ଦ୍ୱନ୍ଦ୍ୱର ଘଟିଲା ଅବସାନ ! ଭରତ ଅରୁଣ ହେଲେ ଟିମ୍ ଇଣ୍ଡିଆର ନୂଆ ବୋଲିଂ କୋଚ୍
କନକ ବ୍ୟୁରୋ: ଟିମ୍ ଇଣ୍ଡିଆର ନୂଆ କୋଚ୍ ରବି ଶାସ୍ତ୍ରୀଙ୍କ ନୂଆ ଟିମ୍ । ପୂର୍ବତନ ତାମିଲନାଡୁ ପେସ୍ ବୋଲର ଭରତ ଅରୁଣ ହେଲେ ଭାରତର ନୂଆ ବୋଲିଂ କୋଚ୍ । ୨୦୧୯ ବିଶ୍ୱକପ୍ ଯାଏଁ ଅରୁଣ ଏହି ଦାୟିତ୍ୱ ତୁଲାଇବେ । ଅର୍ଥାତ୍ ଆସନ୍ତା ୨ ବର୍ଷ ଯାଏଁ ଟିମ୍ ଇଣ୍ଡିଆର ବୋଲିଂ କୋଚ୍ ରହିବେ ଭରତ ଅରୁଣ ।
Kanak News is now on WhatsApp
Join and get latest news updates delivered to you via WhatsApp
୨୦୧୪ରୁ ୧୬ ମଧ୍ୟରେ ରବି ଶାସ୍ତ୍ରୀ ଟିମ୍ ଇଣ୍ଡିଆ ନିର୍ଦ୍ଦେଶକ ଥିବା ସମୟରେ ଅରୁଣ ବୋଲିଂ କୋଚ୍ ଥିଲେ । ୮୦ ଦଶକରେ ଦୁଇଟି ଟେଷ୍ଟ ଓ ୪ଟି ଦିନିକିଆ ଖେଳିଛନ୍ତି ଅରୁଣ । ଟେଷ୍ଟରେ ୪ଟି ଏବଂ ଦିନିକିଆରେ ଗୋଟିଏ ୱିକେଟ୍ ନେଇଛନ୍ତି ଅରୁଣ । ତେବେ ପ୍ରଥମ ଶ୍ରେଣୀ କ୍ରିକେଟରେ ଭରତ ଅରୁଣଙ୍କ ଭଲ ରେକର୍ଡ ରହିଛି । ୪୮ଟି ମ୍ୟାଚରୁ ୩୨ ଦଶମିକ ୪୪ ଆଭରେଜରେ ୧୧୦ ୱିକେଟ୍ ନେଇଛନ୍ତି ଅରୁଣ ।
ସେହିପରି ବର୍ତ୍ତମାନ ଟିମ୍ ଇଣ୍ଡିଆର ବ୍ୟାଟିଂ କୋଚ୍ ଥିବା ସଂଜୟ ବାଙ୍ଗରଙ୍କୁ ମିଳିଛି ଆସିଷ୍ଟାଂଟ୍ କୋଚ୍ ଦାୟିତ୍ୱ । ସେ ମଧ୍ୟ ଆଗାମୀ ୨ ବର୍ଷ ଯାଏଁ ଟିମ୍ ଇଣ୍ଡିଆର ସହକାରୀ କୋଚ୍ ରହିବେ । ଆର୍ ଶ୍ରୀଧରଙ୍କୁ କରାଯାଇଛି ଟିମ୍ ଇଣ୍ଡିଆର ଫିଲ୍ଡିଂ କୋଚ୍ । ରବି ଶାସ୍ତ୍ରୀଙ୍କ ଏହି ଘୋଷଣା ପରେ କୁହାଯିବ ଯେ, ବିସିସିଆଇ ତାର ନିଷ୍ପତିରୁ ୟୁ ଟର୍ଣ୍ଣ ନେଇଛି । ପୂର୍ବରୁ ଜାହିର ଖାନଙ୍କୁ ବୋଲିଂ କୋଚ୍ ଏବଂ ରାହୁଲ ଦ୍ରାବିଡଙ୍କୁ ବ୍ୟାଟିଂ କୋଚ୍ କରିବା ନେଇ ବିସିସିଆଇ ଘୋଷଣା କରିଥିଲ।। ଯାହା ଏବେ ଅସ୍ପଷ୍ଟ ରହିଛି ।