ଶେଷରେ ମାନିଲେ ମୋଦି ସରକାର ! କୃଷକଙ୍କ ଉପରେ ପ୍ରତିକୂଳ ପ୍ରଭାବ ପକାଇଥିଲା ବିମୁଦ୍ରାକରଣ ନିଷ୍ପତି
କନକ ବ୍ୟୁରୋ : ଦୁଇ ବର୍ଷ ପୂର୍ବେ ମୋଦି ସରକାରଙ୍କ ଦ୍ୱାରା ନିଆଯାଇଥିବା ବିମ୍ରୁଦ୍ରକାରଣ ନିଷ୍ପତିକୁ ନେଇ ଦେଶରେ ଲଗାତାର ଚର୍ଚ୍ଚା ହେଉଛି । ଆଜି ବି ଥମିତି ବିମୁଦ୍ରାକରଣ ତାତି । ଆଜି ପର୍ଯ୍ୟନ୍ତ ବିମୁଦ୍ରାକରଣକୁ ନେଇ ମୋଦି ସରକାରଙ୍କୁ ଟାର୍ଗେଟ କରୁଛନ୍ତି ବିରୋଧୀ । ବାରମ୍ବାର ଏନେଇ କେନ୍ଦ୍ର ସରକାରଙ୍କୁ ସମାଲୋଚନାର ଶିକାର ହେବାକୁ ପଡ଼ୁଛି । ବିରୋଧୀ ଏହି ନିଷ୍ପତିକୁ ଦୁର୍ଭାଗ୍ୟପୂର୍ଣ୍ଣ କହୁଥୀବା ବେଳେ ସରକାର ଏହାକୁ ଉଚିତ ନିଷ୍ପତି ବୋଲି କହୁଛି । ତେବେ କେନ୍ଦ୍ର ସରକାରଙ୍କ କୃଷି ମନ୍ତ୍ରାଳୟ ନିଜର ଏକ ରିପୋର୍ଟରେ ମାନିଛନ୍ତି, କୃଷକଙ୍କ ଉପରେ ବିମୁଦ୍ରାକରଣର ନିଷ୍ପତି ଯୋଗୁଁ ପ୍ରତିକୂଳ ପ୍ରଭାବ ପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ଅର୍ଥ ମନ୍ତ୍ରାଳୟ ସହ ଜଡ଼ିତ ସଂସଦର ଏକ ସ୍ଥାୟୀ ସମିତି ବୈଠକରେ କୃଷି ମନ୍ତ୍ରାଳୟ ମାନିଛି ବିମୁଦ୍ରାକରଣ ନିଷ୍ପତି ଯୋଗୁଁ ନଗଦରେ ଅଭାବ ଦେଖାଦେଇଥିଲା । ଯଦ୍ୱାରା ଯୋଗୁଁ ଲକ୍ଷ ଲକ୍ଷ କୃଷକଙ୍କ ରବି ଋତୁରେ ବିହନ କିଣିପାରିନଥିଲେ । ବିମୁଦ୍ରାକରଣ ନିଷ୍ପତି ଯୋଗୁଁ କୃଷକମାନେ ହିଁ ଅଧିକ ପ୍ରଭାବିତ ହୋଇଥିଲେ । କୃଷି ମନ୍ତ୍ରାଳୟ ବିମୁଦଆକରଣ ନିଷ୍ପତ୍ତି ନେଇ ଏକ ରିପୋର୍ଟ ସଂସଦୀୟ ସମିତିରେ ଦାଖଲ କରିଛନ୍ତି ।
କୃଷି ମନ୍ତ୍ରାଳୟ, ସମିତିରେ ମାନିଛି ବିମୁଦ୍ରାକରଣ ସମୟରେ କୃଷକ ଫସଲ ବିକ୍ରି କରିବା ସହ ରବି ଫସଲର ବୁଣିବା ପାଇଁ ପ୍ରସ୍ତୁତି କରୁଥିଲେ । ହଠାତ୍ ବିମୁଦ୍ରାକରଣ ଯୋଗୁଁ ନଗଦର ଅଭାବ ଦେଖାଦେଇଥିଲା । ମନ୍ତ୍ରାଳୟ ଅନୁସାରେ କ୍ୟାସରେ ଅଭାବ ଯୋଗୁଁ ଜାତୀୟ ବିହନ ନିଗମର ପାଖାପାଖି ୧ ଲକ୍ଷ ୩୮ ହଜାର କ୍ୱିଣ୍ଟାଲ ଗହମ ବିକ୍ରି ହୋଇପାରିନଥିଲା । ତେବେ ପରେ ସରକାର ଗହମ ଓ ବିହନ କିଣିବା ପାଇଁ ୧୦୦୦ ଓ ୫୦୦ ଟଙ୍କା ପୁରୁଣା ନୋଟ ବ୍ୟବହାରର ପାଇଁ ଅନୁମତି ଦେଇଥିଲେ । ହେଲେ କୃଷି ମନ୍ତ୍ରାଳୟର ରିପୋର୍ଟ ଅନୁସାରେ ସରକାରଙ୍କ ଅନୁମତି ପରେ ମଧ୍ୟ ବିହନ ବିକ୍ରିରେ ସେପରି କିଛି ଆଖିଦୃଶିକଆ ପରିବର୍ତ୍ତନ ହୋଇନଥିଲା ।