ଦକ୍ଷିଣ-ପଶ୍ଚିମାଂଚଳର ଅତିରିକ୍ତ ଡିଆଇଜି ଦାୟିତ୍ୱ ଗ୍ରହଣ କଲେ ଆଶିଷ କୁମାର ସିଂ !
କନକ ବ୍ୟୁରୋ : ଦକ୍ଷିଣ-ପଶ୍ଚିମାଞ୍ଚଳ ରେଂଜର ଅତିରିକ୍ତ ଡିଆଇଜି ଦାୟିତ୍ୱ ଗ୍ରହଣ କରିଛନ୍ତି ଆଶିଷ କୁମାର ସିଂ । ଡିଆଇଜି କୋରାପୁଟରେ ପହଞ୍ଚିବା ପରେ ତାଙ୍କୁ ଜିଲ୍ଲା ପୋଲିସ ପକ୍ଷରୁ ଗାର୍ଡ ଅଫ ଅନର ଦିଆଯାଇଛି । ପରେ ପରେ ସେ ସ୍ଥାନୀୟ ଗଣମାଧ୍ୟମ ପ୍ରତିନିଧିମାନଙ୍କ ସହ ସୌଜନ୍ୟମୂଳକ ଆଲୋଚନା କରିଛନ୍ତି । ଏହାସହ ଦକ୍ଷିଣ ରେଂଜର ୫ଜଣ ଆରକ୍ଷୀ ଅଧିକ୍ଷକଙ୍କ ସହ ଆଲୋଚନା କରି ନକ୍ସଲ ମାନଙ୍କ ଗତିବିଧି ବିଷୟରେ ଆଲୋଚନା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଦାୟିତ୍ୱ ଗ୍ରହଣ କଲାପରେ ସେ କହିଛନ୍ତି ଯେ, ସାଧାରଣ ଜନତା କିପରି ଭାବରେ ପୋଲିସ ଉପରେ ବିଶ୍ୱାସଭାଜନ ହୋଇପାରିବେ ଓ ଶାନ୍ତିରେ ରହିପାରିବେ ତାହା ଉପରେ ହିଁ ମୁଁ ଧ୍ୟାନ ଦେବି । ଏହାସହ ସମସ୍ତ ନକ୍ସଲମାନଙ୍କୁ ଅନୁରୋଧ କରିି କହିଛନ୍ତି, ସେମାନେ ସମାଜର ମୁଖ୍ୟ ସ୍ରୋତରେ ସାମିଲ ହୋଇ ସରକାରଙ୍କ ଠାରୁ ମିଳୁଥିବା ସହାୟତା ନେବା ସହ ହିଂସାଠାରୁ ଦୂରେଇ ରୁହନ୍ତୁ । ଯଦି ସେମାନେ ହିଂସା ଆପଣାନ୍ତି ତେବେ, ପୋଲିସ ମଧ୍ୟ ସେମାନଙ୍କୁ ଉଚିତ ଜବାବ ଦେବ । ସମସ୍ତେ ଶାନ୍ତିରେ କିପରି ରହିବେ ଓ ସହରର ଶାନ୍ତି କିପରି ବଜାୟ ରହିବ ତାହା ଉପରେ ବିଶେଷ ଭାବରେ ଧ୍ୟାନ ଦେବି ବୋଲି ସେ ଗଣମାଧ୍ୟମକୁ ନିଜ ପ୍ରତିକ୍ରିୟାରେ କହିଛନ୍ତି ।