ବିଜେପି ଶିବିର ।
Kanak News is now on WhatsApp
Join and get latest news updates delivered to you via WhatsApp
ସେପଟେ ଜଗନ୍ନାଥଙ୍କ କୃପାରୁ କ୍ୟାବିନେଟ ପାହ୍ୟା ମିଳିଲା ଏବଂ ଓଡିଶାବାସୀଙ୍କ ଉପରେ ପ୍ରଧାନମନ୍ତ୍ରୀ ଆସ୍ଥା ପ୍ରକଟ କରିଥିବା କହିଛନ୍ତି ଧର୍ମେନ୍ଦ୍ର ପ୍ରଧାନ । ତେବେ ଧର୍ମେନ୍ଦ୍ରଙ୍କ ପଦୋନ୍ନତିକୁ ଭିନ୍ନ ଦୃଷ୍ଟିରେ ଦେଖାଯାଉଛି । ନବୀନଙ୍କୁ ଚେକମେଟ ଦେବା ଲାଗି ମୋଦି-ଶାହା ଯୋଡିଙ୍କ ଏହା ରାଣନୀତି ବୋଲି ଚର୍ଚ୍ଚା ଭିତରେ ପୁଣି ୧୨୦ ଆସନ ଜିତିବା ନେଇ ଦୃଢୋକ୍ତ କରିଛନ୍ତି ଧର୍ମେନ୍ଦ୍ର ପ୍ରଥାନ । କହିଛନ୍ତି ଦଳର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ୨୦୧୯ ପାଇଁ ଯେଉଁ ୧୨୦ ଆସନର ଅଂକ କଥା କହିଥିଲେ ସେହି ଲକ୍ଷ୍ୟ ପୂରଣ ଦିଗରେ କାମ କରିବେ ବୋଲି କହିଛନ୍ତି ଧର୍ମେନ୍ଦ୍ର ପ୍ରଧାନ ।