ଧିରେ ଧିରେ ଜଟିଳ ହେବାରେ ଲାଗିଛି କାଶ୍ମୀର ପ୍ରସଙ୍ଗ । ଗୋଟିଏ ପଟେ ଭାରତୀୟ ସେନା ଆତଙ୍କବାଦୀମାନଙ୍କୁ ନିପାତ କରିଥିବା ବେଳେ ଅନ୍ୟ ପଟେ ମୁମ୍ବାଇ ଆକ୍ରମଣର ମାଷ୍ଟର ମାଇଣ୍ଡ ଲସ୍କର-ଇ-ତୋଇବା ଆତଙ୍କବାଦୀ ସଙ୍ଗଠନ କହିଛି କି ଚଳିତ ବର୍ଷ କାଶ୍ମୀର ପ୍ରସଙ୍କ ଆହୁରି ଜଟିଳ ହେବ । ଅନଲାଇନ ମେସେଜ ମଧ୍ୟରେ ଏହା କହିଛି ଆତଙ୍କବାଦୀ ସଙ୍ଗଠନ ଲସ୍କର-ଇ-ତୋଇବା ।
Kanak News is now on WhatsApp
Join and get latest news updates delivered to you via WhatsApp
ଏକ ଇଂରାଜୀ ଗଣମାଧ୍ୟମରେ ଖବର ପ୍ରକାଶିତ ହୋଇଛି କି, ଆତଙ୍କବାଦୀ ସଂଗଠନ ସେଠାକାର ସ୍ଥାନୀୟବାସୀଙ୍କ ସହ ମିଶି ଯବାନଙ୍କୁ ପ୍ରଭାବିତ କରିବେ । ଯାହା ଫଳରେ ସେଠାକାର ପରିସ୍ଥିତି ଆହୁରି ଜଟିଳ ହେବ ବୋଲି ଏକ ସାକ୍ଷାତକାରରେ ଲସ୍କରର ପ୍ରବକ୍ତା ଗଜନବୀ କହିଛନ୍ତି । ଏହାସହ ପୁଣି ଥରେ ଗଜନବୀ କାଶ୍ମୀର ପ୍ରସଙ୍ଗକୁ ସମର୍ଥନ ଦେଉଥିବା କଥା ସମସ୍ତଙ୍କ ସମ୍ମୁଖରେ କହିଛନ୍ତି । କାଶ୍ମୀରରେ ହେଉଥିବା ଗଣ୍ଡଗୋଳ ପାକିସ୍ଥାନର ଏକ ଅଧୁରା ଏଜେଣ୍ଡା ବୋଲି ସେ କହିଛନ୍ତି ।
ପ୍ରକାଶ ଥାଉ କି, ବର୍ତମାନ ସମୟରେ କାଶ୍ମୀରରେ ପରିସ୍ଥିତକୁ ଶାନ୍ତ କରିବା ଲାଗି ଭାରତୀୟ ସେନା ପକ୍ଷରୁ ଅପେରେସନ ୨୦୧୭ ମସିହା ଠାରୁ ଅପେରେସନ ‘ଅଲଆଉଟ’ ଚାଲିଛି । ଏହି ଅପେରେସନ ଚାଲିବା ପରେ ଅନେକ ଆତଙ୍କବାଦୀଙ୍କ ନିହତ ହୋଇଛି । ତେବେ ରମଜାନ ମାସ ସରିବା ପରେ ପୁଣି ଥରେ ସେନା ଏହି ଅପେରେସନ ଆରମ୍ଭ କରିଛି ବୋଲି ଜଣାପଡିଛି । ଶୁକ୍ରବାର ସକାଳେ ଦକ୍ଷିଣ କାଶ୍ମୀର ଅଞ୍ଚଳରେ ସୁରକ୍ଷାବଳ ଓ ଆତଙ୍କବାଦୀଙ୍କ ମଧ୍ୟରେ ଗୁଳିବିନିମୟ ହୋଇଥିବା ଜଣାପଡିଛି ଓ ଏଥିରେ ୪ଜଣ ଆତଙ୍କବାଦୀ ନିହତ ହୋଇଛନ୍ତି ।