ଏଭଳି ଏକ କ୍ରୁର କମ୍ପାନୀ ଯେଉଁଠି କର୍ମଚାରୀଙ୍କୁ ଭୁଲ୍ କଲେ ମିଳେ ଲୋମଟାଙ୍କୁରା ଦଣ୍ଡ ! ପିଇବାକୁ ପଡେ ମୂତ୍ର ଏବଂ ଖାଇବାକୁ ପଡେ କୀଟ ।
ଆଶାନୁରୂପକ କାର୍ଯ୍ୟ ନକଲେ ଯେକୌଣସି କମ୍ପାନୀ ଦଣ୍ଡସ୍ୱରୁପ ପ୍ରମୋସନ,ଇନକ୍ରିମେସନ୍ ଏବଂ ଟ୍ରାନ୍ସଫର୍ ଭଳି ପଦକ୍ଷେପ ନେଇଥାଏ । କିନ୍ତୁ ଆମେ ଆପଣଙ୍କୁ ଆଜି ଏଭଳି ଏକ କମ୍ପାନୀ କଥା କହୁଛୁ ଯେ ଦଣ୍ଡ ପାଇଁ ଏଭଳି ପନ୍ଥା ଉଠାଏ ଯେ ମାନବତା ଉପରେ ଲଜ୍ଜା କରିବା ହିଁ ସାର ହେବ । ଚୀନର ଏକ ଫଣ୍ଣିଚର କମ୍ପାନୀ ନିଜ କର୍ମଚାରୀଙ୍କ କାର୍ଯ୍ୟରେ ତ୍ରୁଟି ଦେଖିଲେ ତାଙ୍କୁ ଦଣ୍ଡସ୍ୱରୁପ ଅସରପା ଖୁଆଇବା ସହ ମୂତ୍ର ଏବଂ ପାଇଖାନା ମଗରେ ପାଣି ପିଆଇବାକୁ ବାଧ୍ୟ କରିଥାଏ । କେବଳ ଏତିକି ନୁହଁ କର୍ମଚାରୀଙ୍କୁ ବେଲ୍ଟରେ ମାଡ ମଧ୍ୟ ହୁଏ ଏବଂ ଲଣ୍ଡା ମଧ୍ୟ କରାଯାଏ ।
Kanak News is now on WhatsApp
Join and get latest news updates delivered to you via WhatsApp
ତେବେ ଚୀନର ସୋସିଆଲ୍ ମିଡିଆ ପ୍ଲାଟଫର୍ମରେ ଏଭଳି ଏକ ଭିଡିଓ ଭାଇରାଲ୍ ହେବା ପରେ ଅସଲ ଘଟଣା ସାମ୍ନାକୁ ଆସିଥିଲା । ଫର୍ମାଲ୍ ଡ୍ରେସ୍ ଏବଂ ଚମଡା ଜୋତା ନ ପିନ୍ଧି ଗଲେ ୫୦ ୟୁଆନ୍ (୫୨୨ ଟଙ୍କା) ମଧ୍ୟ ଜୋରିମାନା ପଡିଥାଏ ଏବଂ ଗୋଟିଏ ମାସର ଦରମା ମଧ୍ୟ ଅଟକିଯାଏ । ତେବେ ଏଭଳି କ୍ରୁରତାକୁ ସହି ନପାରି କିଛି କର୍ମଚାରୀ ଚାକିରୀ ଛାଡୁଥିବା ବେଳେ ଆଉ କିଛି କର୍ମଚାରୀ ଅସୁବିଧା କାରଣରୁ ଚାକିରୀରେ ସ୍ଥିର ରହିବାକୁ ବାଧ୍ୟ ହେଉଛନ୍ତି । ଅନ୍ୟ କର୍ମଚାରୀଙ୍କ ଆଗରେ ଏଭଳି ବେଇଜତ୍ କରୁଥିବା ଅଭିଯୋଗରେ କମ୍ପାନୀର ୩ ଜଣ ଅଫିସରଙ୍କୁ ୧୫ ଦିନ ଜେଲଦଣ୍ଡ ମଧ୍ୟ ଭୋଗିବାକୁ ପଡିଛି ।