ଓଡିଶା କଂଗ୍ରେସ ପ୍ରଭାରୀ ପରିବର୍ତନ ପରେ ରାଜ୍ୟ କଂଗ୍ରେସ ଚଳଚଂଚଳ ! ଏଆଇସିସି ନିଷ୍ପତିକୁ ସ୍ୱାଗତ କଲେ ବରିଷ୍ଠ ନେତା । କହିଲେ,ଜିତେନ୍ଦ୍ରଙ୍କୁ ଦାୟିତ୍ୱ ପରେ ସୁଦୃଢ ହେବ ଦଳ
କନକ ବ୍ୟୁରୋ: ବହୁ ବାଦ ବିବାଦ ପରେ ଓଡିଶା କଂଗ୍ରେସ ପ୍ରଭାରୀ ପରିବର୍ତନ ପରେ ଏହାକୁ ସ୍ୱାଗତ କରିଛନ୍ତି ରାଜ୍ୟ କଂଗ୍ରେସ ନେତା । ବିକେ ହରିପ୍ରସାଦଙ୍କ ସ୍ଥାନରେ ଜୀତେନ୍ଦ୍ର ସିଂହଙ୍କୁ ଦାୟିତ୍ୱ ଦିଆଯାଇଛି । ଏହା ସ୍ୱାଗତ ଯୋଗ୍ୟ ପଦକ୍ଷେପ । କଂଗ୍ରେସ ପୁଣି ସୁଦୃଢ ହେବ । ଏବଂ ଖୁବ ଶୀଘ୍ର ପିସିସ ସଭାପତିି ମଧ୍ୟ ପରିବର୍ତନ କରାଯିବ ବୋଲି ଆଶା ରହିଥିବା କହିଛନ୍ତି ପ୍ରଫୁଲ୍ଲ ମାଝୀ ।
Kanak News is now on WhatsApp
Join and get latest news updates delivered to you via WhatsApp
ସେହିପରି ଜୀତନ୍ଦ୍ରେ ସିଂହଙ୍କୁ ଓଡିଶା କଂଗ୍ରେସ ପ୍ରଭାରୀ ଦାୟିତ୍ୱ ପରେ ଦଳ ସଂଗଠିତ ହେବ ବୋଲି କହିଛନ୍ତି ତାରାବାହିନୀ ପତି । ପିସିସି ସଭାପତି ପ୍ରସାଦ ହରିଚନ୍ଦନଙ୍କ ମଧ୍ୟ ପରିବର୍ତନ ହେବେ ବୋଲି ତାରା କହିଛନ୍ତି । ୫ ବର୍ଷ ଧରି ଦଳର ପ୍ରଭାରୀ ରହିଥିବା ବି.କେ ହରିପ୍ରସାଦଙ୍କ ସ୍ଥାନରେ ଜିତେନ୍ଦ୍ର ସିଂହଙ୍କୁ ଦାୟିତ୍ୱ ଦେଇଛି ଏଆଇସିସି । ବିଜେପୁର ନିର୍ବାଚନରେ କଂଗ୍ରେସର ନୈରାଶ୍ୟଜନକ ପ୍ରଦର୍ଶନ ପରେ ଦଳର ରାଜ୍ୟ ନେତୃତ୍ୱ ଉପରେ ପ୍ରଶ୍ନ ଚିହ୍ନ ଲାଗିଥିଲା । ବି.କେ ହରିପ୍ରସାଦଙ୍କ ବିରୋଧରେ ମଧ୍ୟ ଦଳ ମଧ୍ୟରେ ଅସନ୍ତୋଷ ସୃଷ୍ଟି ହୋଇଥିଲା ।