ସିବିଆଇ ବନାମ ଓଡିଶା ପୁଲିସ ! ହାଇକୋର୍ଟ ବାର ଆସୋସିଏସନର କାର୍ଯ୍ୟବନ୍ଦ ଆନ୍ଦୋଳନ ଜାରି, ଆଜି ଜନସ୍ୱାର୍ଥ ମାମଲାର ଶୁଣାଣି
କନକ ବ୍ୟୁରୋ : ବିଚାରପତିଙ୍କ ଘରେ ପଶିଥିବା ସିବିଆଇ ଅଧିକାରୀଙ୍କ ତାଲିକା ମାଗିଲା ପୋଲିସ । 
କାହା ନେତୃତ୍ୱରେ ଆସିଥିଲା ଟିମ୍? ଟିମରେ ଥିବା ଅଧିକାରୀ କେଉଁ ରାଙ୍କର? ଏବଂ ସମସ୍ତଙ୍କ ନାଁ ଓ ଫୋନ୍ ନମ୍ବର ଦେବାକୁ ସିବିଆଇକୁ ଚିଠି ଲେଖିଛି ଓଡିଶା ପୋଲିସ । ବିଚାରପତିଙ୍କ ବାସଭବନରେ ପଶିଥିବା ସିବିଆଇର ସମସ୍ତ ଅଧିକାରୀଙ୍କ ବିରୋଧରେ ମାମଲା ରୁଜୁ କରି ପୋଲିସ ତଦନ୍ତ ଚଳାଇଛି । ବିଚାରପତି ସିଆର୍ ଦାଶଙ୍କ ବାସଭବନରେ ନିୟୋଜିତ ଦୁଇ ସୁରକ୍ଷାକର୍ମୀଙ୍କ ଧାରା ୧୬୧ରେ ବୟାନ ରେକର୍ଡ ହୋଇଛି । ଆଗକୁ ଧାରା ୧୬୪ରେ ବୟାନ ରେକର୍ଡ କରାଯିବ ବୋଲି ପୋଲିସ କହିଛି । ସେପଟେ ଘଟଣାକୁ ନେଇ କାର୍ୟ୍ୟବନ୍ଦ ଆନ୍ଦୋଳନ ଜାରି ରଖିଛି ହାଇକୋର୍ଟ ବାର୍ ଆସୋସିଏସନ୍ । ଏହି ଘଟଣାକୁ ନେଇ ଏକ ଜନସ୍ୱାର୍ଥ ମାମଲା ରୁଜୁ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଦୁଇ ଦିନ ପର୍ବୂରୁ ଅବସରପ୍ରାପ୍ତ ବିଚାରପତିଙ୍କ ଘରକୁ ଯିବା ବଦଳରେ ବିଚାରପତିଙ୍କ ବାସଭବନକୁ ପଶିଯାଇଥିଲେ ସିବିଆଇ ଅଫିସର । କ୍ୟାଂଟମେଂଟ ରୋଡ଼ସ୍ଥିତ ହାଇକୋର୍ଟର ବିଚାରପତି ଚିତରଂଜନ ଦାଶଙ୍କ ଘରେ ସିବିଆଇ ଅଫିସର ପଶିଥିଲେ । ଅବସରପ୍ରାପ୍ତ ବିଚାରପତିଙ୍କୁ ଖୋଜୁଥିଲେ ସିବିଆଇ। ତେବେ ଭୁଲବଶତଃ ବିଚାରପତି ଚିତରଂଜନ ଦାସଙ୍କ ଘରେ ପଶିଯାଇଥିବା ଜାଣିବା ପରେ ସିବିଆଇ ଅଫିସର ବିଚାରପତିଙ୍କ ଘରୁ ଚାଲି ଆସିଥିଲେ । ତେବେ ଏହା ପ୍ରତିବାଦରେ ଓଡ଼ିଶା ହାଇକୋର୍ଟବାର ଆସୋସିଏସନ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା ।