କନକ ବ୍ୟୁରୋ : ହିନ୍ଦି ବେଲ୍ଟର ୩ ରାଜ୍ୟରେ ପରାଜୟ ପରେ ଆସନ୍ତା ବର୍ଷ ଲୋକସଭା ନିର୍ବାଚନରେ ୨୦୧୪ ପରି ସଫଳତା ଦୋହରାଇବା ପାଇଁ ବିଜେପି ଜୋରଦାର ପ୍ରୟାସ ଚଳାଇଛି । ମିଶନ୍ ୱିଥ୍ ନମୋ ଓ ପହଲା ଭୋଟ ମୋଦିଙ୍କୁ ଅଭିଯାନ ଜରିଆରେ ଯୁବକ ଓ ପ୍ରଥମ ଥର ଭୋଟ ଦେଉଥିବା ଭୋଟରଙ୍କୁ ଆକର୍ଷିତ କରିବା ପାଇଁ ଚେଷ୍ଟା କରୁଛି ।
Kanak News is now on WhatsApp
Join and get latest news updates delivered to you via WhatsApp
ଆଉ କିଛି ମାସ ପରେ ହେବାକୁ ଥିବା ଲୋକସଭା ନିର୍ବାଚନକୁ ଦୃଷ୍ଟିରେ ରଖି ଦଳ ନିଜର ନିର୍ବାଚନୀ ରଣନୀତି ପ୍ରସ୍ତୁତ କରୁଛି । ମହିଳା, କୃଷକ, ଦଳିତ ଓ ସୈନିକଙ୍କ ଉପରେ ଧ୍ୟାନ କେନ୍ଦ୍ରିତ କରି ଦେଶରେ ଭିନ୍ନ ଭିନ୍ନ ସ୍ଥାନରେ କୃଷକ କୁମ୍ଭ, ବିରସା ଗ୍ରାମ ସଭା, ଉଜ୍ଜଳା ରୋଷେଇ କାର୍ଯ୍ୟକ୍ରମଗୁଡ଼ିକ ବଢ଼ାଇବା ପାଇଁ ପ୍ରୟାସ ଜାରି ରହିଛି । ମିିଶନ୍ ୱିଥ୍ ନମୋ ଭଲେଣ୍ଟିୟର ଜରିଆରେ ଦେଶରେ ୫୦ ଲକ୍ଷ ଯୁବଗୋଷ୍ଠୀଙ୍କୁ ସଂକଳ୍ପ ଦିଆଯିବ । ଏହାସହ ପାର୍ଟି ୧୫ ଜାନୁୟାରୀରୁ ୧୦ ଫେବୃୟାରୀ ପର୍ଯ୍ୟନ୍ତ ଭିନ୍ନ ଭିନ୍ନ ୟୁନିଭର୍ସିଟିରେ ଯୁବ ସଂସଦ କାର୍ଯ୍ୟକ୍ରମ ଆୟୋଜିତ କରିବ ।
କୃଷକଙ୍କୁ ଯୋଡ଼ିବା ପାଇଁ ଦଳ ତିନୋଟି ସ୍ତରରେ କାମ କରୁଛି । କେନ୍ଦ୍ରୀୟ ଓ ରାଜ୍ୟ ଟିମ୍ ସହ ଜିଲ୍ଲା ସ୍ତରୀୟ ଟିମକୁ ମଧ୍ୟ କାମରେ ଲଗାଯାଇଛି । ଏହାସହ ପଂଚାୟତ ସ୍ତରରେ କୃଷକ କୁମ୍ଭ ଗ୍ରାମସଭା କାର୍ଯ୍ୟକ୍ରମର ମଧ୍ୟ ଆୟାଜନ ହେବ । ଦଳ ସମସ୍ତ ବୁଥରେ ପାଖାପାଖି ୨ ଡ଼ର୍ଜନ କାର୍ଯ୍ୟକର୍ତ୍ତାଙ୍କ ଟୋଲି ତିଆରି କରିଛି । ଆଉ ସେମାନେ ଦୋକାନୀ, ଛୋଟ ମୋଟ କାମ କରୁଥିବା ବ୍ୟକ୍ତିିଙ୍କ ସହ ସମ୍ପର୍କ କରିବେ ।
ହିନ୍ଦି ବେଲ୍ଟରେ ହୋଇଥିବା ପରାଜୟ ପାଇଁ ଦଳ ପୂର୍ବ ଓ ପୂର୍ବାଂଚଳ ରାଜ୍ୟରୁ ଅଭିଯାନ ଆରମ୍ଭ କରିବ । ଆଉ ଏହି ପ୍ରଧାନମନ୍ତ୍ରୀ ମୋଦି କେରଳ, ପଶ୍ଚିମବଙ୍ଗ, ଓଡ଼ିଶା, ତେଲେଙ୍ଗାନା , ଆନ୍ଧ୍ର ପ୍ରଦେଶ ଓ ଅନ୍ୟ ପୂର୍ବାଂଚଳ ରାଜ୍ୟଗୁଡ଼ିକରେ ଅଧିକ ରାଲି କରିବା ପାଇଁ ଲକ୍ଷ୍ୟ ରଖିଛନ୍ତି । ଏହି ଅଂଚଳରେ ଲୋକସଭାର ୧୨୨ ସିଟ ଆସୁଛି । ନିର୍ବାଚନରେ କୃଷକ ଓ କୃଷି କ୍ଷେତ୍ରକୁ ମୁଖ୍ୟ ମୁଦ୍ଦା କରାଯାଉଛି । ଏପରିସ୍ଥଳେ କୃଷକଙ୍କ ପରିବାର ପର୍ଯ୍ୟନ୍ତ ବଡ଼ ସ୍ତରରେ ପ୍ରଚାର କରିବା ପାଇଁ ଦେଶବ୍ୟାପୀ ଅଭିଯାନ ଆରମ୍ଭ କରିଛନ୍ତି ।
ନୂଆ ଭୋଟରଙ୍କୁ ଆକର୍ଷିତ କରିବା ପାଇଁ ବିଜେପି ଯୁବମୋର୍ଚ୍ଚା ଉପରେ ସମସ୍ତ ଦାୟିତ୍ୱ ଦିଆଯାଇଛି । ପ୍ରଥମ ପର୍ଯ୍ୟାୟରେ ୧୮ ବର୍ଷିୟ ନୂଆ ଯୁବ ଭୋଟରଙ୍କୁ ସମ୍ପର୍କ କରିବା ପାଇଁ ଯୋଜନା ପ୍ରସ୍ତୁତ କରୁଛନ୍ତି । ବିଜେପି ଯୁବ ମୋର୍ଚ୍ଚା ଅଭିଯାନର ନାରା ରଖିଛନ୍ତି, ମୋଦିଙ୍କୁ ମୋର ପ୍ରଥମ ଭୋଟ୍ । ଆଉ ଏହି ସମୟରେ ଯୁବ ଭୋଟରଙ୍କୁ କେନ୍ଦ୍ର ସରକାରଙ୍କ ଜନହିତକର ଯୋଜନା ସମ୍ମନ୍ଧରେ ସୂଚନା ଦିଆଯିବ । ଆଉ ଏହି ସମୟରେ ବିଜେପିକୁ ଭୋଟ ଦେବା ପାଇଁ ଅପିଲ୍ କରାଯିବ । କେନ୍ଦ୍ର ସରକାରଙ୍କ ଷ୍ଟାଟ୍ ଅପ୍ ଯୋଜନା ବିଷୟରେ ଅଧିକ ଚର୍ଚ୍ଚା କରାଯିବ । ଏହା ବ୍ୟତୀତ ଅନଲାଇନ୍ ଟ୍ରେଡ଼ିଂକୁ ନେଇ ଯୁବଗୋଷ୍ଠୀଙ୍କ ବିଷୟରେ ଆଲୋଚନା କରାଯିବ ।