କନକ ବ୍ୟୁରୋ : ପରଲୋକରେ ହାସ୍ୟ ଅଭିନେତା ତାରକ ସାହା । ଗତକାଲି କଟକ ସେଲଟରଛକ ବଙ୍ଗାଳିସାହି ସ୍ଥିତ ବାସଭବନରେ ତାଙ୍କର ପରଲୋକ ହୋଇଯାଇଛି । ମୃତ୍ୟୁ ବେଳକୁ ତାଙ୍କୁ ୫୬ ବର୍ଷ ହୋଇଥିଲା । ଓଡିଆ ମଂଚ, ଚଳଚ୍ଚିତ୍ର ଓ ଟେଲିଭିଜନ୍ ଜଗତର ଜଣାଶୁଣା ହାସ୍ୟ ଅଭିନେତା ଥିଲେ ତାରକ ।
Kanak News is now on WhatsApp
Join and get latest news updates delivered to you via WhatsApp
ଅନ୍ନପୂର୍ଣା ସ୍ମୃତି ନାଟ୍ୟ ସଂସଦର କଳାକାର ଭାବେ ଜାତୀୟ ସ୍ତରର ବିଭିନ୍ନ ନାଟ୍ୟ ମହୋତ୍ସବରେ ସେ ଓଡିଶାକୁ ପ୍ରତିନିଧିତ୍ୱ କରିବା ସହ ପୁରସ୍କୃତ ହୋଇଛନ୍ତି । ଟିଭି ଧାରାବାହିକ ‘କହୁଥିଲେ ସରିବନି’, ‘ମା’, “ଅବୋଲକରା କଥା’, “ପ୍ରତିଭା’ ଓ “ମଳୟ’ରେ ଅଭିନୟ କରି ଚର୍ଚ୍ଚିତ ହୋଇଥିଲେ ତାରକ । ଏହା ବ୍ୟତୀତ ୪ଟି ଚଳଚ୍ଚିତ୍ରରେ ମଧ୍ୟ ସେ ଅଭିନୟ କରିଛନ୍ତି ।