ଭୁବନେଶ୍ୱର ବ୍ୟୁରୋ , କନକ ନ୍ୟୁଜ୍ : ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପୁଣିଥରେ ମିଥ୍ୟା ତଥ୍ୟର ସୌଦାଗର କହିଲା ରାଜ୍ୟ ବିଜେପି । ମହାନଦୀରେ କେଲୋ ପ୍ରକଳ୍ପ ସଂପର୍କରେ ଛତିଶଗଡ ସରକାର ଓ ରାଜ୍ୟ ସରକାରଙ୍କ ମଧ୍ୟରେ ପତ୍ରର ଆଦାନପ୍ରଦାନ ହୋଇଥିବା ବିଜେପି ଉପସ୍ଥାପିତ କରିଛି ।
Kanak News is now on WhatsApp
Join and get latest news updates delivered to you via WhatsApp
କେଲୋ ପ୍ରକଳ୍ପ ସଂପର୍କରେ ରାଜ୍ୟ ସରକାରଙ୍କୁ ଅବଗତ କରିନଥିବା କହିଥିଲେ ମୁଖ୍ୟ ଶାସନ ସଚିବ ଆଦିତ୍ୟ ପାଢୀ। କିନ୍ତୁ ମହାନଦୀରେ ଛତିଶଗଡ ପ୍ରକଳ୍ପ ନେଇ ରାଜ୍ୟ ସରକାରଙ୍କ ପାଖରେ ସଂପୂର୍ଣ୍ଣ ତଥ୍ୟ ଥିବା ସରକାରୀ ପ୍ରମାଣ ବିଜେପି ପ୍ରକାଶ କରିଛି । ରାଜ୍ୟ ସରକାର ସତ ଲୁଚାଉଥିବା ବିଜେପି ଅଭିଯୋଗ କରିଛି । ୨୦୦୮ ଏପ୍ରିଲ ୧୦ରେ ଓଡିଶା ଅଫିସ ଚିଫ ଇଂଜିନିୟର,ପ୍ରୋଜେକ୍ ପ୍ଲାନିଂ ଏଣ୍ଡ ଫର୍ମୁଲେସନଙ୍କୁ ଏକ ପତ୍ର ଲେଖାଯାଇଥିଲା । ଏହି ପତ୍ରରେ କେଲୋ ପ୍ରକଳ୍ପର ପ୍ରାଜେକ୍ଟ ରିପୋର୍ଟ ବାବଦରେ ଓଡିଶାର ଏନଓସି ସମ୍ବନ୍ଧରେ ଓଡିଶାର ଇଂଜିନିୟରିଂ ଇନ ଚିଫ, ଜଳ ସଂପଦ ବିଭାଗ, ଓଡିଶା ସରକାରଙ୍କୁ ଅବଗତ କରାଯାଇଛି । ଏହା ସହ ଛତିଶଗଡ ସରକାରଙ୍କ ଅବଗତି ନିମନ୍ତେ ଏହି ପତ୍ରର ନକଲ ମଧ୍ୟ ଛତିଶଗଡ ସରକାରଙ୍କୁ ରାଜ୍ୟ ସରକାର ପ୍ରଦାନ କରିଥିବା ବିଜେପି ଉଲ୍ଲେଖ କରିଛି । ରାଜ୍ୟ ସରକାର ସବୁ ତଥ୍ୟ ପାଇ ମିଛ କହୁଥିବା ବିଜେପି ଅଭିଯୋଗ କରିଛି ।