କନକ ବ୍ୟୁରୋ : ନିମ୍ନମାନର ଥିଲା କି ଫ୍ଲାଏ ଓଭରର ନିର୍ମାଣକାର୍ଯ୍ୟ ? କେଉଁ ସଂସ୍ଥା କରୁଥିଲା ନିର୍ମାଣ କାମ ? ଠିକାଦାର ସଂସ୍ଥାକୁ ସୁରକ୍ଷା ଦେଉଛି କିଏ ? ଏମିତି ଅନେକ ପ୍ରଶ୍ନ ଏବେ ଓଡିଶାବାସୀଙ୍କ ମନରେ ଉଙ୍କି ମାରୁଛି । ଏତେ ବଡ ଅଗଟଣା ପାଇଁ କାହାକୁ ଦାୟୀ କରାଯିବ ? ଯେଉଁ ଲୋକର ମୃତ୍ୟୁ ହେଲା ସେଥିପାଇଁ କିଏ ଦାୟୀ ରହିବ । ଏସବୁ ଭିତରେ ପ୍ରଶ୍ନ ଆସୁଛି ଠିକାଦାରି ସଂସ୍ଥା ଉପରେ , ଯିଏ ଏହି ନିର୍ମାଣ କାମ କରୁଥିଲା ।
Kanak News is now on WhatsApp
Join and get latest news updates delivered to you via WhatsApp
ପଣ୍ଡା ଇନଫ୍ରାଷ୍ଟ୍ରକଚର ପ୍ରାଇଭେଟ୍ ଲିମିଟେଡ୍ ନାମକ ଏକ ସଂସ୍ଥା ଅତି ଖାମଖିଆଲି ଢଙ୍ଗରେ କରୁଥିଲା ରାଜଧାନୀର ଏହି ଫ୍ଲାଏଓଭର କାମ । ସନ୍ଦେହ ହେଉଛି ଯଦି ପୋଲ ଏବେ ଭୁଶୁଡି ନଥା’ନ୍ତା , ବୋଧହୁଏ ପରେ ମଧ୍ୟ ଏହି ଘଟଣ। ଘଟିଥା’ନ୍ତା ।
କୁହାଯାଉଛି ଏହି ଠିକା ସଂସ୍ଥା ଏକ ପ୍ରଭାବଶାଳୀ ସଂସ୍ଥା । ଯାହା ପଛରେ ଜଣେ ପୂର୍ବତନ ମନ୍ତ୍ରୀ ଓ ଜଣେ ବର୍ତ୍ତମାନର ମନ୍ତ୍ରୀଙ୍କ ପରୋକ୍ଷ ସଂପର୍କ ରହିଛି । ଏପରିକି ପ୍ରମୂଖ ଦାୟିତ୍ୱରେ ଥିବା କିଛି ସରକାରୀ ଅଧିକାରୀ ମଧ୍ୟ ଏହି ଠିକା ସଂସ୍ଥାରେ ଟଙ୍କା ଲଗାଇଥିବା ଖବର ମିଳୁଛି । ପ୍ରଶ୍ନ ଉଠୁଛି ଏହି ଠିକା ସଂସ୍ଥାକୁ କାମ ମିଳିବା ପଛରେ ନେତା,ମନ୍ତ୍ରୀ ଓ ଅଧିକାରୀଙ୍କ ହାତ ରହିଛି କି ?
ବ୍ରିଜ୍ ଭୁଶୁଡିବା ଘଟଣାକୁ ନେଇ ରାଜନୀତି ସରଗରମ । ନିମ୍ନମାନର କାମ ସହ ପିସି କାରବାର ଯୋଗୁଁ ଏଭଳି ଦୁର୍ଘଟଣା ଘଟିଥିବା ବିଜେପି ଅଭିଯୋଗ କରିଛି । ସେପଟେ ଘଟଣା ପାଇଁ ମୁଖ୍ୟମନ୍ତ୍ରୀଙ୍କୁ ଉତ୍ତରଦାୟୀ କରିଛି କଂଗ୍ରେସ ।