ପାଠ ପଢୁଛନ୍ତି ପାହାଡୀ ଝିଅ ! ପ୍ରଥମଥର ପାଇଁ ମାଟ୍ରିକ ପାଶ୍ କଲେ ଡଙ୍ଗରିଆ ଛାତ୍ରୀ
କନକ ବ୍ୟୁରୋ : ବିକାଶ ଯାହାଙ୍କ ପାଇଁ ସପନ । ସେମାନଙ୍କୁ ମୁହଁରେ ଏବେ ଆସିଛି ହସ । ନିୟମଗିରି ଅଂଚଳର ୯ ଜଣ ଡଙ୍ଗରିଆ ଛାତ୍ରୀ ମାଟ୍ରିକ ପରୀକ୍ଷାରେ ସଫଳ ହୋଇଛନ୍ତି । ସରକାରଙ୍କ ଏଜୁକେସନ କଂପ୍ଲେକ୍ସ ଯୋଜନାରେ ସଫଳତା ମିଳିଛି । ପ୍ରଥମ ଉଦ୍ୟମରେ ରାୟଗଡା ଜିଲ୍ଲା କାନସୁରର ଏହି ଛାତ୍ରୀମାନେ ସଫଳତା ଆଣି ଅନ୍ୟ ପିଲାଙ୍କ ପାଇଁ ପ୍ରେରଣା ସୃଷ୍ଟି କରିଛନ୍ତି । ସଫଳତା ପାଇଥିବା ଏହି ଛାତ୍ରୀଙ୍କୁ ଜିଲ୍ଲା ପ୍ରଶାସନ ସମ୍ବର୍ଦ୍ଧିତ କରିଛି । ଏହି ଅବସରରେ ଏହି ପିଲାମାନେ ସେମାନଙ୍କ ଗାଁ ଓ ସମାଜର ପରିବର୍ତନ ଦୂତ ହେବେ କହିଛନ୍ତି ରାୟଗଡା ଜିଲ୍ଲାପାଳ ।
Kanak News is now on WhatsApp
Join and get latest news updates delivered to you via WhatsApp
ମୁଖ୍ୟ ସ୍ରୋତଠାରୁ ବହୁ ଦୂରରେ ବଣଜଙ୍ଗଲ ଭିତରେ ରହୁଥିବା ଡଙ୍ଗରିଆଙ୍କ ଭିତରେ ଶିକ୍ଷା ପ୍ରବେଶ କରିବା ପାଇଁ ସରକାର କରିଥିବା ଉଦ୍ୟମ ଫଳବତୀ ହେଉଛି । ପିଲାଙ୍କ ସଫଳତା ପାଇଁ ଆକ୍ଲାନ୍ତ ପରିଶ୍ରମ କରିଥିବା ଶିକ୍ଷା ନିକେତନର କର୍ମକର୍ତା ବେଶ୍ ଆନନ୍ଦିତ । ସେପଟେ ଏହି ପିଲାମାନେ ହିଁ ତାଙ୍କ ଗାଁ ଓ ସମାଜରେ ପରିବର୍ତନ ଆଣିବାର ଧାରା ସୃଷ୍ଟି କରିପାରିବେ ବୋଲି ଆଶା ରଖିଛି ଜିଲ୍ଲା ପ୍ରଶାସନ ।