ଚୋର ନେଇଗଲା ଟଙ୍କା ବାକ୍ସ ! ଏପଟେ ବରବଧୂଙ୍କ ଚାଲିଥିଲା ଫଟୋସୁଟ୍ ସେପଟେ ୫ ଲକ୍ଷ ଟଙ୍କାର ବାକ୍ସ ଧରି ଚମ୍ପଟ ମାରିଲା ସୁଟବୁଟ୍ ପିନ୍ଧା ଚୋର ।
ବିବାହରେ ଛୋଟମୋଟ ଜିନିଷ ଚୋରୀ ହେବା ଘଟଣା କିଛି ନୂଆ ନୁହଁ କିନ୍ତୁ ଆଖି ଆଗରୁ ଟଙ୍କା ବାକ୍ସ ଚୋରୀ ହୋଇଯିବା ଘଟଣା ନିହାତି ମନରେ ଡର ସୃଷ୍ଟି କରିବ । ରାଜଧାନୀ ଦିଲ୍ଲୀରେ ମଧ୍ୟ ଏଭଳି ଏକ ଘଟଣା ଘଟିଛି । ଦିଲ୍ଲୀର କଡକଡଡ୍ଡୁମା କୋର୍ଟରେ ଆୟୋଜିତ ହୋଇଥିବା ଏକ ବିବାହ ସମାରୋହରେ ଗହଳି ଆଳରେ ସମସ୍ତଙ୍କ ଆଖି ଆଗରୁ ୫ ଲକ୍ଷ ଟଙ୍କା ଭର୍ତ୍ତି ଥିବା ବ୍ୟାଗ୍ କୁ ଚୋରାଇନେଲା ସୁଟବୁଟ୍ ପିନ୍ଧିଥିବା ଚୋର । ବର୍ତ୍ତମାନ ପୋଲିସ୍ ଏହି ମାମଲାରେ ଚୋରକୁ ଖୋଜିବାରେ ଲାଗିଛି ।
Kanak News is now on WhatsApp
Join and get latest news updates delivered to you via WhatsApp
कडकड़कूमा कोर्ट के पास शादी में सूट बूट में आया चोर,लोग दूल्हा दुल्हन के साथ फोटो खिंचाते रहे और चोर उड़ा ले गया 5 लाख रुपये से भरा बैग pic.twitter.com/RbsgVfj8h7
— Mukesh singh sengar (@mukeshmukeshs) November 16, 2019
ତେବେ ଚୋରୀ କରିବା ସମୟରେ ଗୋଟିଏ ଭିଡିଓରେ ଚୋର ଚୋରୀ କରିଥିବାର ଦୃଶ୍ୟ ରହିଯାଇଛି । ଯାହାକୁ ଆଧାର କରି ପୋଲିସ୍ ଏବେ ଚୋରକୁ ଖୋଜିବାରେ ଲାଗିପଡିଛି । ବର ଏବଂ ବଧୂ ଷ୍ଟେଜ୍ ଉପରେ ପରିଜନଙ୍କ ସହ ଫଟୋ ଉଠାଉଥିବା ସମୟରେ ଚୋରଟି ତାଙ୍କ ଆଖିକୁୁ ଧୋକା ଦେଇ ଲକ୍ଷାଧିକ ଟଙ୍କା ଥିବା ବ୍ୟାଗକୁ ଧରି ଚମ୍ପଟ ମାରିଥିଲା । ତେବେ ଭିଡିଓ ଦେଖିଲେ ଚୋରୀ କରିଥିବା ପିଲା ୧୫ ରୁ ୧୬ ବର୍ଷ ବୋଲି ଜଣାପଡୁଛି ।