ଆଜି ଭଦ୍ରକ ବନ୍ଦ: ପ୍ରସ୍ତାବିତ ବୟନଶିଳ୍ପ ପାଇଁ ରାଜ୍ୟ ସରକାର ଜାଗା ଯୋଗାଣରେ ବିଳମ୍ବ କରୁଥିବା ଅଭିଯୋଗରେ ବିଜେପିର ବନ୍ଦ ପାଳନ
କନକ ବ୍ୟୁରୋ: ଆଜି ଭଦ୍ରକ ବନ୍ଦ । ଜିଲ୍ଲା ବିଜେପି ପକ୍ଷରୁ ସକାଳ ୬ଟାରୁ ଦିନ ୧୨ଟା ଯାଏଁ ବନ୍ଦ ଡାକରା ଦିଆଯାଇଛି । ବନ୍ଦ ପ୍ରଭାବ ଭଦ୍ରକ ସମେତ ଭଣ୍ଡାରୀ ପୋଖରୀରେ ଦେଖିବାକୁ ମିଳିଛି । ବିଜେପି କର୍ମୀମାନେ ପିକେଟିଂ କରି ଦୋକାନ ବଜାର ବନ୍ଦ କରି ଗାଡି ମୋଟରକୁ ଅଟକ ରଖୁଛନ୍ତି । ଭଣ୍ଡାରୀ ପୋଖରୀରେ ପ୍ରସ୍ତାବିତ ବୟନଶିଳ୍ପ ପାଇଁ ରାଜ୍ୟ ସରକାର ଜାଗା ଯୋଗାଇବାରେ ବିଳମ୍ବ କରୁଛନ୍ତି । ଏହାର ପ୍ରତିବାଦରେ ଜିଲ୍ଲା ବିଜେପି ଆଜି ୬ ଘଂଟିଆ ଭଦ୍ରକ ବନ୍ଦ ପାଳନ କରୁଛି ।
Kanak News is now on WhatsApp
Join and get latest news updates delivered to you via WhatsApp
ଭଦ୍ରକ ନିକଟରେ ୧୬ନଂବର ଜାତୀୟ ରାଜପଥକୁ ଅବରୋଧ କରାଯାଇଥିବା ବେଳେ ଭଣ୍ଡାରୀପୋଖରୀ ଛକ ନିକଟରେ ମଧ୍ୟ ରାସ୍ତାରୋକ କରାଯାଇଛି । ମଂଜୁରୀ ରୋଡ ଷ୍ଟେସନ ଠାରେ ଯାଜପୁର ଲୋକାଲକୁ ବିଜେପି କର୍ମୀ ଅଟକ ରଖିଛନ୍ତି । ସେହିପରି ଭଦ୍ରକରେ ଭଦ୍ରକ-ପାଲାସା ଟ୍ରେନକୁ ମଧ୍ୟ ବିଜେପି କର୍ମୀ ଅଟକ ରଖିଥିବାରୁ ଯାତ୍ରୀ ହଇରାଣ ହୋଇଛନ୍ତି ।