ମହଙ୍ଗାରୁ ମିଳିବ ମୁକ୍ତି, ଶସ୍ତା ହେବ ସାମଗ୍ରୀ ! ଜିଏସଟିକୁ ନେଇ ହୋଇପାରେ ବଡ ଘୋଷଣା ।
ଗୋଟିଏ ଦେଶ ଗୋଟିଏ ଟ୍ୟାକ୍ସ ବ୍ୟବସ୍ଥା ‘ଜିଏସଟି’କୁ ଚଳିତ ଜୁଲାଇ ମାସରେ ୧ ମାସ ପୁରିବ । ଏହା ପୂର୍ବରୁ ସରକାର ଜିଏସଟିକୁ ନେଇ ଏକ ବଡ ଘୋଷଣା କରିପାରନ୍ତି । କେନ୍ଦ୍ର ସରକାରଙ୍କ ଜଣେ ମନ୍ତ୍ରୀ ଏନେଇ ସୂଚନା ଦେଇଛନ୍ତି । ତେବେ ଆଶା କରାଯାଉଛି ଯେ, ଏହି ଘୋଷଣା କେତେକ ଜିନିଷର ଟ୍ୟାକ୍ସ ରେଟ କମାଇବାକୁ ନେଇ ହୋଇପାରେ । ଯଦି ଏପରି ହୁଏ ତେବେ ସାଧାରଣ ଜନତାଙ୍କ ପାଇଁ ସାମଗ୍ରୀ ଗୁଡିକ ଶସ୍ତା ହୋଇପାରିବ ।
Kanak News is now on WhatsApp
Join and get latest news updates delivered to you via WhatsApp
ଦିଲ୍ଲୀ ଏସଏମଇ ଫାଇନାନ୍ସ ସମିଟର ୭ମ ସଂସ୍କରଣରେ ଯୋଗ ଦେଇ କେନ୍ଦ୍ର ଶକ୍ତିମନ୍ତ୍ରୀ ଶିବ ପ୍ରସାଦ ଶୁକ୍ଲା ଏହି ସୂଚନା ଦେଇଛନ୍ତି । ସିଆଇଆଇର ଏହି କାର୍ଯ୍ୟକ୍ରମରେ ସେ କହିଛନ୍ତି ଯେ, ଖୁବ ଶୀଘ୍ର ଜିଏସଟିକୁ ନେଇ ସରକାର ଏକ ବଡ ଘୋଷଣା କରିପାରନ୍ତି । ସେ କହିଛନ୍ତି ଯେ, ଜିଏସଟି ପରିଷଦ ଅନେକ ସାମଗ୍ରୀର ଟ୍ୟାକ୍ସ ଦର କମ କରିବା ନିମନ୍ତେ ବିଚାର କରୁଛନ୍ତି । ଖୁବ ଶୀଘ୍ର ସରକାରଙ୍କ ପକ୍ଷରୁ ଏସମ୍ବନ୍ଧରେ କୌଣସି ଘୋଷଣା କରାଯାଇପାରେ । କେନ୍ଦ୍ରମନ୍ତ୍ରୀଙ୍କର ଏଭଳି ବୟାନ ପରେ ପେଟ୍ରୋଲ ଏବଂ ଡିଜେଲକୁ ମଧ୍ୟ ଜିଏସଟି ଅନ୍ତର୍ଭୁକ୍ତ କରିଯିବା ନେଇ ଆଶା କରାଯାଉଛି ।
ଗୁରୁବାର କେନ୍ଦ୍ର ପେଟ୍ରୋଲିୟମ ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ମଧ୍ୟ କହିଥିଲେ ଯେ, ପେଟ୍ରୋଲ ଏବଂ ଡିଜେଲକୁ ଜିଏସଟିି ଅନ୍ତର୍ଭୁକ୍ତ କରିଯିବା ନେଇ ପ୍ରୟାସ ଜାରି ରହିଛି । ଏହା ପୂର୍ବରୁ ଜାନୁଆରୀ ମାସରେ ଜିଏସଟି ପରିଷଦ ୫୪ଟି ସେବା ଏବଂ ୨୯ଟି ସାମଗ୍ରୀକୁ ଜିଏସଟି ରେଟରେ କମ୍ କରାଯାଇଥିଲା । ତେବେ ସରକାର କେବେ ଏହି ବଡ ଘୋଷଣା କରିବେ ଏବଂ ଏହା ସାଧାରଣ ଜନତାଙ୍କୁ କେତେ ଫାଇଦା ହେବ ସେନେଇ ଚର୍ଚ୍ଚା ଆରମ୍ଭ ହୋଇଯାଇଛି ।