ଡବାକୁ ଛାଡି ଇଞ୍ଜିନ ଛୁ । ତେଲ ଲିକ୍ ହେବାରୁ ଛାଡିଦେଲା ଟ୍ରେନ । ସାରା ରାତି ତେଲ ବୋହିନେଲେ ସ୍ଥାନୀୟ ଲୋକେ
ବାଲେଶ୍ୱର ବାହନଗା ଷ୍ଟେସନରେ ତେଲ ଲିକ୍ ହେବାରୁ ଛାଡିଦେଲା ଟ୍ରେନ
କନକ ବ୍ୟୁରୋ: ତେଲ ଡବାକୁ ଛାଡି ଟ୍ରେନ ଇଂଜିନ ଛୁ । ଏପରି ଘଟଣା ସାମ୍ନାକୁ ଆସିଛି ବାଲେଶ୍ୱର ଜିଲ୍ଲା ବାହାନଗା ରେଳ ଷ୍ଟେସନରୁ । ଗତକାଲି ଏକ ତେଲ ବୋଝେଇ ମାଲବାହୀ ଟ୍ରେନ ବାଲେଶ୍ୱର ଅଭିମୁଖେ ଯାଉଥିବା ବେଳେ ବାହାନଗା ଷ୍ଟେସନରେ ୨ଟି ଟ୍ୟାଙ୍କର ଛାଡି ଚାଲିଯାଇଥିଲା । ଟ୍ୟାଙ୍କରରୁ ତେଲ ଲିକ୍ ହେଉଥିବାରୁ ଇଂଜିନ ୨ଟିଡବାକୁ ଛାଡି ଦେଇଥିଲେ । ଅନ୍ୟପଟେ ଏହାର ସୁଯୋଗରେ ଷ୍ଟେସନରେ ଥିବା ୨ଟି ଟ୍ୟାଙ୍କରରୁ ଲୋକେ ତେଲ ଲୁଟ୍ କରୁଥିବା ନଜର ଆସିଥିଲା ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ପାରାଦୀପରୁ ୫୨ଟି ତେଲ ବୋଝେଇ ଟ୍ୟାଙ୍କରକୁ ନେଇ ମାଲବାହୀ ଟ୍ରେନ ବାଲେଶ୍ୱର ସୁବାରାମ ତେଲ ଡିପୋକୁ ଯାଉଥିଲା । କୌଣସି କାରଣରୁ ବାହନଗା ଷ୍ଟେସନରେ ଟ୍ରେନ ଅଟକିବା ପରେ ୨ଟି ଟ୍ୟାଙ୍କରରୁ ତେଲ ଚୋରି ହୋଇଛି । ବାହାନଗା ଷ୍ଟେସନରେ ତେଲ ଟ୍ୟାଙ୍କର ଗୁଡିକ ଥିବା ବେଳେ ଷ୍ଟେସନରେ ସୁରକ୍ଷା ଦାୟିତ୍ୱରେ କେହି ବି ନଥିଲେ । ଯାହାର ଫାଇଦା ଉଠାଇଛନ୍ତି ସ୍ଥାନୀୟ ବାସିନ୍ଦା ।