ଟେଲିକମ ଜଗତ ପରେ ଏବେ ଟେଲିଭିଜନ ଜଗତରେ ଏଣ୍ଟ୍ରି ମାରିବେ ବାବା ରାମଦେବ । ଯୋଗ, ନିତ୍ୟ ବ୍ୟବହାର୍ଯ୍ୟ ସାମଗ୍ରୀ, ଟେଲିକମ ଜଗତରେ ପାଦ ଦେଇଥିବା ବାବା ରାମଦେବ ଏବେ ଟେଲିଭିଜନ ଜଗତରେ ଜଲୱା ଦେଖାଇବାକୁ ଯାଉଛନ୍ତି । ଭାରତରେ ସ୍ୱଦେଶୀ କାରବାରକୁ ବୃଦ୍ଧି କରିବା ପାଇଁ ବିଭିନ୍ନ ବ୍ୟବସାୟରେ ପାଦ ରଖିଥିବା ବାବା ରାମଦେବଙ୍କ ୩ ଚ୍ୟାନେଲକୁ ସରକାର ଗ୍ରୀନ ସିଗନାଲ ଦେଇଛନ୍ତି । ଏହି ତିନଟି ଚ୍ୟାନେଲ ପତଞ୍ଜଳି କମ୍ପାନି ଦ୍ୱାରା ପରିଚାଳିତ ହେଉଥିବା ବୈଦିକ ବ୍ରଡ଼କାଷ୍ଟିଙ୍ଗ ଲିମିଟେଡ଼ ବା ବିବିଏଲ ବ୍ୟାନରରେ ଏହି ୩ଟି ଚ୍ୟାନେଲ ଚାଲିବ । ଯାହାର ମୁଖ୍ୟ ରହିଛନ୍ତି ଆଚାର୍ଯ୍ୟ ବାଳକୃଷ୍ଣ । ବାବା ରାମଦେବଙ୍କର ଅତ୍ୟନ୍ତ ଘନିଷ୍ଠ ସହଯୋଗୀଙ୍କ ମଧ୍ୟରେ ଆଚାର୍ଯ୍ୟ ବାଳକୃଷ୍ଣଙ୍କ ନାଁ ଆସିଥାଏ । ଗୋଟିଏ ବର୍ଷର ଦୀର୍ଘ ପ୍ରତୀକ୍ଷା ପରେ ସରକାର ଏହି ୩ଟି ଚ୍ୟାନେଲକୁ ଲାଇସେନ୍ସ ପ୍ରଦାନ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ପ୍ରସାରଣ ମନ୍ତ୍ରାଳୟ ଯେଉଁ ତିନଟି ଚ୍ୟାନେଲ ପାଇଁ ଲାଇସେନ୍ସ ପ୍ରଦାନ କରିଛି ସେଗୁଡ଼ିକ ହେଲା ଆସ୍ଥା ତାମିଲ, ଆସ୍ଥା ତେଲଗୁ ଓ ଆସ୍ଥା କନ୍ନଡ଼ । ଏହି ତିନି ଚ୍ୟାନେଲୋ ଆଧ୍ୟାତ୍ମିକ କାର୍ଯ୍ୟକ୍ରମ ପରିବେଷଣ କରାଯିବ । ସୂଚନା ପ୍ରସାରଣ ମନ୍ତ୍ରାଳୟ ଗତ ଏକ ବର୍ଷ ହେଲା ପାଖାପାଖି ୧୦୦ ନୂଆ ଟିଭି ଚ୍ୟାନେଲ ପାଇଁ ହୋଇଥିବା ଆବେଦନ ଉପରେ ରୋକ ଲଗାଇଥିଲା । କିନ୍ତୁ ପିଏମଓ ବା ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟର ହସ୍ତକ୍ଷେପ ପରେ ପ୍ରାଥମିକ ପର୍ଯ୍ୟାୟରେ କିଛି ଚ୍ୟାନେଲକୁ ଲାଇସେନ୍ସ ପ୍ରଦାନ କରିବା ପ୍ରକିୟା ଆରମ୍ଭ କରିଛି ।
ପୂର୍ବରୁ ଏହି ତିନି ଚ୍ୟାନେଲକୁ ଲାଇସେନ୍ସ ଦେବା ପାଇଁ ଆବେଦନ କରାଯାଇଥିଲା । କିନ୍ତୁ ତେବେ ଆପ୍ଲିକେସନରେ କିଛି ଭୁଲ ଥିବା ଦର୍ଶାଇ ମନ୍ତ୍ରାଳୟ ରାମଦେବଙ୍କ ଚ୍ୟାନେଲକୁ ଲାଇସେନ୍ସ ପ୍ରଦାନ କରିନଥିଲା । କିନ୍ତୁ ଗତ ସୋମବାର ସୂଚନା ଓ ପ୍ରସାରଣ ମନ୍ତ୍ରୀ ରାଜବର୍ଦ୍ଧନ ସିଂହ ରାଠୋର ବିବିଏଲ ବ୍ୟାନରର ଏହି ତିନି ଚ୍ୟାନେଲକୁ ଗ୍ରୀନ ସିଗନାଲ ଦେଇଛନ୍ତି । ଏହାପୂର୍ବରୁ ମଧ୍ୟ ଆସ୍ଥା ଚ୍ୟାନେଲ ୟୁପିଏ ସରକାରରେ ଅସୁବିଧାରେ ସମ୍ମୁଖୀନ ହୋଇଥିଲା । ଯେତେବେଳେ ଆଧ୍ୟାତ୍ମିକ ଚ୍ୟାନେଲରେ କଳାଧନକୁ କ୍ୟାମ୍ପେନ କରାଯାଉଥିଲା । ତେଣୁ ଏହାପରେ ଆଧ୍ୟାତ୍ମିକ ଚ୍ୟାନେଲରେ ରାଜନୀତିକୁ କୌଣସି ନ୍ୟୁଜ ପରିବେଷଣ ନ କରିବା ସର୍ତ୍ତରେ ଲାଇସେନ୍ସ ଦିଆଯାଇଛି । ବାବା ରାମଦେବଙ୍କ ଏହି ତିନି ଚ୍ୟାନେଲ ଆଗାମୀ ମାସରେ ଲଞ୍ଚ ହେବ ବୋଲି ସୂଚନା ମିଳିଛି । ଏଥିପାଇଁ ୪୦୦ ଘଣ୍ଟାର ବିଭିନ୍ନ ଭିଡ଼ିଓ ପ୍ରସ୍ତୁତ କରାଯାଇଛି । ଯେଉଁଥିରେ ଯୋଗ ଭିଡ଼ିଓ, ଆର୍ୟୁବୈଦିକ ଔଷଧ ସମ୍ପର୍କିତ ଭିଡ଼ିଓ ଓ ବିଭିନ୍ନ ଆଧ୍ୟାତ୍ମିକ ଭିଡିଓ ସ୍ଥାନ ପାଇଛି ।