ଚେଙ୍କ ଚିକିତ୍ସାର ଭୟଙ୍କର ପରିଣତି : କୋମଳମତି ଶିଶୁର ଜୀବନ ନେଲା ଚେଙ୍କ
ନବରଂଗପୁର : ଚେଙ୍କ ଯନ୍ତ୍ରଣାରେ ଛଟଛଟ ହୋଇ ଶେଷରେ ନିସ୍ତେଜ ଯାଇଯାଇଛି ଏହି କଅଁଳ ଶିଶୁ । ସବୁ ଦିନ ପାଇଁ ଆଖିବୁଜି ଦେଇଛି ନିଷ୍ପାପ ଶିଶୁପୁତ୍ର । ଏଭଳି ଏକ ଅଭାବନୀୟ ଘଟଣା ଘଟିଛି ଉପାନ୍ତ ନବରଂଗପୁର ଜିଲ୍ଲାର ଭାରଶୁଣ୍ଡି ଗାଁରେ । ୨ ମାସର ଶିଶୁ ଆକାଶ ଗୋଣ୍ଡା । ସାମାନ୍ୟ କାଶ,ଥଣ୍ଡାରୁ ଅସୁସ୍ଥ ହୋଇପଡ଼ିଥିଲେ । ହେଲେ ଡାକ୍ତରୀ ଚିକିତ୍ସା କରିବା ପରିବର୍ତେ ମା’ ବାଛି ନେଲେ ଚେଙ୍କ ଚିକିତ୍ସାର ବାଟ ।
Kanak News is now on WhatsApp
Join and get latest news updates delivered to you via WhatsApp
କାଶ,ଥଣ୍ଡା ହେବାରୁ ପୁଅର ଚିକିତ୍ସା ପାଇଁ ଭାଲିଆ ମଂଜିକୁ ଗରମ୍ କରି ଚେଙ୍କ ଦେଇଥିଲେ ନିଜ ଜନ୍ମକଲା ମା’ । ଯନ୍ତ୍ରଣାରେ ଛଟପଟ ହେଲେ ସିନା, କାଶଥଣ୍ଡା କମିଲାନି । ଶେଷରେ ଗୁରୁତର ଅବସ୍ଥାରେ ନେଇ ଆସିଲେ ନବରଙ୍ଗପୁର ଜିଲ୍ଲା ମୁଖ୍ୟଚିକିତ୍ସାଳୟ । ହେଲେ ଡାକ୍ତରଙ୍କ ଆପ୍ରାଣ ଉଦ୍ୟମ ଫେଲ ହେଲା । ଆଉ ଠିକରେ ଜୀବନର ଆଲୁଅ ଦେଖିନଥିବା ଆକାଶଙ୍କ ପାଇଁ ସବୁ ଦିନ ପାଇଁ କଳାମେଘ ଢ଼ାଙ୍କି ଦେଲା ।
ଚେଙ୍କ ଚିକିତ୍ସା ଘଟିଛି ସେହି ଜିଲ୍ଲାରେ ଯେଉଁ ଜିଲ୍ଲାର ଜିଲ୍ଲାପାଳ ଚେଙ୍କ ପ୍ରତି ଲୋକଙ୍କୁ ସଚେତନା କରିବା ପାଇଁ ପୁରସ୍କାର ନେଉଛନ୍ତି, ବାଃବାଃ ସାଉଁଟୁଛନ୍ତି । ହେଲେ ଗୋଟିଏ ପରେ ଗୋଟିଏ ଏମିତି ଘଟଣା ସାମ୍ନାକୁ ଆସୁଛି ।